విజయనగరంలో కూటమి శ్రేణుల జోష్.. 62 మంది కార్పొరేటర్ అభ్యర్థులకు బీ-ఫారాలు అందజేత!

Vizianagaram Elections: రానున్న మున్సిపల్ ఎన్నికల వేడి విజయనగరంలో ముమ్మరమైంది. విజయనగరం జిల్లా తెలుగుదేశం పార్టీ కార్యాలయంలో జరిగిన ఆత్మీయ సమావేశంలో కూటమి తరఫున బరిలో నిలుస్తున్న అభ్యర్థులకు నాయకులు బీ-ఫారాలను అధికారికంగా అందజేశారు.

మేయర్ , కార్పొరేటర్ అభ్యర్థుల ఎంపిక

ఈ కార్యక్రమంలో కూటమి మేయర్ అభ్యర్థిగా పోటీ చేస్తున్న శ్రీమతి అవనపు భార్గవి గారికి ముందుగా బీ-ఫారం అందజేశారు. ఆ తర్వాత కూటమి ఒప్పందంలో భాగంగా తెలుగుదేశం పార్టీ తరఫున 48 మంది, జనసేన పార్టీ తరఫున 10 మంది, భారతీయ జనతా పార్టీ తరఫున నలుగురు కార్పొరేటర్ అభ్యర్థులకు పార్టీ అధికారిక పత్రాలను ప్రముఖ నాయకుల సమక్షంలో అందజేశారు.

ప్రముఖ నాయకుల భాగస్వామ్యం

ఈ కార్యక్రమానికి విజయనగరం ఎమ్మెల్యే అదితి గజపతిరాజు, టీడీపీ అరకు పార్లమెంటరీ పరిశీలకులు, మాజీ జెడ్పీ చైర్మన్ మజ్జి శ్రీనివాసరావు (చిన్న శ్రీను), నెల్లిమర్ల ఎమ్మెల్యే లోకం మాధవి, జనసేన జిల్లా అధ్యక్షురాలు పాలవలస యశస్విని, బీజేపీ రాష్ట్ర కార్యదర్శి రెడ్డి పావని హాజరై అభ్యర్థులను ఆశీర్వదించారు.

సమన్వయంతో ముందుకు సాగాలి

ఈ సందర్భంగా నాయకులు మాట్లాడుతూ.. ఈ నెల 29న జరగనున్న మున్సిపల్ ఎన్నికల్లో విజయం సాధించడమే మన లక్ష్యమని చెప్పారు. టీడీపీ, జనసేన, బీజేపీ నాయకులు మరియు కార్యకర్తలు ఒకరికొకరు సహాయ సహకారాలు అందించుకుంటూ ముందుకు సాగాలని పిలుపునిచ్చారు.

ప్రజల్లోకి కూటమి సంక్షేమ పథకాలు

ఎన్నికల ప్రచారంలో ప్రతి ఇంటికీ వెళ్లి ప్రజలతో మమేకం కావాలని, కూటమి ప్రభుత్వం చేపడుతున్న అభివృద్ధి, సంక్షేమ కార్యక్రమాలను వివరించాలని సూచించారు. కూటమి విజయం కోసం ప్రణాళికాబద్ధంగా పనిచేయాలని కోరారు. ఈ కార్యక్రమంలో భారీ సంఖ్యలో కూటమి నాయకులు, కార్యకర్తలు పాల్గొని ఉత్సాహంగా నినాదాలు చేశారు.

Also Read: శ్రీకాకుళంలో ఘోర విషాదం.. సముద్రంలో కొట్టుకుపోయిన నలుగురు విద్యార్థులు.. ఇద్దరు మృతి!

Join WhatsApp Channel

Share

• 
• 
• 
• 
• 
•