Cockfights: పందెం రాయుళ్లపై పోలీసుల ఉక్కుపాదం.. నున్నలో కోడి పందాల బరులు ధ్వంసం!

Cockfights: పల్లెటూరి లోగిళ్లలో సంక్రాంతి అంటేనే ఒక కొత్త వెలుగు. అయితే సంక్రాంతి వచ్చిందంటే చాలు పల్లెల్లో పందెం రాయుళ్లు ఒక్కసారిగా యూక్టివ్ అయిపోతారు. పుంజులకు శిక్షణ ఇవ్వడం, రహస్య ప్రాంతాల్లో బరిని సిద్ధం చేయడం.. ఇలా పక్కా స్కెచ్‌లతో ప్లాన్లు రెడీ చేసుకుంటారు. లక్షల రూపాయలు చేతులు మారే ఈ జూదానికి సంప్రదాయం అనే ముసుగు వేసి సిద్ధమైపోతారు. కానీ..  అసలు ట్విస్ట్ ఇక్కడే మెుదలవుతుంది. పందెం రాయుళ్లు ఒకవైపు ఎత్తుగడలు వేస్తుంటే.. మరోవైపు పోలీసు నిఘా నీడలా వెన్నాడుతూనే ఉంటుంది. అనుకున్న ప్లాన్ ఫెయిల్ అయితే ఏమవుతుందో పక్కన పెడితేే.. ఈ లోపు  పోలీసులకు సమాచారం అందితే.. ఆ తర్వాత జరిగే సీన్ ఎలా ఉంటుందో మీ ఊహకే వదిలేస్తున్నాం..

విజయవాడ శివార్లలో సంక్రాంతి పండుగను అడ్డుపెట్టుకుని కోడి పందాల నిర్వహణకు సిద్ధమైన పందెం రాయుళ్లపై పోలీసులు ఉక్కుపాదం మోపారు. నున్న ప్రాంతంలోని వికాస్ కాలేజీ రోడ్డులో భారీ ఎత్తున కోడి పందాల బరులను ఏర్పాటు చేసి..  చట్టాన్ని సవాల్ చేసేలా వ్యవహరించిన నిర్వాహకుల ప్లాన్‌ను పోలీసులు ముందే పసిగట్టి అడ్డుకున్నారు.

విజయవాడలో పందెం రాయుళ్లు బరితెగించారు. పండుగ మూడు రోజులు కోడి పందాలు పెట్టేద్దామంటూ అందరూ కూర్చొని మరి ఏంచేయాలో చర్చించుకున్నారు. నున్నలోని వికాస్ కాలేజీ రోడ్డులో కోడి పందాలు ఎలా నిర్వహించాలి ఎవరికి ఎంత ఇవ్వాలనే దానిపై చర్చలు జరుపుకున్నారు. పోలీస్ స్టేషన్‌కు 10 లక్షలు ఇచ్చేందుకు డీల్ సెట్ చేశామంటూ చెప్పుకొచ్చారు కోడి పందాల బరి నిర్వాహకులు.

ఇటు ఎక్సైజ్ అధికారులకు మినహా మిగతా వారికి ఇచ్చేది అదనం అంటూ మాట్లాడుకున్నారు. కోళ్ల పందాలు జరిగే మూడు రోజులు సీఐ దగ్గరకు వెళ్లాల్సిందే.. కేసులు రాయించుకోవాల్సిందేనని ముందే డిసైడ్ అయ్యారు. అయితే కోడి పందాలు మాత్రం యథావిధిగా జరుగుతాయని బరి నిర్వాహకులు గ్యారంటీ కూడా ఇచ్చారు.

ఘటనపై సీరియస్ అయ్యారు సీపీ రాజశేఖర్‌ బాబు. విజయవాడ నున్నలోని కోడి పందాల బరులపై దాడులు చేశారు. ఏసీపీ స్రవంతి రాయ్ అధ్వర్యంలో దాడులు నిర్వహించిన పోలీసులు.. కోడి పందాల బరులను పూర్తిగా ధ్వంసం చేయడంతో పాటు పికెట్ ఏర్పాటు చేశారు.

ALSO READ:  గ్రీన్‌లాండ్ జోలికొస్తే కాల్చిపడేస్తాం.. డెన్మార్క్ Vs ట్రంప్

కోడి పందాల బరులపై పోలీసుల దాడి

విజయవాడలోని నున్నలో ఏసీపీ స్రవంతి రాయ్ ఆధ్వర్యంలో కోడి పందాల బరులపై దాడులు

బరులు ధ్వంసం చేసి పికెట్ ఏర్పాటు చేసిన పోలీసులు pic.twitter.com/RZjPGk8KtO

— BIG TV Breaking News (@bigtvtelugu) January 11, 2026

మూడు రోజులు కోడి పందాలు పెట్టేద్దాం

పోలీస్ స్టేషన్‌కు రూ.10 లక్షలు ఇవ్వడానికి మాట్లాడేశాం

ఎక్సైజ్, మిగిలిన వారికి ఇచ్చేది అదనం

విజయవాడ రూరల్ మండలం నున్న వికాస్ కాలేజీ రోడ్డులో టీడీపీ నేతలు చర్చలు

సోషల్ మీడియాలో టీడీపీ నేతల వీడియో వైరల్ pic.twitter.com/sd69Ehnj4k

— BIG TV Breaking News (@bigtvtelugu) January 11, 2026

Share

• 
• 
• 
• 
• 
•