FREE ITEMS: ఎవరైనా కొన్ని వస్తువులు ఫ్రీగా ఇచ్చినా అసలు తీసుకోకూడదని పండితులు సూచిస్తున్నారు. ఆలా ఇచ్చిన వస్తువులు తీసుకుంటే వారికున్న కర్మలు మీకు బదిలీ అయ్యే అవకాశం ఉంటుందని హెచ్చరిస్తున్నవారు. ఇంతకీ ఏ వస్తువులు దానంగా ఇస్తే తీసుకోకూడదో ఇప్పుడు తెలుసుకుందాం.
చీపురు: ఎవరైనా చీపురు ఫ్రీగా ఇస్తానంటే మాత్రం అసలు తీసుకోకూడదట. చీపురు తీసుకోవడం వల్ల ఎంతటి ధనవంతులైన త్వరలోనే పేదవారిగా మారిపోతారట. కోట్ల ఆస్థులున్నా.. అన్నీ కరిగిపోయి బికారులు అయిపోతారట.
గొడుగు: ఎవరైనా ఉచితంగా మీకు గొడుగు ఇస్తుంటే.. వద్దని చెప్పాలట మొహమాటానికైనా కూడా గొడుగును ఫ్రీగా తీసుకొవద్దని పండితులు హెచ్చరిస్తున్నారు. గొడుగు ఫ్రీగా తీసుకోవడం వల్ల ఆ వ్యక్తికి ధన నష్టం జరుగుతుందట. ఎంత సంపాదించే వ్యక్తి అయినా అంతా పోగొట్టుకునే పరిస్థితి వస్తుందట.
నూనె: మీకు ఎవరైనా నూనెను దానంగా ఇస్తుంటే అసలు తీసుకోకూడదట. నూనె అనేది దురదృష్టానికి సింబల్ లాంటిదట. నూనె ఫ్రీగా తీసుకుంటే మీకు దురదృష్టం పట్టుకుంటుందట. త్వరలోనే మీరు దురదృష్టంతో బాధపడతారట.
ఉప్పు: మీకు తెలిసివారైనా.. తెలియని వారైనా మీకు ఉప్పు ఉచితంగా ఇస్తుంటే మాత్రం మొహమాటం లేకుండా వద్దని చెప్పాలట. ఉప్పు అనేది అప్పులకు సంకేతమట. ఎవరి నుంచైనా ఉప్పు ఉచితంగా తీసుకుంటే ఆ వ్యక్తి త్వరలోనే అప్పుల పాలైపోతాడట.
నువ్వులు: నువ్వులు అనేవి శనిదేవుడికి ఇష్టమైనవి. అలాంటి నువ్వులను మీకు ఎవరైనా ఫ్రీగా ఇస్తుంటే తీసుకోకూడదట.. ఎందుకంటే ఫ్రీగా మీరు తీసుకునేది నువ్వులు కాదు వాటి వెనకాల ఉన్న శనిదేవుడిని. ఎవరైనా ఏరికోరి శనిని వెంట తెచ్చుకుంటారా..? అంటూ ప్రశ్నిస్తున్నారు పండితులు.
సూది: సూది ఎవరైనా మీకు ఉచితంగా ఇస్తామంటే మాత్రం మీరు నిర్మోహమాటంగా వద్దని చెప్పాలట. సూది అనేది గొడవలకు సింబాలిక్ అట. సూది తీసుకోవడం అంటే గొడవలకు మీరే రెడ్ కార్పేట్ పరవడం లాంటిదట.
నగలు: చాలా మంది నగలు ఇస్తామంటే ఎగబడి తీసుకుంటుంటారు. కానీ అలా ఎప్పుడూ తీసుకోకూడదట. నగలు అనేవి దోషాలకు ప్రతీకలట. నగలు తీసుకున్నారంటే ఇచ్చిన వారి దోషాలు మీరు తీసుకున్నట్టేనని పండితులు హెచ్చరిస్తున్నారు. ఎవరైనా చేసిన తప్పులను దోషాలకు పరిహారంగా నగలు ఇవ్వమని చెప్పగానే.. నగలు ఇస్తుంటారని అలా నగలు తీసుకోవడం కరెక్టు కాదని పండితులు సూచిస్తున్నారు.
దువ్వెన: దువ్వెన అనారోగ్యానికి సంకేతమట. ఎవరైనా మీకు దువ్వెన ఉచితంగా ఇస్తానంటే మాత్రం మీరు మొహమాటం లేకుండా వద్దని చెప్పమని పండితులు సూచిస్తున్నారు. దువ్వెన తీసుకోవడం అంటే అనారోగ్యాన్ని ఆహ్వానించినట్టేనట.
చెప్పులు: ఎవరైనా మీకు చెప్పులు ఉచితంగా ఇస్తానంటే అసలు తీసుకోకూడదట. చెప్పులు తీసుకోవడం వల్ల శనిదోషాలు అంటుకుంటాయట. ఇంకా వాళ్లు కొద్ది రోజులు వాడిన చెప్పులు కనక తీసుకుంటే వాళ్ల కర్మలు మొత్తం మీకు ట్రాన్స్ఫర్ అయ్యే అవకాశం ఉంటుందట.
ముఖ్య గమనిక: పైన తెలిపిన వివరాలు కొందరు నిపుణులు, వివిధ శాస్త్రాల్లో పేర్కొన్న అంశాల ఆధారంగా అందించినవి మాత్రమే. వీటిలో అన్నిటికీ ఆధునిక శాస్త్రీయ ఆధారాలు లేకపోవచ్చుననే విషయాన్ని పాఠకులు గమనించాలి. దీన్ని ఎంతవరకు విశ్వసించాలనేది పూర్తిగా మీ వ్యక్తిగత విషయం.
Share
Manchu Manoj: కొన్నిసార్లు చరిత్రను మార్చేది సైన్యాలు కావు.. మంచు మనోజ్ పోస్ట్ వైరల్
vehicle number plates: వాహనాల నెంబర్ ప్లేట్లకు ఉన్న రంగుల అర్థం తెలుసా..?
