Saturday: శనివారం రోజు పోరపాటున కూడా కొన్ని పనులు చేయకూడదని పండితులు సూచిస్తున్నారు. తెలిసి చేసినా తెలియక చేసినా శనిదేవుడి ఆగ్రహానికి గురికావాల్సి ఉంటుందని పండితులు హెచ్చరిస్తున్నారు. ఇంతకీ శని వారం చేయకూడని పనులేంటో ఇప్పుడు ఈ కథనంలో తెలుసుకుందాం.
శనివారం ఎవరైతే గోర్లు కత్తిరించడం చేస్తారో అలాంటి వారికి శనిదోషం పట్టుకుంటుందట. ఇంకా శనివారం గడ్డం గీయించుకోవడం.. జుట్టు కత్తిరించుకోవడం చేసినా శని దోషం పట్టుకుంటుందని పండితులు హెచ్చరిస్తున్నారు.. శని దోషం పట్టుకుంటే ఆ వ్యక్తులు ఆర్థిక, సామాజిక ఆరోగ్య సమస్యలు ఎదుర్కోవాలసి వస్తుందట.
ఎవరైనా తమ కూతురు పుట్టిన ఇంటికి వచ్చాక తిరిగి అత్త వారింటికి వెళ్లుతున్నపుడు ఎట్టి పరిస్థితుల్లో శనివారం పంపకూడదట. ఇలా పంపించడం వల్ల వారి వైవాహిక జీవితంలో అనేక కలహాలు వస్తాయట. కూతరు కాపురమే కూలిపోయే ప్రమాదం వస్తుందట. అందుకే శనివారం కూతురును ఎట్టి పరిస్థితుల్లో మెట్టినింటికి పంపకూడదని పండితులు హెచ్చరిస్తున్నారు.
శనివారం శనిదేవుడికి ప్రీతిపాత్రమైనది అలాగే నూనె, నల్ల మినపపప్పు కూడా శనిదేవుడికి ఇష్టమైనవి కాబట్టి శనివారం ఎట్టి పరిస్థితుల్లో నూనె కానీ నల్ల మినప పప్పు కానీ కొని ఇంటికి తీసుకురాకూడదని పండితులు హెచ్చరిస్తున్నారు. అయితే కొని ఇంటికి తీసుకొస్తే అశుభం కానీ కొని దానం చేస్తే మాత్రం ఎంతో శుభఫలితం వస్తుందట.
శనివారం ఎట్టి పరిస్థితుల్లో మాంసం తినకూడదట. అలాగే మద్యం తాగకూడదట. అలా చేయడం వల్ల శనీశ్వరుడి ఆగ్రహానికి కారణం అవుతారట. కాబట్టి శనివారం మద్యం, మాంసం నిషిద్దం అంటున్నారు పండితులు.
ఎవరైనా శనివారం రోజు పేదలను కానీ బీదవారిని కానీ అన్యాయంగా బాధిస్తే శనిశ్వరుడికి కోపం వస్తుందట. బాధించిన వారిని చాలా కఠినంగా శిక్షిస్తాడట. అయితే ఎప్పుడైనా పేదలను బీదలను అన్యాయంగా బాధించడం తప్పే కానీ శని వారం బాధిస్తే శనీశ్వరుడు ఊరుకోడని పండితులు చెప్తున్నారు.
మంద గమనుడైన శనీశ్వరుడికి ఉప్పు అంటూ కూడా మహా ప్రీతి అంట అందుకే శనివారం ఉప్పు కొనడం నిషిద్దం అంటున్నారు పండితులు. శనివారం ఉప్పు కొని ఇంటికి తీసుకురావడం ఇంట్లోకి శనిని ఆహ్వానించినట్లేనని పండితులు సూచిస్తున్నారు.
శనివారం రోజు ఇనుము కొనడం కూడా చేయకూడదట. అయితే తప్పనిసరి పరిస్థితుల్లో కొంటే ఇంటికి మాత్రం తేకూడదని పండితులు సూచిస్తున్నారు. ఇనుముకు అధిపతి శని కాబట్టి శనివారం రోజు ఇనుము కొని ఇంటికి తీసుకురావడం శనికి స్వాగతం చెప్పడం లాంటిదని పండితులు సూచిస్తున్నారు.
ముఖ్య గమనిక: పైన తెలిపిన వివరాలు కొందరు నిపుణులు, వివిధ శాస్త్రాల్లో పేర్కొన్న అంశాల ఆధారంగా అందించినవి మాత్రమే. వీటిలో అన్నిటికీ ఆధునిక శాస్త్రీయ ఆధారాలు లేకపోవచ్చుననే విషయాన్ని పాఠకులు గమనించాలి. దీన్ని ఎంతవరకు విశ్వసించాలనేది పూర్తిగా మీ వ్యక్తిగత విషయం.
Share
Telangana Electricity: విద్యుత్ అంతరాయాలకు చెక్.. పోల్ నంబర్లతో లైన్ పర్యవేక్షణ సులభతరం
Kalvakuntla Kavitha: పేదల గుడిసెలు కూల్చి.. పెద్దలకు కట్టబెడతారా? కాంగ్రెస్ సర్కార్పై కవిత ఫైర్!
