Shukra Maha Dasha: మీరు ఏ నెలలో అయినా 6వ తేదీన పుట్టారా..? అయితే మీకు జీవితంలో ఎప్పుడు స్థిరత్వం వస్తుదో తెలుసా..? మీకు ఎప్పుడు శుక్రమహాదశ పడుతుందో తెలుసా..? అసలు మీ కష్టానికి తగిన ప్రతిఫలం నూటికి వెయ్యిరెట్టు ఎప్పుడు వస్తుందో తెలుసా..? తెలియకపోతే మీకోసమే ఈ కథనం.
సంఖ్యాశాస్త్రం (Numerology) ప్రకారం 6వ తేదీన (ఏ నెలలోనైనా) జన్మించిన వారు అత్యంత అదృష్టవంతులుగా పరిగణించబడతారు. ఈ సంఖ్యకు అధిపతి శుక్రుడు (Venus). శుక్రుడు ప్రేమ, విలాసం, కళలు మరియు సౌకర్యాలకు కారకుడు. కాబట్టి వీరి జీవితం కూడా చాలా ఆకర్షణీయంగా ఉంటుందని జ్యోతిష్య పండితులు చెప్తుంటారు.
వ్యక్తిత్వం, స్వభావం: 6వ తేదీన పుట్టిన వారిలో ఒక విధమైన అయస్కాంత శక్తి ఉంటుందట. మాటతీరు, నడవడికతో ఎదుటివారిని సులభంగా ఆకర్షిస్తారట. వీరు కుటుంబానికి, స్నేహితులకు ఎక్కువ ప్రాధాన్యత ఇస్తారట. ఇతరులకు సహాయం చేయడంలో ముందుంటారట. వీరు ఎప్పుడూ శుభ్రంగా, అందంగా ఉండటానికి ఇష్టపడతారట. మంచి బట్టలు, ఆభరణాలు ధరించాలని కోరుకుంటారట. అలాగే విలాసవంతమైన వస్తువుల పట్ల వీరికి ఇష్టం ఎక్కువగానే ఉంటుందట. ఇక శుక్రవారం పుట్టిన వారికి గొడవలు అంటే అసలు నచ్చదట. అందరితో కలిసిమెలిసి ఉండాలని కోరుకుంటారట.
భవిష్యత్తు మరియు కెరీర్: శుక్రవారం పుట్టిన వారి మీద శుక్రుడి ప్రభావం ఎక్కువగా ఉంటుందట. వీరికి జీవితంలో సృజనాత్మక రంగాలు అద్భుతంగా కలిసి వస్తాయట. అలాగే సినిమా, సంగీతం, ఫ్యాషన్ డిజైనింగ్, మోడలింగ్ లేదా ఇంటీరియర్ డెకరేషన్ లాంటి వృత్తులు కూడా వీరికి కలిసొచ్చేవేనని పండితులు సూచిస్తున్నారు. హోటల్ రంగం, రెస్టారెంట్లు, జ్యువెలరీ షాపులు లేదా బ్యూటీ పార్లర్లకు సంబంధించిన వ్యాపారాలు చేసినా వీరికి బాగానే కలిసి వస్తుందట.
అదృష్టం ఎప్పుడు కలిసి వస్తుంది?: 6వ తేదీన పుట్టిన వారికి సాధారణంగా జీవితంలో 24 ఏళ్ల తర్వాత మంచి మార్పులు వస్తాయట. 24, 33, 42, 51, 60 సంవత్సరాలలో వీరికి శుక్రమహాదశ పట్టే అవకాశం ఉంటుందట. దీంతో వీరు ఆయా వయసులలో జీవితంలో పెద్ద మలుపులు లేదా గొప్ప విజయాలు చూస్తారట. వీరికి శుక్రవారమే అత్యంత శుభప్రదమైన రోజట. ఏవైనా ముఖ్యమైన పనులు ఆ రోజున మొదలుపెట్టడం మంచిదని పండితులు సూచిస్తున్నారు.
సలహాలు, సూచనలు: శుక్రవారం పుట్టిన వారికి లేత నీలం (Light Blue), తెలుపు (White), గులాబీ (Pink) రంగులు అదృష్ట రంగులట. అయితే శుక్రవారం పుట్టిన వారు వీలైతే నలుపు రంగును అవైడ్ చేయడమే బెటర్ అని పండితులు హెచ్చరిస్తున్నారు. వీరికి అదృష్ట సంఖ్యలు 6, 15, 24. వీరు ఏ పని చేసినా ఈ తేదీల్లో చేస్తే.. విజయావకాశాలు ఎక్కువగా ఉంటాయట. శుక్రవారం పుట్టిన వారు విలాసాలకు ఎక్కువగా ఖర్చు చేసే అవకాశం ఉంటుందట. కాబట్టి పొదుపు చేయడం కూడా అలవాటు చేసుకోవాలని పండితులు సూచిస్తున్నారు. ఇతరులను అతిగా నమ్మడం వల్ల కొన్నిసార్లు మోసపోయే ప్రమాదం కూడా ఉందట. కాబట్టి ఆ విషయంలో కూడా జాగ్రత్తగా ఉండమని చెప్తున్నారు.
ముఖ్య గమనిక: పైన తెలిపిన వివరాలు కొందరు నిపుణులు, వివిధ శాస్త్రాల్లో పేర్కొన్న అంశాల ఆధారంగా అందించినవి మాత్రమే. వీటిలో అన్నిటికీ ఆధునిక శాస్త్రీయ ఆధారాలు లేకపోవచ్చుననే విషయాన్ని పాఠకులు గమనించాలి. దీన్ని ఎంతవరకు విశ్వసించాలనేది పూర్తిగా మీ వ్యక్తిగత విషయం.
Share
Film industry: ఇండస్ట్రీలో విషాదం.. ఆయన లోటు తీర్చరానిది!
ట్రాఫిక్ జామ్లో టైమ్ పాస్.. ట్రక్ డ్రైవర్ ఖతర్నాక్ ఐడియా, ఏం చేశాడో చూడండి!
