5 Useless Car Accessories: కారు కొనుగోలు చేసిన తర్వాత దాన్ని మరింత అందంగా, సౌకర్యవంతంగా మార్చుకోవాలని చాలా మందికి ఉంటుంది. అందుకే మార్కెట్ లో లభించే ఆఫ్టర్ మార్కెట్ యాక్సెసరీలను కొనాలనే ఆలోచన వస్తుంది. కానీ, అందులో ప్రతి యాక్సెసరీ ఉపయోగకరమే అనుకోవడం తప్పు. కొన్ని వస్తువులు కేవలం ఆకర్షణ కోసం మాత్రమే ఉంటాయి. ఉపయోగం తక్కువగా ఉంటుంది. పైగా అదనపు ఖర్చును పెంచుతాయి. నిజానికి కారు అనేది నెమ్మదిగా విలువ తగ్గే ఆస్తి. కొత్త కారు కొనుగోలు చేసిన, మొదటి ఏడాదిలోనే దాని విలువ భారీగా తగ్గుతుంది. తర్వాత కూడా వాడకం, పాతబడటం లాంటి కారణాలతో వ్యాల్యూ తగ్గుతూనే ఉంటుంది. అందుకే అవసరం లేని యాక్సెసరీలపై డబ్బు ఖర్చు చేయడం కన్నా, అవసరమైన వాటికే ప్రాధాన్యం ఇవ్వడం మంచిది. ఈ నేపథ్యంలో కొనకుండా ఉండాల్సిన కొన్ని యాక్సెసరీల గురించి ఇప్పుడు తెలుసుకునే ప్రయత్నం చేద్దాం..
స్లిప్ ఆన్ స్టీరింగ్ వీల్ కవర్లు పట్టును మెరుగుపరుస్తాయి. చాలా సందర్భాల్లో తక్కువ నాణ్యత కలిగినవి సరిగా ఫిక్స్ కావడం లేదు. ఫలితంగా స్టీరింగ్ పై పట్టు తగ్గి, డ్రైవింగ్ సమయంలో ప్రమాదకర పరిస్థితులు ఏర్పడే అవకాశం ఉంది.
చాలా కార్లు ఇప్పటికే మంచి సీట్లతో వస్తాయి. పైగా ఖరీదైన సీట్ కవర్లు వేసుకున్నా, నిజంగా కంఫర్ట్ పెరగడం చాలా తక్కువ. ఇవి కేవలం కారు లోపలి లుక్ మార్చడానికి మాత్రమే ఉపయోగపడతాయి.
టైర్ల ఎయిర్ ప్రెషర్ ను చూపిస్తాయని చెప్పే ఈ పరికరాలు ఎక్కువగా చవకైనవి. వాటి డేటా నమ్మదగినదిగా ఉండకపోవచ్చు. తప్పు సమాచారం వల్ల డ్రైవర్ తప్పు నిర్ణయాలు తీసుకునే ప్రమాదం ఉంటుంది.
వీటిని తరచుగా వాడని వారు కూడా ఫ్యాషన్ కోసం అమర్చుకుంటారు. కానీ, ఇవి కారుపై అదనపు బరువు పెంచి, ఇంధన వినియోగాన్ని పెంచుతాయి. అలాగే, గాలి శబ్దం పెరగడం, నిర్మాణ భద్రతపై ప్రభావం చూపడం లాంటి సమస్యలు వస్తాయి.
LED యాంబియంట్ లైటింగ్ స్ట్రిప్స్ కారు లోపలి అందాన్ని పెంచినా, భద్రత, పనితీరుకు పెద్దగా ఉపయోగం ఉండదు. పైగా, ఎక్కువగా వాడితే బ్యాటరీపై ఒత్తిడి పడుతుంది.
Read Also: కారు ఇండికేటర్ వేసినప్పుడు ‘టిక్ టిక్’ సౌండ్ వస్తుంది, ఎందుకో తెలుసా?
సో, కారు యాక్సెసరీలు కొనేటప్పుడు ఆకర్షణ కంటే అవసరాన్ని ముందుగా ఆలోచించడం ముఖ్యం. ఉపయోగం లేని వస్తువులపై డబ్బు ఖర్చు చేయకుండా, భద్రత, సౌకర్యం పెంచే వాటినే ఎంచుకోవడం మంచిది. దీంతో మీ ఖర్చు తగ్గడమే కాకుండా, కారు పనితీరు కూడా మెరుగ్గా ఉంటుంది.
Read Also: ఇవి స్కూటర్లు కాదు, కదిలే కళాఖండాలు.. జపాన్లో నయా ట్రెండ్!
Share
నెట్ఫ్లిక్స్లో టిల్లు గాడి రచ్చ.. స్టార్ బాయ్ సిద్ధూతో మీనాక్షి చౌదరి రొమాన్స్!
నిరుద్యోగులకు సువర్ణవకాశం.. 827 కానిస్టేబుల్ ఉద్యోగాలకు దరఖాస్తు గడువు పెంపు
