Essential Car Features: కొత్త కారు కొంటున్నారా? ఈ 8 ఫీచర్లు కచ్చితంగా ఉండేలా చూసుకోండి!

8 Safety and Comfort Features In Car: భారతీయ రోడ్లపై భద్రత, సౌకర్యం, సౌలభ్యాన్ని పెంచడానికి ప్రతి కారులో ప్రామాణికంగా కొన్ని ఫీచర్లు ఉండాలని కేంద్ర ప్రభుత్వం నిర్ణయించింది. ప్రయాణీకుల భద్రత లక్ష్యంగా ఈ నిర్ణయం తీసుకుంది. వినియోగదారులు కారు కొనే సమయంలో ఆ ఫీచర్లు ఉన్నాయో? లేవో? కచ్చితంగా చూసుకోవాలని సూచించింది. కారులో ఉండవలసిన ముఖ్యమైన ఫీచర్లలో 6 ఎయిర్‌ బ్యాగులు, ఎలక్ట్రానిక్ స్టెబిలిటీ కంట్రోల్, EBDతో కూడిన ABS, కారులో ప్రయాణించే వారందరికీ 3 పాయింట్ సీట్‌ బెల్ట్ లాంటివి ఉన్నాయి . ఇంకా, ప్రామాణిక ఫీచర్లలో ISOFIX చైల్డ్ సీట్ మౌంట్స్, వెనుక పార్కింగ్ సెన్సార్లు, కెమెరా, టైర్ ప్రెజర్ మానిటరింగ్ సిస్టమ్, మెరుగైన భద్రత కోసం వెనుక డీఫాగర్ వైపర్ ఉండాలని చెప్పింది.

భారతీయ కార్లలో ఉండాల్సిన 8 ముఖ్యమైన ఫీచర్లు

⦿ ఆరు ఎయిర్‌ బ్యాగులు: తప్పనిసరి డ్యూయల్ ఫ్రంట్ ఎయిర్‌ బ్యాగులతో పాటు ప్రమాదాలలో మొత్తం క్యాబిన్ రక్షణకు ఆరు ఎయిర్‌ బ్యాగులు చాలా ముఖ్యమైనవి. ప్రతి కారులోనూ ఇవి కచ్చితంగా ఉండాల్సిందే.

⦿ ఎలక్ట్రానిక్ స్టెబిలిటీ కంట్రోల్ (ESC): స్టీరింగ్ నియంత్రణ కోల్పోవడాన్ని గుర్తించి, స్కిడ్డింగ్, రోల్‌ ఓవర్లను నివారించడానికి ఆటో మేటిక్ గా బ్రేకింగ్ వ్యవస్థను యాక్టివేట్ చేసేలా ఇవి ఉపయోగపడుతాయి.

⦿ ప్రయాణీకులందరికీ 3 పాయింట్ సీట్ బెల్టులు: ఈ 3 పాయింట్ సీట్ బెల్టులు ప్రయాణీకులకు భద్రతను మెరుగు పరుస్తుంది. యాక్సిడెంట్ సమయంలో తీవ్రమైన గాయాల ప్రమాదాన్ని తగ్గిస్తుంది.

⦿ ISOFIX చైల్డ్ సీట్ మౌంట్స్: పిల్లల భద్రతా సీట్ల సురక్షితమైన. అందుకే కార్లలో పిల్లలను సురక్షితంగా తీసుకెళ్లేలా ఈ సీట్లు ఎంతో ఉపయోగపడుతాయి.

⦿ వెనుక పార్కింగ్ కెమెరా, సెన్సార్లు: రద్దీగా ఉండే పార్కింగ్ ప్రదేశాలను నావిగేట్ చేయడానికి, పాదచారులు లేదంటే వెనుక ఉన్న అడ్డంకులను గుర్తించి ప్రమాదాలను నివారించడానికి ఇవి చాలా ఉపయోగపడుతాయి.

⦿ టైర్ ప్రెజర్ మానిటరింగ్ సిస్టమ్: దూర ప్రయాణాలలో భద్రత, ఇంధన సామర్థ్యం కోసం కీలకమైన టైర్ ప్రెజర్‌ ను పర్యవేక్షిస్తుంది. ఎప్పటికప్పుడు టైర్ ప్రెజర్ విషయాన్ని డ్రైవర్ కు అందిస్తుంది.

⦿ వెనుక వైపర్, డీఫాగర్: వర్షాకాలం, పొగమంచు పరిస్థితులలో విజుబులిటీకి ఇవి చాలా ముఖ్యమైనవి. వెనుక వ్యూను మెరుగుపరుస్తుంది. ప్రయాణ సమయంలో భద్రతకు కారణం అవుతుంది.

⦿ ఆండ్రాయిడ్ ఆటో, యాపిల్ కార్‌ ప్లేతో టచ్‌ స్క్రీన్ ఇన్ఫోటైన్‌ మెంట్: హ్యాండ్‌ హెల్డ్ ఫోన్లతో పోలిస్తే అవసరమైన, సురక్షితమైన, పరధ్యానం లేని నావిగేషన్, కమ్యూనికేషన్‌ను అందిస్తుంది. ఫోన్ కూడా నేరుగా మాట్లాడుకునే అవకాశం ఉంటుంది. చెవి దగ్గర సెల్ ఫోన్ ను ఉంచుకోవాల్సిన అవసరం ఉండదు. దీని ద్వారా ప్రమాదాలు గణనీయంగా తగ్గుతాయి.