Without Licence EV Scooters: ఓలా To హీరో.. ఈ స్కూటర్లకు లైసెన్స్, రిజిస్ట్రేషన్ అవసరం లేదండోయ్!

దేశ వ్యాప్తంగా ఎలక్ట్రిక్ వాహనాల వినియోగాన్ని పెంచాలనే ఆలోచనతో కేంద్ర ప్రభుత్వం కీలక నిర్ణయం తీసుకుంది. పెద్ద మొత్తంలో రాయితీలు అందించడంతో పాటు కొన్ని వాహనాలకు రిజిస్ట్రేషన్, లైసెన్స్ నుంచి మినహాయింపు ఇచ్చింది. అంటే, ఈ ఎలక్ట్రిక్ స్కూటర్లకు ఎలాంటి రిజిస్ట్రేషన్ అవసరం లేదు. డ్రైవింగ్ చేసేందుకు లైసెన్స్ కూడా అవసరం లేదు. ప్రస్తుతం ఇండియాలో అందుబాటులో ఉన్న బెస్ట్ వితౌట్ లైసెన్స్ ఎలక్ట్రిక్ స్కూటర్ల గురించి తెలుసుకునే ప్రయత్నం చేద్దాం. వీటిలో పలు టాప్ బ్రాండ్లకు చెందిన మోడల్స్ కూడా ఉన్నాయి. ఈ స్కూటర్లు తక్కువ దూరం, పట్టణ ప్రయాణాలకు అనుకూలంగా ఉండేలా రూపొందించారు.

దేశంలో టాప్ లైసెన్స్ లేని ఎలక్ట్రిక్ స్కూటర్లు ఇవే

⦿ ఓలా గిగ్: ఈ ఎలక్ట్రిక్ స్కూటర్ సుమారు రూ. 39,999– రూ. 53,000 వరకు అందుబాటులో ఉన్నాయి. ఇందులో 1.5 kW మోటారు ఉంటుంది. ఒకే ఛార్జ్ తో 81–157 కి.మీ ప్రయాణించే అవకాశం ఉంటుంది. ఇది పట్టణ ప్రయాణాలకు అనుకూలంగా ఉంటుంది.

⦿ హీరో ఎలక్ట్రిక్ మ్యాక్సీ స్కూటర్: ఈ స్కూటర్ ధర సుమారు రూ. 59,000 పైగా ఉంటుంది. ఒకే ఛార్జ్ తో 120 కి.మీ ప్రయాణించే అవకాశం ఉంటుంది. దీనిలో USB ఛార్జింగ్, రివర్స్ మోడ్‌ ఉంటుంది.

⦿ యులు విన్: ఈ స్కూటర్ ధర సుమారు రూ. 55,555పైగా ఉంటుంది. నగర ప్రయాణానికి అనుకూలంగా ఉంటుంది. ఈ స్కూటర్ స్పీడ్ కాస్త తక్కువగా ఉంటుంది.

⦿ కైనెటిక్ గ్రీన్ జింగ్: ఈ స్కూటర్ ఒకే ఛార్జ్ తో 90 కి.మీ పరిధి వరకు అందిస్తుంది. తక్కువ వేగం విభాగంలో అధిక శ్రేణికి ప్రసిద్ధి చెందింది.

⦿ ఒకినావా లైట్: ఈ స్కూటర్ ధర సుమారు రూ. 66,993 ఉంటుంది. దీనిలో 250W మోటార్ ఉంటుంది. 1.2 kWh రిమూవబుల్ బ్యాటరీ ఉంటుంది. ఈ స్కూటర్ ఒకే ఛార్జ్ తో 60 కి.మీ పరిధిని కలిగి ఉంది.

⦿ ఆంపియర్ రియో 80: ఈ స్కూటర్ ధర సుమారు రూ.43,000 నుంచి రూ. 53,000 వరకు ఉంటుంది. ఈ స్కూటర్ ఒకే ఛార్జ్ తో 80 కి.మీ పరిధిని అందిస్తుంది. విద్యార్థులు, సీనియర్ సిటిజన్ల కోసం ఈ స్కూటర్ అనుకూలంగా ఉంటుంది.

⦿ జాయ్ ఈ-బైక్: ఈ స్కూటర్ కూడా తక్కువ వేగం, లైసెన్స్ రహిత ప్రయాణాన్ని అందిస్తుంది. రిజిస్ట్రేషన్ కూడా అవసరం లేదు.