కార్లు సేఫ్ గా ఉండాలంటే వాహనదారులు కొన్ని కీలక జాగ్రత్తలు తీసుకోవాలి. పార్క్ చేసిన కారులో, ముఖ్యంగా వాతావరణం వేడిగా ఉన్న సమయంలో అస్సలు వదిలేయకూడని కొన్ని వస్తువులు ఉన్నాయి. ఎందుకంటే, కారును ఎండలో పార్క్ చేసినప్పుడు, లోపల ఉష్ణోగ్రత చాలా త్వరగా పెరుగుతుంది. కేవలం 10 నిమిషాల్లో 20°C కంటే ఎక్కువ పెరిగి ప్రమాదకరంగా మారవచ్చు. ఈ సమయంలో కొన్ని వస్తువులను లోపల ఉంచితే, అవి పేలిపోవచ్చు. మంటలు అంటుకోవచ్చు. ఇంతకీ ఆ వస్తువులు ఏవంటే..
హెయిర్ స్ప్రే, డియోడరెంట్, పెయింట్ స్ప్రే, ఎయిర్ ఫ్రెషనర్లు లాంటివి వేడి వాతావరణంలో పార్క్ చేసిన కార్లలలో ఉంచకూడదు. వేడి ఈ బాటిళ్లలో ఒత్తిడిని పెంచుతుంది. ఒక్కోసారి ఇవి పేలిపోవచ్చు. కారులో మంటలు చెలరేగే అవకాశం ఉంటుంది. ఒకవేళ కారులో ఎవరైనా ఉంటే, తీవ్ర ప్రమాదానికి గురయ్యూ అవకాశం ఉంటుంది. అందుకే, వీటిని అస్సలు కారులో ఉంచకూడదు.
కారులో సిగరెట్ లైటర్లు, గ్యాస్ లైటర్లను కూడా ఉంచకూడదు. ఇవి కూడా చాలా సులభంగా వేడెక్కి పేలిపోవచ్చు. మంటలకు కారణం కావచ్చు. చిన్న లైటర్ కూడా పెద్ద నష్టాన్ని కలిగిస్తుంది. అందుకే, వీటిని కారులో ఉంచకూడదు.
ఎక్కువ వేడి వల్ల ఇవి ఉబ్బుతాయి. లీక్ అవుతాయి. వేడెక్కుతాయి. ఒక్కోసారి పేలిపోతాయి. లిథియం బ్యాటరీలు మరింత ప్రమాదకరమైనవి. మంటలకు కారణం అవుతాయి. వాటిని కూడా కారులో ఉంచకూడదు.
ఫోన్లు, ల్యాప్‌ టాప్‌లు, టాబ్లెట్‌లు, ఇయర్‌ఫోన్‌లు, ఛార్జర్‌లు కూడా కారులో ఉంచకూడదు. బ్యాటరీ వేడెక్కి దెబ్బతినే అవకాశం ఉంటుంది. స్క్రీన్‌లు, ప్లాస్టిక్ పార్ట్స్ వార్ప్ కావచ్చు. కరిగిపోవచ్చు. కొన్ని సందర్భాల్లో ఆయా ఎలక్ట్రిక్ పరికరాలు మంటలకు కారణం అవుతాయి.
మాత్రలు, సిరప్‌లు, ఇన్సులిన్ లాంటివి కారులో ఉంచకూడదు. వేడి వాటి ప్రభావాన్ని తగ్గిస్తుంది. కొన్నిసార్లు వాటిని హానికరంగా మారుస్తుంది. కొన్ని మందులు చెడిపోతాయి కూడా. అధిక ఉష్ణోగ్రతలకు గురైనట్లయితే పనికి రానివిగా మారుతాయి. ప్రమాదకరంగా తయారవుతాయి.
ప్లాస్టిక్ వాటర్ బాటిళ్లు, సోడా, బీర్, ఎనర్జీ డ్రింక్స్ లాంటి బాటిళ్లు వేడిగా ఉన్నప్పుడు వాటర్ లోకి హానికరమైన రసాయనాలను విడుదల చేస్తాయి. బాటిళ్లలో ఒత్తిడిని పెంచుతాయి. కొన్నిసార్లు పగిలిపోతాయి.
ఫ్రేమ్‌లు, ముఖ్యంగా ప్లాస్టిక్, మెటల్ వేడి కారణంగా వంగిపోవచ్చు. వాటి ఆకారాన్ని కోల్పోవచ్చు. లెన్స్‌ లు కూడా దెబ్బతినవచ్చు.
కారులో చాక్లెట్, చీజ్, మాంసం, గుడ్లు, వెన్న లాంటివి ఉంచకూడదు. అవి కరుగుతాయి. చెడిపోతాయి. దుర్వాసన వస్తుంది. ఆ ఫుడ్ తినడానికి సేఫ్ కాదు.
⦿ కారును లాక్ చేసే ముందు చెక్ చేయాలి. ముఖ్యమైన వస్తువులను తీసుకెళ్లాలి.
⦿ వీలైనంత వరకు నీడలో పార్క్ చేయాలి. లేదంటే విండ్‌షీల్డ్ సన్‌షేడ్‌ను ఉపయోగించాలి.
Read Also: రూ.10 లక్షల లోపు 5 బెస్ట్ సేఫెస్ట్ కార్లు ఇవే.. టాప్‌లో ఉన్నది ఏ కారంటే?
Share
OTT Movie : ఓటీటీ అలర్ట్... డిజిటల్ కష్టాలు గట్టెక్కిన మలయాళం మూవీ... ఎట్టకేలకు సైలెంట్ గా స్ట్రీమింగ్
Dimple Hayathi: రవితేజ నా భర్తే! ఆయనతో రెండోసారి చేయడం నా అదృష్టం.. డింపుల్ హయాతి
