Upcoming Kia Cars in India: భారత్ లో కియా కంపెనీ పెద్ద ఎత్తున విస్తరించడానికి సిద్ధమవుతోంది. ముఖ్యంగా ఎలక్ట్రిక్, హైబ్రిడ్ వాహనాలపై ఈ బ్రాండ్ ప్రత్యేకంగా దృష్టి పెట్టింది. 2030 నాటికి తమ కార్ల శ్రేణిని మరింత పెంచాలని లక్ష్యంగా పెట్టుకుంది. ఈ నేపథ్యంలో 2026 నుంచి 2030 మధ్య భారత మార్కెట్లోకి రానున్న ముఖ్యమైన కియా కార్ల గురించి ఇప్పుడు తెలుసుకుందాం.
ఈ కారు 2026 జూలైలో విడుదల అయ్యే అవకాశం ఉంది. దేశంలో కియా నుంచి వచ్చే తక్కువ ధర ఈవీగా గుర్తింపు తెచ్చుకోనుంది. ఇందులో సుమారు 42kWh బ్యాటరీ ఉండే అవకాశం ఉంది. మంచి పవర్‌తో పాటు సరిపడే రేంజ్‌ ను ఇస్తుందని భావిస్తున్నారు. డిజైన్ విషయంలో ఐసీఈ మోడల్‌ లా కనిపించినా, ఈవీకి ప్రత్యేకమైన చిన్న మార్పులు ఉంటాయి. ఈ కారు మార్కెట్లో టాటా నెక్సాన్ ఈవీ, మహీంద్రా XUV 3XO లాంటి మోడళ్లకు పోటీగా ఉంటుంది.
ఆ తర్వాత నెక్స్ట్ జనరేషన్ కియా సోనెట్ మార్కెట్ లోకి అడుగు పెట్టనుంది. ఈ కారు 2027లో రానుంది. ప్రస్తుతం ఉన్న మోడల్‌ తో పోలిస్తే కొత్త డిజైన్, మెరుగైన ఫీచర్లు ఉంటాయి. కొత్త ప్లాట్‌ ఫారమ్‌పై ఈ కారును తయారు చేస్తారు. భద్రత, కంఫర్ట్ ఇంకా పెరుగుతాయి. భవిష్యత్తులో దీనికి హైబ్రిడ్ వెర్షన్ కూడా వచ్చే అవకాశం ఉంది. ఈ కారు టాటా నెక్సాన్, మారుతి బ్రెజ్జా లాంటి కార్లతో పోటీ ఇవ్వనుంది.
కియా సెల్టోస్ హైబ్రిడ్ 2027లో మార్కెట్లోకి వచ్చే అవకాశం ఉంది. ఇందులో 1.5 లీటర్ పెట్రోల్ ఇంజన్‌తో పాటు హైబ్రిడ్ సిస్టమ్ ఉండొచ్చు. ఇంధన వినియోగం తక్కువగా ఉండే అవకాశం ఉంది. ధర కూడా రూ. 18 లక్షల నుంచి రూ. 25 లక్షల మధ్య ఉండొచ్చు. ఇది మారుతి గ్రాండ్ విటారా లాంటి హైబ్రిడ్ SUVలకు పోటీగా నిలువనుంది.
కియా సోరెంటో పెద్ద, ప్రీమియం మూడు వరుసల SUV. 2026 చివరికి భారత్ లో అందుబాటులోకి వచ్చే అవకాశం ఉంది. అంతర్జాతీయ మోడళ్లలో ఉన్న ఇంజన్‌కు బదులుగా, భారత మార్కెట్ కోసం కొత్త హైబ్రిడ్ సెటప్‌ను తీసుకురావచ్చు. ఈ కారు సెల్టోస్, XUV700 కంటే పై స్థాయిలో ఉంటుంది. కుటుంబ ప్రయాణాలకు మంచి ఆప్షన్‌గా నిలుస్తుంది.
కియా కార్నివాల్ హైబ్రిడ్ 2030 ప్రాంతంలో విడుదలయ్యే అవకాశం ఉంది. ప్రస్తుత కార్నివాల్ డీజిల్ మోడల్‌కు ఇది హైబ్రిడ్ వెర్షన్‌గా ఉంటుంది. 1.6 లీటర్ టర్బో పెట్రోల్ హైబ్రిడ్ ఇంజన్‌తో రావచ్చు. ఫ్యూయెల్ ను ఆదా చేయడంతో పాటు సాఫ్ట్ డ్రైవింగ్ అనుభవాన్ని ఇస్తుంది. మొత్తంగా కియా భవిష్యత్తులో ఎలక్ట్రిక్, హైబ్రిడ్ వాహనాలపై ఎక్కువగా దృష్టి పెడుతోంది. కొత్త టెక్నాలజీ, మెరుగైన మైలేజ్, ఆధునిక ఫీచర్లతో భారత మార్కెట్లో మరింత బలంగా నిలబడాలని ప్రయత్నిస్తోంది.
Read Also: టాటా vs మహీంద్రా.. 2026లో లాంచ్ కాబోయే టాప్ SUVలు ఇవే!
Share
గుడ్డు కూర గొడవ.. చున్నీతో వ్యక్తి ప్రాణం తీసిన మహిళ
రూ. 2,499 కే అదిరిపోయే స్మార్ట్ రింగ్.. boAt SmartRing Active ఫీచర్లు చూశారా?
