Cars Discounts: 20 లక్షల కారు.. జస్ట్ 4 లక్షలకే.. ఎక్కడో తెలుసా?

80 Percent Discount on Cars: రూ. 20 లక్షలు విలువ చేసే కారు.. కేవలం రూ. 4 నుంచి 5 లక్షలకే దొరుకుతుందంటే.. ఎవరు మాత్రం వద్దు అనుకుంటారు? అవును మీరు విన్నది నిజమే. కొద్ది రోజులు వాడిన కార్లు ఏకంగా 50 నుంచి 80 శాతం తగ్గింపు ధరకు లభిస్తున్నాయి. అదీ ప్రభుత్వమే అధికారికంగా అందిస్తుంది. అంత తక్కువ ధరకు కార్లు ఎలా వస్తాయని ఆశ్చర్యపోతున్నారా? అసలు విషయం తెలుసుకోండి.

అంత తగ్గింపు ఎందుకు అంటే?

సాధారణంగా బ్యాంకులు కార్లకు లోన్లు ఇస్తాయి. వారు తిరిగి చెల్లించని కారణంగా వాటిని స్వాధీనం చేసుకుంటారు. వాటిని భారీ డిస్కౌంట్లకు అమ్మేస్తారు. ఈ కార్లను లోన్స్ చెల్లించని వారి నుంచి ఎక్కువగా జప్తు చేస్తారు. బ్యాంకులు ఆ వాహనాలను ఉంచుకోవు. తమ డబ్బును రికవరీ చేసుకునేందుకు వాటిని అమ్ముతాయి. తమ అమౌంట్ వస్తే చాలు అనుకుంటాయి. షోరూమ్ మార్జిన్లు, కమీషన్లతో అవసరం లేకుండా తక్కువ ధరలకు అమ్మేస్తాయి. వేలానికి టైమ్ పీరియడ్ ఉంటుంది. ధరలు మార్కెట్ విలువ కంటే చాలా తక్కువగా ప్రారంభమవుతాయి. సాధారణంగా రూ. 20 లక్షలు ఉండే కార్లు, ఈ సమయంలో కేవలం రూ. 5 లక్షలకే లభిస్తుంది. అటు ట్రాఫిక్ వాయిలేషన్స్ కు పాల్పడిన కార్లను కూడా పోలీసులు సీజ్ చేస్తారు. వాటిని యజమానులు తీసుకెళ్లకపోతే, వాటిని కూడా వేలంలో విక్రయిస్తారు. ఈ కార్లను బ్యాంకు అధికారులతో పాటు ప్రభుత్వశాఖలు, పోలీసులు, ఆర్టీఏ అధికారులు అమ్ముతారు.

కార్ల వేలం గురించి ఎలా తెలుసుకోవాలంటే?

ఈ కార్ల వేలం గురించి తెలుసుకునేందుకు కొన్ని వెబ్ సైట్లు ఉన్నాయి. వాటి ద్వారా ఎప్పటికప్పుడు వేలం వివరాలను తెలుసుకునే అవకాశం ఉంటుంది. eAuctionsIndia.com, ForeclosureIndia.com, AutoBSE.com లాంటి వెబ్ సైట్లలో ఈ వివరాలను పొందుపరుస్తారు.

ఈ కార్లను ఎలా కొనాలంటే?

⦿వేలంలో తక్కువ ధరకు కార్లు కొనాలనుకునే వాళ్లు ముందుగా సదరు వేలం నిర్వహించే వెబ్ సైట్లలో పాన్, ఆధార్ నెంబర్ తో రిజిస్టర్ చేసుకోవాలి. ఆ తర్వాత నచ్చిన వాహనాన్ని సెలెక్ట్ చేసుకోవాలి.

⦿ అనంతరం రిఫండబుల్ అమౌంట్ అంటే, కారు ధరలో 5 నుంచి 10 శాతం ధరను చెల్లించి ఆక్షన్ కోసం బిడ్ వేయాలి.

⦿ ఎవరైతే ఎక్కువ బిడ్ వేస్తారో వరికే ఆ కారు అలాట్ అవుతుంది. బ్యాలెన్స్ చెల్లించి కారు ఇంటికి తీసుకెళ్లాల్సి ఉంటుంది.