India’s Cheapest Electric Car: భారతీయ మార్కెట్లో ఎలక్ట్రిక్ వాహనాల ఫ్లో పెరుగుతోంది. ఈ విభాగంలో ఆయా కంపెనీల నుంచి సరికొత్త మోడల్స్ అందుబాటులోకి వస్తున్నాయి. ఎప్పటికప్పుడు అప్ డేట్ చేస్తూ, తక్కువ ధరలో ఎక్కువ మైలేజ్ ఇచ్చే ఈవీలను విడుదల చేస్తున్నాయి. పెద్ద కంపెనీలకు సవాల్ విసిరేలా స్టార్టప్ కంపెనీలు మరింత తక్కువ ధరలు ఈవీలను తయారు చేసేందుకు ప్రయత్నిస్తున్నాయి. తాజాగా వింగ్స్ EV (Wings EV) అనే ఇండోర్ స్టార్టప్ దేశంలో తొలి ఎలక్ట్రిక్ మైక్రో కార్ (క్వాడ్రిసైకిల్ కేటగిరీ)గా పరిచయమవుతోంది.
ప్రకాష్ దండేకర్, ప్రణవ్ దండేకర్ అనే ఇద్దరు తండ్రీ కొడుకులు ఈ సంస్థను స్థాపించారు. తాజాగా ఈ కంపెనీ రాబిన్ EVని తయారు చేసింది. ఇది బైక్ సైజులో ఉండే చిన్న ఎలక్ట్రిక్ కారు. ఇంకా చెప్పాలంటే టాటానానోతో పోల్చితే సగం ఉంటుంది. ఈ EV కేవలం 2.25 మీటర్ల పొడవు, 945 మిమీ వెడల్పు, 1,560 మిమీ ఎత్తులో ఉంటుంది. ఇది మోటార్ సైకిల్ కు అవసరమైనంత స్థలాన్ని మాత్రమే తీసుకుంటుంది. సిటీ డ్రైవ్, టాఫిక్ లో సులభంగా నడిపేలా రూపొందించారు. 2025లో లాంచ్ అయ్యింది. డెలివరీలు కూడా ప్రారంభం కాబోతున్నాయి.
ఇది టూ-సీటర్ ఎలక్ట్రిక్ మైక్రో-కారు (క్వాడ్రిసైకిల్) గా వస్తుంది. 5.6 kWh LFP (లిథియం ఐరన్ ఫాస్ఫేట్) బ్యాటరీ ప్యాక్ ను కలిగి ఉంటుంది. 65-90 కి.మీ (వేరియంట్ పై ఆధారపడి) రేంజ్ అందిస్తుంది. సాధారణ 16A ప్లగ్తో 5 గంటల్లో ఫుల్ ఛార్జ్ అవుతుంది. 6 kW (రెండు BLDC హబ్ మోటార్లు) పవర్, 282 Nm టార్క్ అందిస్తుంది. AC, సీట్ బెల్ట్స్, హెడ్ల్యాంప్స్, టైల్ ల్యాంప్స్, స్టీరింగ్, బ్రేక్స్ ఉంటాయి. ARAI 7 సేఫ్టీ టెస్టుల్లో పాస్ అయ్యింది. 3 వేరియంట్లు, ప్రతి ఒక్కటి 3 కలర్స్ లో లభిస్తుంది.
రాబిన్ EVని బేసిక్ వేరియంట్ ధర రూ. 1.99 లక్షలు ఉంటుంది. మిడ్ రేంజ్ వేరియంట్ రూ. 2.5 లక్షలు ఉంటుంది. లగ్జరీ వేరియంట్ రూ. 3 లక్షలు ఉంటుంది.
చాలా చౌక ధరకు లభిస్తుంది. బైక్ ధరకే కారు దొరుకుతుంది. సిటీలో పార్కింగ్ సులభం, ట్రాఫిక్ లోనూ ఈజీగా వెళ్లిపోవచ్చు. జీరో పొల్యూషన్, లో మెయింటెనెన్స్ ఉంటుంది. AC ఉండటం వల్ల మన వాతావరణానికి పర్ఫెక్ట్ గా ఉంటుంది. రేంజ్ తక్కువ కాబట్టి సిటీ యూజ్కు మాత్రమే బెస్ట్. హైవే స్పీడ్ లిమిటెడ్(క్వాడ్రిసైకిల్ కేటగిరీ కాబట్టి)గా ఉంటుంది.
రాబిన్ EVకి సంబంధించి ప్రీ బుకింగ్స్ ఓపెన్ అయ్యాయి. పూర్తి వివరాల కోసం అధికారిక వెబ్ సైట్ wingsev.com చూడండి. టెస్ట్ డ్రైవ్ కోసం బుక్ చేసుకోవచ్చు. మొదటి సంవత్సరం 3000 యూనిట్లు సేల్ టార్గెట్ గా కంపెనీ పని చేస్తుంది. ఒకవేళ మీకు కూడా బడ్జెట్ ఈవీ కావాలంటే ఇది సూపర్ ఆప్షన్ గా చెప్పుకోవచ్చు.
Read Also: సియోర్రా To అవిన్యా.. 2026లో లాంచ్ కాబోతున్న టాటా ఈవీలు ఇవే!
Share
Top 20 News: తండ్రి కొడుకులను ఈడ్చుకెళ్ళని స్కూల్ బస్సు, ఆదాయానికి మించిన ఆస్తులు.. ఏసీబీ దాడులు
Meesho New Year Offers: ఇది కదా అసలైన లూట్.. మీషో న్యూయర్ సేల్లో సగం ధరలకే బ్రాండెడ్ లుక్ ప్రొడక్ట్స్
