2026 Kawasaki Ninja 1100SX Discount Offer: కవాసకి కొత్త సంవత్సరం ఆఫర్ తీసుకొచ్చింది. నింజా 1100SX పై పరిమిత కాల డిస్కౌంట్ ఆఫర్ను అనౌన్స్ చేసింది. ఈ బైక్ మీద రూ. 1.43 లక్షల డిస్కౌంట్ వోచర్ ను అందిస్తోంది. దీనిని బైక్ ఎక్స్ షోరూమ్ ధరతో పోలిస్తే రీడీమ్ చేసుకునే అవకాశం కల్పిస్తోంది. డిస్కౌంట్ తీసివేసిన తర్వాత ఈ బైక్ రూ. 12.99 లక్షలకు అందుబాటులో ఉంది. అయితే, ఇన్సూరెన్స్, రిజిస్ట్రేషన్ ఖర్చు అదనంగా ఉంటుందని కంపెనీ తెలిపింది. ఈ ఆఫర్ జనవరి 31, 2026 వరకు అందుబాటులో ఉంటుందని తెలిపింది.
2026 కవాసకి నింజా 1100SX రీసెంట్ గా ఇండియాలో విడుదల చేసింది. రూ. 14.42 లక్షలకు దీనిని ప్రారంభించింది. ఈ బైక్ 2025లో అందుబాటులోకి వచ్చిన మోడల్ తో సమానంగా ఉంటుంది. అయితే, రంగుల్లో కాస్త తేడాలు ఉన్నాయి. నింజా 1100SXకి 1,099cc, లిక్విడ్ కూల్డ్, ఇన్ లైన్ ఫోర్ సిలిండర్ ఇంజన్ ను కలిగి ఉంటుంది. ఇది ఇది 134.14bhp, 113Nm పీక్ టార్క్ ను ఉత్పత్తి చేస్తుంది. ఈ మోటార్ ఇప్పుడు E20 ప్యూయెల్ కు అనుకూలంగా ఉంటుంది. ఆరు స్పీడ్ గేర్ బాక్స్ తో జత చేయబడింది.
నింజా 1100SX పనితీరు, రిలాక్స్డ్ ఎర్గోనామిక్స్, రోజువారీ వినియోగానికి ఆకట్టుకుంటుంది. ఇంకా చెప్పాలంటే సౌకర్యవంతమైన స్పోర్ట్ టూరర్ గా గుర్తింపు తెచ్చుకుంది. నిజానికి నింజా 1100SX అనేది స్పోర్ట్ టూరింగ్ బైక్ గా మార్కెట్ లోకి అడుగు పెట్టింది. మంచి పనితీరు, అధునాతన సాంకేతికత, సౌకర్యాన్ని మిళితం చేస్తుంది. ఇది రోజువారీ ప్రయాణాలకు, సుదూర ప్రయాణాలకు అనుకూలంగా ఉంటుంది.
Read Also: లో కాస్ట్, బెస్ట్ మైలేజ్.. హీరో HF డీలక్స్ సూపర్ ఆప్షన్ బ్రో!
నింజా 1100SX వాల్వ్ సిస్టమ్ DOHC, 16 వాల్వ్స్ తో ఉంటుంది. కంప్రెషన్ రేషియో 11.8:1గా ఉంటుంది. మైలేజ్ సుమారు 17.85 kmpl ఇస్తుంది. ఇండియాలో సుమారు రూ. 14.42 లక్షల నుంచి ప్రారంభం అవుతుంది. స్పోర్ట్ టూరింగ్ బైక్ గా సత్తా చాటుతుంది. ఇది మంచి పనితీరు, శక్తివంతమైన టార్క్, సౌకర్యవంతమైన రైడింగ్ను అందిస్తుంది. కొత్త మోడల్స్ E20 ప్యుయెల్ కు అనుకూలంగా ఉంటుంది. ఈ బైక్ కొత్త కలర్ స్కీమ్లలో లభిస్తున్నాయి. కొన్ని అంతర్జాతీయ మోడల్స్ లో హీటెడ్ గ్రిప్స్, క్రూజ్ కంట్రోల్ వంటివి కూడా అందుబాటులో ఉన్నాయి. ఒకేసారి ధర లక్షన్నర తగ్గడంతో చాలా మంది యువకులు ఈ బైక్ ను కొనుగోలు చేసేందుకు ఆసక్తి చూపిస్తున్నాయి. అటు కంపెనీ సిబ్బంది కూడా ఔత్సాహికులు ఈ నెల చివరలోగా ఈ బైక్ ను కొనుగోలు చేయడం మంచిదంటున్నారు. ఈ ఆఫర్ అయిపోయిన తర్వాత మళ్లీ దీని ధర రూ. 14.42 లక్షలకు చేరే అవకాశం ఉందంటున్నారు.
Read Also: ఎక్కువ మైలేజ్ ఇచ్చే.. చౌకైన ఆటో మేటిక్ కారు ఇదే!
Share
The Paradise : నాని 'ది ప్యారడైజ్ 'లో విలన్ పాత్రలో సీనియర్ నటుడు..?
Mexican Chicken: నోరూరించే మెక్సికన్ చికెన్, ఫ్రైడ్ రైస్ తో పాటూ బెస్ట్ కాంబినేషన్
