Maruti Brezza 10th Anniversary: మారుతి సుజుకి 2016 ఆటో ఎక్స్ పోలో మారుతి సుజుకి విటారా బ్రెజ్జాను తొలిసారి పరిచయం చేసింది. కాంపాక్ట్ SUV విభాగంలోకి తన ప్రయాణాన్ని ప్రారంభించింది. చిన్న వాహనాలలో ఎక్కువ గ్రౌండ్ క్లియరెన్స్, SUV డిజైన్ ను కొనుగోలుదారులు ఎక్కువగా ఇష్టపడటంతో, నాలుగు మీటర్ల లోపు SUVలకు డిమాండ్ పెరుగుతున్న సమయంలో ఈ మోడల్ అందుబాటులోకి వచ్చింది. బ్రెజ్జా కొద్ది కాలంలోనే కంపెనీ లైనప్ లో అత్యంత కీలకమైన మోడల్ గా గుర్తింపు తెచ్చుకుంది. భారత్ లో పూర్తిగా అభివృద్ధి చేసిన తొలి మారుతి సుజుకి మోడల్ విటారా బ్రెజ్జా.
విటారా బ్రెజ్జా ప్రారంభంలో డీజిల్ ఇంజిన్ తో మాత్రమే అందుబాటులోకి వచ్చింది. ఈ కారు కొద్ది రోజుల్లోనే SUV ఈ విభాగంలో తనకంటూ ఓ ప్రత్యేక గుర్తింపు తెచ్చుకుంది. ఆ తర్వాత డీజిల్ నుంచి పెట్రోల్ పవర్ కి మారింది. అభివృద్ధి చెందుతున్న ఉద్గార నిబంధనలకు అనుగుణంగా రూపొందింది. మార్కెట్ లో ఇతర కార్లతో పోటీగా ఉండేందుకు అదనపు ఫీచర్లను తీసుకొచ్చింది. పాత మోడల్ ను పూర్తిగా అప్ డేట్ అవుతోంది. ఈ మోడల్ ను బ్రెజ్జాగా మార్చారు. ‘విటారా’ అనే పేరును తొలగించారు. ఇప్పుడు ఈ కాంపాక్ట్ SUV దేశంలో 10 సంవత్సరాలు పూర్తి చేసుకుంది. గత దశాబ్దంలో బ్రెజ్జా దేశంలో అత్యధికంగా అమ్ముడైన టాప్ 10 కార్లలో ఒకటిగా కొనసాగుతోంది.
తొలి తరం మారుతి బ్రెజ్జా 2016లో ప్రారంభం అయ్యింది. మార్చిలో తొలిసారి అందుబాటులోకి వచ్చింది. దీని ధర రూ. 6.99 లక్షల నుంచి ప్రారంభం అయ్యింది. ఇది కంపెనీ గ్లోబల్ సి ప్లాట్ ఫామ్ మీద నిర్మించారు. స్క్వేర్డ్ వీల్ ఆర్చ్లు, కాంట్రాస్టింగ్ రూఫ్ ఎంపికలతో ప్రత్యేకంగా నిలిచింది. DRLలతో LED ప్రొజెక్టర్ హెడ్ ల్యాంప్లు, 16 అంగుళాల అల్లాయ్ వీల్స్, ముందు, వెనుక స్కిడ్ ప్లేట్లు, అగ్రెసివ్ గ్రిల్ తో కూడిన మస్క్యులర్ ఫ్రంట్ బానెట్, స్ట్రింగ్ వీల్ ఆర్చ్ లు లాంటి స్పెసిఫికేషన్లు ఉన్నాయి. 1.3-లీటర్, 4-సిలిండర్, మల్టీజెట్ డీజిల్ ఇంజిన్ తో వచ్చింది. ఇది 90 hp పవర్, 200 nm టార్క్ ను ఉత్పత్తి చేస్తుంది. ఇది 5-స్పీడ్ మాన్యువల్ తో వచ్చింది. ఆ తర్వాత తరువాత AMT ఎంపికను తీసుకొచ్చారు. ఈ SUV టచ్ స్క్రీన్ ఇన్ఫోటైన్మెంట్ సిస్టమ్, ఆటోమేటిక్ క్లైమేట్ కంట్రోల్, స్టీరింగ్ మౌంటెడ్ కంట్రోల్స్, పుష్ బటన్ స్టార్ట్/స్టాప్, ఆపిల్ కార్ ప్లే, రివర్స్ కెమెరా, క్రూయిజ్ కంట్రోల్, సెమీ డిజిటల్ క్లస్టర్, ఆటో హెడ్ లైట్లు, రెయిన్ సెన్సింగ్ వైపర్లు, ఎలక్ట్రిక్ ORVMలు, డ్యూయల్ ఎయిర్బ్యాగ్లు, ABS సహా పలు ఫీచర్లను కలిగి ఉంది.
మొదటి తరం బ్రెజ్జా 2020 ప్రారంభం అయ్యింది. SUV అదనపు ఫీచర్లతో చిన్న కాస్మెటిక్ అప్గ్రేడ్లను కలిగి ఉంది. ఈ సవరణలతో పాటు, మారుతి సుజుకి BS6 ఉద్గార నిబంధనల కంటే ముందే 1.3-లీటర్ డీజిల్ ఇంజిన్ను నిలిపివేసి. దానిని 1.5-లీటర్ K15B నేచురల్లీ ఆస్పిరేటెడ్ పెట్రోల్ యూనిట్తో వచ్చింది. ఈ కొత్త ఇంజిన్ను 5-స్పీడ్ మాన్యువల్, 4-స్పీడ్ ఆటోమేటిక్తో జత చేశారు. అదనపు ఫీచర్లు ప్రవేశపెట్టబడ్డాయి. ఈ మోడల్ లో ఆపిల్ కార్ ప్లే, ఆండ్రాయిడ్ ఆటోకు మద్దతు ఇచ్చే 7-అంగుళాల స్మార్ట్ ప్లే టచ్ స్క్రీన్ ఇన్ఫోటైన్మెంట్ సిస్టమ్ ను తీసుకొచ్చింది. ఇది ఆటోమేటిక్ క్లైమేట్ కంట్రోల్, డైమండ్ కట్ వీల్స్, క్రూయిజ్ కంట్రోల్, పుష్ బటన్ స్టార్ట్, స్టీరింగ్ మౌంటెడ్ కంట్రోల్స్ తో కీలెస్ ఎంట్రీని కూడా అందించింది.
2022లో మారుతి సుజుకి సెకెండ్ జెనరేషన్ మోడల్ను విడుదల చేసింది. కంపెనీ విటారా ప్రిఫిక్స్ ను తొలగించి, బ్రెజ్జాగా రీబ్రాండ్ చేసింది. ఈ మోడల్ 1.5-లీటర్ నేచురల్లీ ఆస్పిరేటెడ్ పెట్రోల్ ఇంజిన్తో వచ్చింది. ఇది ఐదు స్పీడ్ మాన్యువల్, ఆరు స్పీడ్ టార్క్ కన్వర్టర్ ఆటోమేటిక్తో అందించబడింది. తర్వాత CNG ఎంపికను జోడించింది. బయటి మార్పులలో పాటు ఇంటీరియర్ మార్పులతో వచ్చింది. చక్కటి ఫ్రంట్ డిజైన్, విశాలమైన గ్రిల్, ఇంటిగ్రేటెడ్ డేటైమ్ రన్నింగ్ లైట్లు, సవరించిన బంపర్లతో LED హెడ్ ల్యాంప్ లు ఉన్నాయి. వెనుక భాగంలో, SUV బ్లాక్ స్ట్రిప్, కొత్త అల్లాయ్ వీల్స్ ప్రవేశపెట్టింది. లోపల, క్యాబిన్ లేఅవుట్ అప్ డేట్ అయ్యింది. వైర్ లెస్ ఆపిల్ కార్ ప్లే, ఆండ్రాయిడ్ ఆటోకు సపోర్ట్ ఇచ్చే 9 అంగుళాల టచ్ స్క్రీన్ ఇన్ఫోటైన్మెంట్ సిస్టమ్తో వచ్చింది. హెడ్స్ అప్ డిస్ ప్లే, 360-డిగ్రీ కెమెరా, సన్ రూఫ్, వైర్లెస్ ఛార్జింగ్, కనెక్ట్ చేయబడిన కార్ టెక్నాలజీ ఉన్నాయి. ఆరు ఎయిర్ బ్యాగ్లు, ఎలక్ట్రానిక్ స్టెబిలిటీ కంట్రోల్, హిల్ హోల్డ్ అసిస్ట్ ను చేర్చడానికి విస్తరించబడ్డాయి. ఈ అప్ డేట్స్ ఈ విభాగంలో మోడల్ దాని అమ్మకాల పనితీరును నిలబెట్టుకోవడానికి ఉపయోగపడ్డాయి.
Read Also: కార్లలో పుష్ స్టార్ట్, స్టాప్ బటన్.. లాభాలే కాదు, నష్టాలూ ఉన్నాయ్!
Share
War Impact on India: భారతీయుల చావుకొచ్చిన యుద్ధం.. పెరగనున్న ధరలు.. మధ్యతరగతిపై ఆర్థిక పిడుగు!
Bengaluru Crime: వంటలో అత్తతో చిచ్చు.. టెక్కీ కోడలు సూసైడ్, బెంగుళూరులో దారుణం
