Ola Electric: ఓలా క్రేజీ ఆఫర్.. ఏకంగా రూ.30 వేలు తగ్గింపు!

Ola Electric Ugadi Offers 2026: ఓలా ఎలక్ట్రిక్ ఉగాది, నవరాత్రి పండుగ సందర్భంగా క్రేజీ డిస్కౌంట్స్ ప్రకటించింది. మార్చి 2026 ఆఫర్ లో భాగంగా, ఎండ్ ICE ఏజ్ పేరిట భారీ ఆఫర్లను ప్రకటించింది. ఈ ఆఫర్లలో భాగంగా ఎలక్ట్రిక్ స్కూటర్లు, రోడ్‌ స్టర్ బైక్‌ లపై రూ. 30,000 వరకు ప్రయోజనాలు అందిస్తుంది. క్రెడిట్ కార్డ్ ఈఎంఐలపై రూ.10,000 వరకు క్యాష్‌ బ్యాక్, 8 ఏళ్ల వరకు ఉచిత వారంటీ పొందే అవకాశం కల్పిస్తుంది.

ఓలా ఎలక్ట్రిక్ ఉగాది ఆఫర్ వివరాలు..

ఓలా ఎలక్ట్రిక్ ఉగాది ఆఫర్ లో భాగంగా మొత్తం రూ. 30,000 వరకు బెనిఫిట్స్ అందిస్తుంది. స్కూటర్లు, రోడ్‌ స్టర్ మోడల్స్ మీద ఈ డిస్కౌంట్స్ ను అందుబాటులో ఉంచింది. ఇక నగదు తగ్గింపులో భాగంగా S1 మోడళ్లపై రూ. 10,000 వరకు తగ్గింపు అందిస్తుంది.

ఓలా బ్యాంక్ ఆఫర్లు:ఇక ఫెడరల్, IDFC, యెస్ బ్యాంక్, యాక్సిస్, HDFC, బ్యాంక్ ఆఫ్ బరోడా లాంటి క్రెడిట్ కార్డ్ ఈఎంఐలపై రూ. 10,000 వరకు తగ్గింపు అందిస్తుంది.

ఉచిత వారంటీ: అటు ఓలా ఎలక్ట్రిక్ కు సంబంధించిన మోడళ్లపై 8 సంవత్సరాల వరకు ఎక్స్ టెండెడ్ వారంటీని అందిస్తుంది. అటు 50% తగ్గింపుతో MoveOS+ అప్‌ డేట్ కూడా అందిస్తుంది.

ఆఫర్ ఉన్న ప్రధాన మోడల్స్ ఇవే!

⦿ ఓలాS1 Pro Gen 3: ఓలా ఎలక్ట్రిక్ లో అత్యంత పవర్ ఫుల్ మోడల్ గా గుర్తింపు తెచ్చుకుంది.

⦿ ఓలా S1X: ఇది బడ్జెట్ ఫ్రెండ్లీ స్కూటర్. ఈ స్కూటర్ రూ. 49,999 నుంచి ప్రారంభం అవుతుంది.

⦿ ఓలా Roadster Series: కొత్తగా విడుదలైన రోడ్‌ స్టర్ బైక్‌లు అయిన రోడ్ స్టర్ ప్రో, రోడ్ స్టర్ ఎక్స్ మోడల్స్ మీద తగ్గింపు అందిస్తుంది.

ఇక ఈ ఆఫర్లు మార్చి 16 నుంచి అందుబాటులోకి రాగా, ఈ నెల చివరి వరకు అందుబాటులో ఉంటాయి. అటు ఈ ఆఫర్లు స్టోర్లను బట్టి మారే అవకాశం ఉన్నట్లు తెలిపింది. పూర్తి వివరాలను తెలుసుకునేందుకు సమీపంలోని ఓలా ఎక్స్‌ పీరియన్స్ సెంటర్‌ ను వెళ్లాలని ఓలా సూచించింది.

నష్టాల్లో ఓలా ఎలక్ట్రిక్

ఇక గత ఏడాది వరకు ఎలక్ట్రిక్ రంగంలో సత్తా చాటిన ఓలా ఇప్పుడు వెనుకబడింది. ఒకప్పుడు మార్కెట్ లో 60 శాతానికి పైగా వాటాతో సత్తా చాటగా, ఇప్పుడు టాప్ 5 లిస్టులో కూడా పేరు దక్కించుకోలేకపోయింది. దిగ్గజ టూ వీలర్ కంపెనీలు ఎలక్ట్రిక్ రంగంలోకి అడుగు పెట్టడంతో ఈ కంపెనీ స్కూటర్లకు ఆదరణ తగ్గింది. ఈ నేపథ్యంలో దేశ వ్యాప్తంగా వందల స్టోర్లను క్లోజ్ చేసింది. మార్కెట్ వాటాను పెంచుకునేందుకు ప్రత్యేక రాయితీలు, డిస్కౌంట్ల లాంటి ఆఫర్లను ప్రకటించింది. అందులో భాగంగానే ఉగాది ఆఫర్లు కూడా తీసుకొచ్చింది.