T30 Electric Bike: Raptee.HV గుడ్ న్యూస్.. T30 ఎలక్ట్రిక్ బైక్ డెలివరీలు ప్రారంభం!

ప్రముఖ ఎలక్ట్రిక్ వాహనాల తయారీ సంస్థ Raptee.HV.. T30 ఎలక్ట్రిక్ బైక్ కస్టమర్ డెలివరీలను ప్రారంభించింది. మొదటి సెట్ మోటార్ సైకిళ్ళు చెన్నైలో డెలివరీ చేయబడ్డాయి. చెన్నై Raptee.HV కి ఫస్ట్ ఆపరేషనల్ మార్కెట్. ఈ నేపథ్యంలో అక్కడ డెలివరీలు, కస్టమర్ సపోర్ట్ సర్వీసులు ఇప్పటికే చురుగ్గా ఉన్నాయి. దాని విస్తరణ ప్రణాళికలలో భాగంగా, కంపెనీ ఏప్రిల్ 2026లో ప్రత్యేక షోరూమ్, ఆథరైజ్డ్ సర్వీస్ సెంటర్ తో బెంగళూరులోకి ఎంట్రీ ఇస్తుంది. ఈ సంవత్సరం చివరి నాటికి అన్ని సౌత్ ఇండియన్ స్టేట్స్ కు ఇస్తరించాలని భావిస్తుంది. ఆ తర్వాత పశ్చిమ భారతంలోనూ తన కార్యకలాపాలను ప్రారంభించాలని లక్ష్యంగా పెట్టుకుంది.

Raptee.HV T30 ఎలక్ట్రిక్ స్కూటర్ గురించి..

Raptee.HV.. T30 అనేది ఫస్ట్ ఇండియన్ హై వోల్టేజ్ ఎలక్ట్రిక్ మోటార్‌ సైకిల్గా గుర్తింపు తెచ్చుకుంది. ఇది 5.4 kWh బ్యాటరీతో వస్తుంది. 135 కి.మీ గరిష్ట వేగంతో ప్రయాణిస్తుంది. 200 కిలో మీటర్ల రేంజ్‌ ను అందిస్తుంది. దీని ప్రత్యేకత కార్ల ఛార్జింగ్ స్టేషన్ల దగ్గర కూడా ఛార్జ్ చేసుకునే అవకాశం ఉంటుంది. 36 నిమిషాల్లో 80 శాతం ఛార్జ్ అవుతుంది. ధర సుమారు రూ.2.39 లక్షలు(ఎక్స్ షోరూమ్) ఉంటుంది.

Raptee.HV T30 ఫీచర్లు:

⦿ హై వోల్టేజ్ సిస్టమ్: తక్కువ వేడితో మెరుగైన థర్మల్ మేనేజ్‌మెంట్, ఎక్కువ కాలం మన్నికగా ఉండే బ్యాటరీతో వస్తుంది.

⦿ ఛార్జింగ్: CCS2 కారు ఛార్జింగ్ పాయింట్లకు అనుకూలంగా ఉంటుంది. అంటే కార్లు ఛార్జింగ్ చేసుకునే ఎలక్ట్రిక్ ఛార్జింగ్ పాయింట్లలోనూ ఈ బైక్ ను ఛార్జ్ చెయ్యొచ్చు. సాధారణ EV బైక్‌ల కంటే వేగంగా ఛార్జ్ అవుతుంది.

⦿ పనితీరు : 135 కిలో మీటర్ల గరిష్ట వేగాన్ని కలిగి ఉంటుంది. ఒకే ఛార్జ్ తో ఏకంగ 200 కిలో మీటర్ల ప్రయాణం లభిస్తుంది. 5 సెకెన్లలో 0-60 కిలో మీటర్ల వేగాన్ని అందుకుంటుంది.

⦿ డిజైన్, స్టైల్: ఈ బైక్ 7 అంగుళాల టచ్‌ స్క్రీన్ డిస్‌ ప్లే, LED లైటింగ్, కీ ‌లెస్ ఇగ్నిషన్, స్పోర్టి లుక్ ను కలిగి ఉంటుంది. ఇది 4 రంగులలో అందుబాటులో ఉంది.

⦿ సాంకేతికత: స్మార్ట్‌ వాచ్ ఇంటిగ్రేషన్ నావిగేషన్, ఆన్ బోర్డ్ డయాగ్నోస్టిక్స్ ను కలిగి ఉంటుంది.

⦿ లభ్యత: ప్రస్తుతం చెన్నైలో కస్టమర్ డెలివరీలు ప్రారంభం అయ్యాయి. బెంగళూరులో బుకింగ్స్ అందుబాటులో ఉన్నాయి.

Raptee.HV T30 ధర గురించి..

Raptee.HV T30 ధర రూ. 2.39 లక్షలు ఉంటుంది. T30 ఎనిమిది సంవత్సరాల బ్యాటరీ వారంటీ, మూడు సంవత్సరాల వాహన వారంటీతో వస్తుంది. ఈ బైక్ రోజు వారీ ప్రయాణాలు చేసే వారికి అనుకూలంగా ఉంటుంది. సురక్షితమైన, వేగవంతమైన ఎలక్ట్రిక్ ప్రయాణ అనుభవాన్ని అందించడానికి రూపొందించబడింది.