Revolt Electric Bikes Discount: రివోల్ట్ మోటార్స్ తన ఎలక్ట్రిక్ బైక్స్ మీద లిమిటెడ్ టైమ్ ఆఫర్లను ప్రకటించింది. ఈ ఆఫర్ ద్వారా కొనుగోలుదారులకు రూ.25,000 వరకు బెనిఫిట్స్ పొందే అవకాశం కల్పిస్తోంది. మార్చి 31, 2026 వరకు అందుబాటులో ఉండే ఈ ఆఫర్.. PM E డ్రైవ్ పథకం కింద ప్రస్తుత ప్రోత్సాహకాలను అందిస్తుంది. ఈ నెల చివరి లోగా రివోల్ట్ ఎలక్ట్రిక్ బైక్స్ కొనుగోలు చేసే కస్టమర్లు వెహికల్ లో పాటు కొన్ని అదనపు ప్రయోజనాలను పొందుతారు. ఎక్కువ మంది కొనుగోలుదారులను ఆకర్షించడం, ఎలక్ట్రిక్ బైక్స్ ను ఈజీగా కొనుగోలు చేయడం లక్ష్యంగా ఈ బెనిఫిట్స్ అందిస్తున్నట్లు కంపెనీ ప్రకటించింది.
రివోల్ట్ ఆఫర్ లో భాగంగా కొనుగోలుదారులు తమ బైక్ కు ఉచితంగా ఇన్సూరెన్స్ ను పొందే అవకాశం ఉంటుంది. రివోల్ట్ లో రూ.4,999 విలువైన కాంప్లిమెంటరీ ఎక్స్ టెండెడ్ వారంటీ కూడా ఉంటుంది. దీనితో పాటు, మోడల్ ను బట్టి కంపెనీ రూ.8,000 వరకు వినియోగదారులకు తగ్గింపులను అందిస్తోంది. కొన్ని బైక్స్ PM E-డ్రైవ్ పథకం కింద రూ.5,000 బెనిఫిట్స్ ను పొందుతాయి. కస్టమర్లకు వారు ఎంచుకున్న మోడల్, వేరియంట్ ఆధారంగా మొత్తం ప్రయోజనం రూ. 25,000 వరకు ఉంటుంది.
రివోల్ట్ ప్రస్తుతం దేశీ మార్కెట్ లో పలు ఎలక్ట్రిక్ బైక్స్ ను అమ్ముతోంది. దీని లైనప్ లో RV1, RV1+, RV BlazeX, RV400 BRZ, RV 400 ఉన్నాయి. ప్రస్తుత డిస్కౌంట్లు, బెనిఫిట్స్ కస్టమర్ ఎంచుకునే మోడల్ మీద ఆధారపడి ఉంటాయి. దేశ వ్యాప్తంగా ఉన్న ఆథరైజ్డ్ రివోల్ట్ డీలర్ షిప్ లలో ఈ ఆఫర్ అందుబాటులో ఉందని కంపెనీ తెలిపింది. కొనుగోలుదారులు కంపెనీ అధికారిక వెబ్ సైట్ ద్వారా పూర్తి వివరాలను తెలుసుకునే అవకాశం ఉందన్నారు. అటు బుకింగ్స్ కూడా చేసుకోవచ్చని తెలిపింది.
Read Also: రివోల్ట్ To ఓలా రోడ్ స్టర్.. బెస్ట్ బడ్జెట్ ఎలక్ట్రిక్ బైక్స్ ఇవే!
తాజాగా ఆఫర్లు, బెనిఫిట్స్ గురించి రట్టన్ ఇండియా ఎంటర్ ప్రైజెస్ చైర్ పర్సన్ అంజలి రట్టన్ కీలక వివరాలు వెల్లడించారు. ఎలక్ట్రిక్ మొబిలిటీని మరింత అందుబాటులోకి తీసుకురావడానికి, ఎక్కువ మంది రైడర్లు ఎలక్ట్రిక్ బైక్స్ ను కొనుగోలు చేసేలా ప్రోత్సహించడానికి కంపెనీ ప్రయత్నిస్తుందన్నారు. అందులో భాగంగానే ఈ బెనిఫిట్స్, తగ్గింపులు అందిస్తున్నట్లు తెలిపారు. మార్చి 31 వరకు కస్టమర్లు భారీ తగ్గింపులతో పాటు బెనిఫిట్స్ తో రివోల్ట్స్ బైక్స్ కొనుగోలు చేఏ అవకాశం ఉందన్నారు. గ్రీన్ ఎనర్జీ వైపు మొగ్గుచూపే యువ రైడర్లు తమ బైక్స్ అనుకూలంగా ఉంటాయని చెప్పుకొచ్చారు. మొత్తంగా ఈ పథకం కొత్త కస్టమర్లను ఆకట్టుకుంటుందని రివోల్ట్ కంపెనీ ఆశిస్తోంది.
Read Also: టీవీఎస్ ఆర్బిటర్ కొత్త వేరియంట్లు, ఒక్కోదాని రేంజ్ ఎంతో తెలుసా?
Share
Illu illaalu pillalu Narmada : 'ఇల్లు ఇల్లాలు పిల్లలు ' నర్మద షాకింగ్ నిర్ణయం.. జీవితంలో ఆ తప్పు చెయ్యను..
Galaxy Forever: సగం ధరకే గెలాక్సీ S26 అల్ట్రా ఫోన్, ఫ్రీ ఈఎంఐ కూడా.. అదిరిపోయే ప్రొగ్రామ్ లాంచ్ చేసిన శాంసంగ్
