Best EVs Under Rs.15 Lakh in 2026: భారత్ లో ఎలక్ట్రిక్ కార్లకు డిమాండ్ వేగంగా పెరుగుతోంది. రోజూ ఆఫీసుకు వెళ్లే ఉద్యోగులు పెట్రోల్, డీజిల్ ఖర్చులను తగ్గించేందుకు EV కార్ల వైపు ఆసక్తి చూపుతున్నారు. ఛార్జింగ్ స్టేషన్లు పెరగడం, తక్కువ మెయింటెనెన్స్ ఖర్చు కారణంగా ఎలక్ట్రిక్ కార్లను బెస్ట్ ఆప్షన్ గా భావిస్తున్నారు. ప్రస్తుతం రూ.15 లక్షల లోపు మంచి రేంజ్, ఆధునిక ఫీచర్లు, ఫాస్ట్ ఛార్జింగ్ సపోర్ట్ తో కూడిని 5 ఈవీల గురించి చూద్దాం..
MG విండ్సర్ EV ధర సుమారు రూ.13.99 లక్షల నుంచి ప్రారంభమవుతుంది. కంపెనీ బ్యాటరీ యాజ్ ఎ సర్వీస్ (BaaS) మోడల్ కూడా అందిస్తోంది. ఇందులో తక్కువ ప్రారంభ ధరతో కారు కొనుగోలు చేసి, బ్యాటరీ వినియోగానికి కిలోమీటర్‌ ఆధారంగా డబ్బులు చెల్లించవచ్చు. ఈ కారు 38kWh, 52.9kWh బ్యాటరీ ఎంపికలతో వస్తుంది. పెద్ద బ్యాటరీ వేరియంట్ ఒకసారి ఛార్జ్ చేస్తే సుమారు 449 కిలోమీటర్ల వరకు రేంజ్ ఇస్తుందని కంపెనీ వెల్లడించింది.
మహీంద్రా XUV 3XO EV సిటీ ప్రయాణాలకు సరిపోయే ఎలక్ట్రిక్ SUVగా మంచి గుర్తింపు తెచ్చుకుంది. దీని ధర సుమారు రూ.13.89 లక్షల నుంచి ప్రారంభమవుతుంది. ఈ కారులో ADAS భద్రతా ఫీచర్లు, 10.25 అంగుళాల డ్యూయల్ స్క్రీన్ సెటప్ లాంటి ఫీచర్లు ఉన్నాయి. రద్దీ నగర రోడ్లలో సులభంగా డ్రైవ్ చేయడానికి అనువుగా ఉండే ఈ SUV, సుమారు 350 కిలోమీటర్ల రేంజ్ ఇస్తుందని కంపెనీ తెలిపింది.
టాటా నెక్సాన్ EV భారత మార్కెట్లో ఇప్పటికే మంచి గుర్తింపు తెచ్చుకున్నది. ఈ ఎలక్ట్రిక్ SUV ధర రూ.12.49 లక్షల నుంచి ప్రారంభమవుతుంది. 30kWh, 45kWh బ్యాటరీ ఆప్షన్స్ తో వస్తుంది. పెద్ద బ్యాటరీ వేరియంట్ ఒకే ఛార్జ్ తో దాదాపు 489 కిలోమీటర్ల రేంజ్ అందిస్తుందని టాటా ప్రకటించింది. ఫాస్ట్ ఛార్జింగ్ సపోర్ట్, వెంటిలేటెడ్ సీట్లు, మంచి భద్రతా రేటింగ్స్ లాంటి ఫీచర్లు కుటుంబ ప్రయాణాలకు కూడా అనువుగా ఉంటాయి.
సిట్రోయెన్ eC3 సిటీ ప్రయాణాలకు సరిపోయే చౌకైన EV. దీని ధర రూ.12.90 లక్షల నుంచి ప్రారంభమవుతుంది. 29.2kWh బ్యాటరీతో వచ్చే ఈ కారు, ఒక్కసారి ఛార్జ్ చేస్తే సుమారు 320 కిలోమీటర్ల వరకు ప్రయాణించవచ్చని కంపెనీ చెబుతోంది. చిన్న కుటుంబాల రోజువారీ ప్రయాణాలకు అనుకూలంగా ఉంటుంది.
ప్రస్తుతం అత్యంత ప్రజాదరణ పొందిన బడ్జెట్ ఎలక్ట్రిక్ కార్లలో టాటా పంచ్ EV ఒకటి. దీని ధర రూ.9.69 లక్షల నుంచి ప్రారంభమవుతుంది. BaaS మోడల్ ద్వారా మరింత తక్కువ ప్రారంభ ధరలో కూడా కొనుగోలు చేసే అవకాశం ఉంది. 30kWh, 40kWh బ్యాటరీ ఎంపికలతో వచ్చే ఈ SUV, గరిష్టంగా 468 కిలోమీటర్ల వరకు రేంజ్ అందిస్తుందని కంపెనీ తెలిపింది. ఇందులో 360 డిగ్రీ కెమెరా, పెద్ద టచ్‌ స్క్రీన్ ఇన్ఫోటైన్‌ మెంట్ సిస్టమ్ లాంటి ఆధునిక ఫీచర్లు ఉన్నాయి.
Read Also: త్వరలో 4 క్రేజీ ఈవీల ఎంట్రీ.. మార్కెట్ షేక్ అవ్వాల్సిందే!
Share
ఘనంగా తరరంపం సెలబ్రిటీ అంత్యాక్షరి షో.. ముఖ్య అతిథులు వీరే!
రవాణా శాఖలో కొత్త శకం.. కొత్తగా లైసెన్స్ తీసుకోవాలనుకునే వారికి సూపర్ చాన్స్..?
