Best Budget Cars 2026: భారతీయ కారు మార్కెట్ లో SUVలు ట్రెండ్‌లో ఉన్నప్పటికీ, హ్యాచ్‌ బ్యాక్ కార్లకు ఇంకా మంచి డిమాండ్ ఉంది. తక్కువ ధర, మంచి మైలేజ్, సిటీలో ఈజీగా డ్రైవ్ చేయగలిగే ఫీచర్లు చాలా మందికి ఫస్ట్ చాయిస్‌ గా మారుతున్నాయి. మార్చి 2026లో ఏకంగా 87,000కు పైగా హ్యాచ్‌ బ్యాక్ లు అమ్ముడయ్యాయి అంటే.. ఈ సెగ్మెంట్ ఎంత పాపులర్ అనేది అర్థం చేసుకోవచ్చు. తక్కువ బడ్జెట్‌ లో మంచి మైలేజ్ ఇచ్చే కారును వెతుకుతున్నట్లయితే, ఈ టాప్ 5 మోడల్స్ ను ఓసారి చెక్ చేయండి.
తక్కువ ధరలో ఎక్కువ మైలేజ్ ఇవ్వడంలో మారుతి వాగన్ ఆర్ ముందుంటుంది. దేశంలో అత్యధికంగా అమ్ముడవుతున్న హ్యాచ్‌ బ్యాక్ గా కొనసాగుతోంది. టాల్ బాయ్ డిజైన్ తో లోపల ఎక్కువ ప్లేస్ ఉంటుంది. కుటుంబంతో ప్రయాణించే వారికి చాలా సౌకర్యంగా ఉంటుంది. పెట్రోల్, CNG ఆప్షన్లలో లభిస్తుంది. CNG వేరియంట్‌ లో సుమారు 34 కి.మీ వరకు మైలేజ్ ఇస్తుంది. దీని ధర సుమారు రూ. 5.5 లక్షల నుంచి ప్రారంభమవుతుంది.
మారుతి బాలెనో కూడా ఈ లిస్టులో ఉంటుంది. స్టైలిష్ డిజైన్ తో పాటు ప్రీమియం ఫీచర్లతో వస్తుంది. పెద్ద టచ్‌ స్క్రీన్, హెడ్ అప్ డిస్‌ ప్లే లాంటి ఫీచర్లు ఆకట్టుకుంటాయి. లోపల మంచి స్పేస్ ఉంటుంది. ఇది సుమారు 22–23 కి.మీ మైలేజ్ ఇస్తుంది. దీని ధర రూ. 6.6 లక్షల నుంచి ప్రారంభమవుతుంది.
మారుతి స్విఫ్ట్ ఎవర్ గ్రీన్ పాపులర్ మోడల్. స్పోర్టీ లుక్, స్మూత్ హ్యాండ్లింగ్ తో యూత్ ను బాగా ఆకట్టుకుంటుంది. ఇది సుమారు 22–24 కి.మీ మైలేజ్ ఇస్తుంది. ధర సుమారు రూ. 6 లక్షల నుంచి ప్రారంభమవుతుంది. అమ్మకాలు కొంచెం తగ్గినా, ఇంకా ఇది టాప్‌లోనే కొనసాగుతోంది.
బడ్జెట్‌ లో బెస్ట్ ఆప్షన్ మారుతి ఆల్టో K10. ఇది దేశంలో అత్యంత చౌకైన కార్లలో ఒకటి. కేవలం రూ. 3.69 లక్షల ప్రారంభ ధరతో అందుబాటులో ఉంది. మొదటిసారి కారు కొనేవారికి ఇది మంచి ఆప్షన్. పెట్రోల్, CNG ఆప్షన్లలో లభించే ఈ కారు, 33–34 కి.మీ వరకు మైలేజ్ ఇస్తుంది.
మారుతి కాకుండా మరో మంచి ఆప్షన్ టాటా టియాగో. మంచి నిర్మాణం, చక్కటి భద్రతా రేటింగ్ తో తనకంటూ ఓ ప్రత్యేక గుర్తింపు తెచ్చుకుంది. ఈజీ రైడ్ క్వాలిటీ ఆకట్టుకుంటుంది. పెట్రోల్, CNG ఆప్షన్లలో లభిస్తుంది. సుమారు రూ.5.6 లక్షల ప్రారంభ ధరతో అందుబాటులో ఉంది. టియాగో EV వెర్షన్ కూడా అందుబాటులో ఉండటం మరో ప్లస్. హ్యాచ్‌ బ్యాక్ కార్లు భారత మార్కెట్లో ఇప్పటికీ సత్తా చాటుతున్నాయి. తక్కువ ధరలో, మంచి మైలేజ్ తో, సిటీలో ఈజీగా వాడుకునే వెహికల్ కావాలనుకునే వారికి ఇవి బెస్ట్ ఆప్షన్ గా మారుతున్నాయి.
Read Also: ఒకటి కాదు రెండు కాదు.. మార్కెట్ ను షేక్ చేయబోతున్న10 క్రేజీ బైక్స్!
Share
దేశంలో పెట్రోల్, డీజిల్ ధరలు పెరుగుతాయా..? మోదీ సర్కార్ సంచలన ప్రకటన
సినిమా ముచ్చట్లు ..తెర వెనుక సంగతులు
