Top Budget-Friendly Electric Scooters: దేశ వ్యాప్తంగా ఎలక్ట్రిక్ స్కూటర్ల వినియోగం పెరుగుతోంది. నగరాల నుంచి గ్రామాల దాకా ఇప్పుడు ఎలక్ట్రిక్ స్కూటర్లను కొనుగోలు చేస్తున్నారు. ప్రస్తుతం ఈవీ మార్కెట్ లో రూ. 50,000 లోపు మంచి ఎలక్ట్రిక్ స్కూటర్లు అందుబాటులో ఉన్నాయి. విద్యార్థులు, ఉద్యోగులు, ఇంటి దగ్గర చిన్న పనుల కోసం వాడుకునే వారికి అనుకూలంగా ఉంటాయి. తక్కువ ధరలో ఎక్కువ రేంజ్ ఇచ్చే టాప్ 5 బడ్జెట్ ఎలక్ట్రిక్ స్కూటర్ల గురించి ఇప్పుడు తెలుసుకుందాం.
ఈ స్కూటర్ ధర సుమారు రూ.35 వేల వరకు ఉంటుంది. ఒక్కసారి పూర్తి ఛార్జ్ చేస్తే 85 నుంచి 100 కిలోమీటర్ల వరకు ప్రయాణించవచ్చని కంపెనీ చెబుతోంది. ఈ ధరలో ఇంత మంచి రేంజ్ ఇవ్వడం చాలా మందిని ఆకట్టుకుంటుంది. రోజూ కాలేజ్‌, ఆఫీస్, దగ్గర ప్రయాణాలకు అనుకూలంగా ఉంటుంది. తక్కువ ఖర్చుతో ఎక్కువ దూరం వెళ్లాలనుకునే వారికి బాగా సెట్ అవుతుంది.
దీని ధర సుమారు రూ.35 వేల నుంచి ప్రారంభమవుతుంది. ఈ స్కూటర్ స్టైలిష్ డిజైన్‌ తో యువతను ఆకట్టుకుంటుంది. ఒకసారి ఛార్జ్ చేస్తే దాదాపు 55 కిలోమీటర్ల వరకు ప్రయాణించవచ్చు. ఇందులో రివర్స్ గేర్, మొబైల్ ఛార్జింగ్ సపోర్ట్, ఎలక్ట్రానిక్ ABS లాంటి ఫీచర్లు ఉన్నాయి. బడ్జెట్ స్కూటర్ అయినప్పటికీ లేటెస్ట్ ఫీచర్లను కలిగి ఉంది.
ఉజాస్ ఇగో లా కూడా ప్రస్తుతం ఎంట్రీ లెవల్ EV మార్కెట్లో మంచి గుర్తింపు పొందుతోంది. దీని ధర సుమారు రూ.40 వేల వరకు ఉంటుంది. ఒక్కసారి ఛార్జ్ చేస్తే దాదాపు 75 కిలోమీటర్ల వరకు ప్రయాణించవచ్చు. సాధారణ రోజువారీ వినియోగానికి అనుకూలంగా ఉంటుంది. మెయింటెనెన్స్ ఖర్చులు కూడా తక్కువగా ఉన్నాయి.
NIJ ఆటోమోటివ్ యాక్సిలెరో R14 ధర సుమారు రూ.50 వేల లోపే ఉంటుంది. కానీ ఈ స్కూటర్ ఒక్కసారి ఛార్జ్ చేస్తే 180 కిలోమీటర్ల వరకు రేంజ్ ఇస్తుందని కంపెనీ వెల్లడించింది. ఈ ధరలో ఇంత ఎక్కువ రేంజ్ ఇవ్వడంతో ఎక్కువ మంది కొనుగోలుకు మొగ్గు చూపుతున్నారు. 250W మోటార్‌ తో వచ్చే ఈ స్కూటర్ తక్కువ విద్యుత్ ఖర్చుతో ఎక్కువ ప్రయాణం చేయాలనుకునే వారికి అనుకూలంగా ఉంటుంది.
జెలియో ఈవా ఎకో ధర సుమారు రూ.48 వేల వరకు ఉంటుంది. ఒక్కసారి ఛార్జ్ చేస్తే 55 నుంచి 70 కిలోమీటర్ల వరకు ప్రయాణించవచ్చు. తక్కువ దూర ప్రయాణాల కోసం ప్రత్యేకంగా రూపొందించిన ఈ స్కూటర్ చక్కటి రైడింగ్ అనుభూతిని అందిస్తుంది. బరువు తక్కువగా ఉండటం వల్ల మహిళలు, వృద్ధులు కూడా ఈజీగా నడిపే అవకాశం ఉంటుంది.
Read Also: మండుతున్న పెట్రో ధరలు.. ఈ 5 బైక్‌ లు మీ ఖర్చు తగ్గించేస్తాయి!
Share
శాటిలైట్ సిగ్నల్స్తో సర్వే.. అంగుళం పొరపాటు లేకుండా భూముల లెక్కింపు!
హోమ్ ఫుడ్ తిన్నా హై బీపీనా? వంటగదిలో చేసే ఈ చిన్న తప్పులే అసలు కారణం!
