Top Fuel Saving Bikes 2026: దేశంలో పెరుగుతున్న పెట్రోల్ ధరల కారణంగా ఇప్పుడు చాలామంది ఎక్కువ మైలేజీ ఇచ్చే బైక్ల వైపు మొగ్గు చూపుతున్నారు. ముఖ్యంగా రోజూ ఆఫీస్, కాలేజ్, ఇతర రోజువారీ పనుల కోసం బైక్ను ఉపయోగించే వారికి తక్కువ ఖర్చుతో ఎక్కువ దూరం వెళ్లే కమ్యూటర్ బైక్లను సెలెక్ట్ చేసుకుంటున్నారు. రూ. 1 లక్ష లోపు ధరలో మంచి మైలేజీతో పాటు తక్కువ మెయింటెనెన్స్ ఖర్చు ఉన్న టాప్ బైకుల గురించి ఇప్పుడు తెలుసుకుందాం..
టీవీఎస్ స్పోర్ట్ బైక్ ఎక్స్ షోరూమ్ ధర సుమారు రూ.57 వేల నుంచి ప్రారంభమవుతుంది. కంపెనీ ప్రకారం.. ఇది లీటర్ పెట్రోల్ కు దాదాపు 80 కిలోమీటర్ల వరకు మైలేజీ ఇస్తుంది. ఈ సెగ్మెంట్ లో అత్యధిక మైలేజీ ఇచ్చే బైక్ లలో టాప్ లో నిలిచింది. 109.7cc ఇంజన్తో వచ్చే ఈ బైక్ సిటీ, రూరల్ ప్రయాణాలకు బాగా ఉపయోగపడుతుంది. తక్కువ బరువు ఉండటం వల్ల ఈజీగా నడిపే అవకాశం ఉంటుంది.
ఇది చాలా కాలంగా గ్రామీణ ప్రాంతాల్లోనే కాదు పట్టణాల్లో కూడా మంచి ఆదరణ పొందుతోంది. దీని ధర సుమారు రూ.56 వేల నుంచి ఉంటుంది. లీటరుకు 70 కిలోమీటర్ల వరకు మైలేజీ ఇస్తుందని కంపెనీ వెల్లడించింది. 97.2cc ఇంజన్ తో వచ్చే ఈ బైక్లో i3S టెక్నాలజీ ఉంటుంది. ట్రాఫిక్ సిగ్నల్ వద్ద బైక్ ఆగినప్పుడు ఇంజన్ ఆటోమేటిక్గా ఆఫ్ అవడం ద్వారా ఇంధనం ఆదా అవుతుంది. తక్కువ ఖర్చుతో ఎక్కువ మైలేజ్ బైక్ కావాలనుకునే వారికి ఇది మంచి ఎంపిక.
హోండా షైన్ 100 కూడా ప్రస్తుతం మార్కెట్లో మంచి ఆదరణ దక్కించుకుంది. దీని ధర సుమారు రూ.65 వేల వరకు ఉంటుంది. లీటరుకు 65 కిలోమీటర్ల వరకు మైలేజీ ఇస్తుందని కంపెనీ వెల్లడించింది. 98.98cc ఇంజ న్తో వచ్చే ఈ బైక్ సాధారణ వినియోగానికి అనుకూలంగా ఉంటుంది.
దీని ధర సుమారు రూ.68 వేల వరకు ఉంటుంది. కంపెనీ ప్రకారం లీటర్ కు 70 కిలో మీటర్ల వరకు మైలేజీ ఇస్తుంది. 102cc ఇంజన్ తో వచ్చే ఈ బైక్ లో చక్కటి సీటు, లాంగ్ ట్రావెల్ సస్పెన్షన్ లాంటి ఫీచర్లు ఉన్నాయి. ఎక్కువ దూరం ప్రయాణించే వారికి మంచి కంఫర్ట్ ఇస్తుంది.
హీరో స్ప్లెండర్ ప్లస్ ఎక్స్ టెక్ 2.0 ధర సుమారు రూ.83 వేల వరకు ఉంటుంది. లీటరుకు 73 కిలోమీటర్ల వరకు మైలేజీ ఇస్తుందని కంపెనీ చెబుతోంది. ఇందులో డిజిటల్ మీటర్, బ్లూ టూత్ కనెక్టివిటీ, LED లైట్లు లాంటి అత్యాధునిక ఫీచర్లు ఉన్నాయి. మైలేజీతో పాటు కొంచెం స్టైలిష్, టెక్నాలజీ ఫీచర్లు కావాలనుకునే వారికి ఇది బెస్ట్ ఆప్షన్ గా చెప్పుకోవచ్చు.
Read Also: టాటా To మహీంద్రా.. భారత మార్కెట్లో దుమ్మురేపుతున్న ఎలక్ట్రిక్ కార్లు ఇవే!
Share
పాత ఫోన్ ఇస్తే రూ.22,000 డిస్కౌంట్.. Oppo Find X9s లాంచ్ ఆఫర్స్ లీక్!
PAK vs BAN: నన్ను వాటర్ బాయ్ గా వాడతారా ? పాక్ యాజమాన్యంతో గొడవ పెట్టుకున్న షాహీన్ అఫ్రిది
