Top 5 Secure Cars in India: ఈ రోజుల్లో చాలా మంది కారు కొనుగోలు చేసే సమయంలో భద్రతకు ఎక్కువ ప్రాధాన్యత ఇస్తున్నారు. రోడ్డు ప్రమాదాలు తరచుగా జరుగుతున్న నేపథ్యంలో మంచి సేఫ్టీ రేటింగ్ ఉన్న కారును ఎంచుకోవడం ద్వారా ప్రయాణికులు మరింత నమ్మకంగా, భద్రంగా ప్రయాణించవచ్చని భావిస్తున్నారు. ఈ నేపథ్యంలో భారత్ న్యూ కార్ అసెస్‌ మెంట్ ప్రోగ్రామ్(Bharat NCAP) కింద 5 స్టార్ రేటింగ్ పొందిన టాప్ 5 కార్ల గురించి ఇప్పుడు తెలుసుకుందాం..
పాపులర్ హ్యుందాయ్ మోడల్ వెన్యూ కారు పెద్దల రక్షణలోనే కాదు, పిల్లల భద్రతలో కూడా మంచి స్కోర్ సాధించింది. ముఖ్యంగా ఎయిర్ బ్యాగ్‌లు, బలమైన బాడీ నిర్మాణం, ఆధునిక సేఫ్టీ టెక్నాలజీతో తన సెగ్మెంట్‌ లో మంచి గుర్తింపు తెచ్చుకుంది.
ఆ తర్వాత కియా సెల్టోస్ కూడా 5 స్టార్ రేటింగ్ సాధించిన మరో ముఖ్యమైన మోడల్. ఈ కారు పెద్దల రక్షణలో అత్యధిక స్కోర్ పొందింది. పిల్లల భద్రతలో కూడా మంచి మార్కులు సాధించింది. లేటెస్ట్ డ్రైవర్ అసిస్టెన్స్ సిస్టమ్స్, బలమైన నిర్మాణం ఈ కారులో ప్రధాన బలాలుగా చెప్పుకోవచ్చు.
టాటా సియెర్రా కొత్త వెర్షన్ కూడా భద్రత పరంగా మంచి పనితీరును కనబరిచింది. పెద్దలు, పిల్లల రక్షణ రెండింటిలోనూ ఇది మంచి స్కోర్ సాధించింది. ఈ కారు డిజైన్ మాత్రమే కాకుండా, భద్రతా ఫీచర్లలో కూడా ముందుంది. పెట్రోల్, డీజిల్, హైబ్రిడ్ ఆప్షన్‌లతో రావడం కూడా అదనపు ఆకర్షణను సంతరించుకుంది.
విన్‌ఫాస్ట్ VF6 ఎలక్ట్రిక్ కారు కూడా ఈ జాబితాలో చోటు దక్కించుకుంది. లిథియం అయాన్ బ్యాటరీతో పనిచేస్తుంది. భద్రతా పరీక్షల్లో మంచి రేటింగ్ సాధించింది. భారత మార్కెట్లోకి కొత్తగా వచ్చినప్పటికీ, భద్రత విషయంలో మంచి రేంజ్ ను అందుకుంది.
Read Also: తెలుగోడి అద్భుత సృష్టి ఈ మినీ కారు, ఇంతకీ మార్కెట్ లోకి ఎందుకు రాలేదు?
మారుతి సుజుకి ఇ-విటారా కూడా 5 స్టార్ రేటింగ్ పొందిన మరో ఎలక్ట్రిక్ SUV. పెద్దలు, పిల్లల రక్షణలో మంచి స్కోర్ సాధించడం వల్ల ఇది కుటుంబాల కోసం సురక్షితమైన ఎంపికగా నిలుస్తోంది. మారుతి బ్రాండ్‌ కు ఉన్న నమ్మకం కూడా దీనికి అదనపు బలం.
ఈ టాప్ 5 కార్లు భద్రతలో మంచి ప్రమాణాలను కలిగి ఉన్నాయి. కేవలం ధర, డిజైన్ మాత్రమే కాకుండా, భద్రతకు కూడా ఎక్కువ ప్రాధాన్యత ఇస్తున్నాయి. ముఖ్యంగా కుటుంబంతో ప్రయాణించే వారు, 5 స్టార్ రేటింగ్ ఉన్న ఈ వాహనాలను సెలెక్ట్ చేసుకోవడం మంచిదని నిపుణులు అభిప్రాయపడుతున్నారు.
Read Also: ఫీచర్లలో విన్‌ఫాస్ట్ VF3 సూపర్.. కానీ, ఇండియాలో హిట్ కొట్టేనా?
Share
ఏపీలో భూప్రకంపనలు.. అనకాపల్లి జిల్లాలో అర్ధరాత్రి రోడ్లపైకి ప్రజలు, ఏం జరుగుతోంది?
Prasad Behara : ఒక అమ్మాయి నమ్మి మోసపోయాను.. కన్నీళ్లు తెప్పిస్తున్న ప్రసాద్ స్టోరీ..
