Toyota Highlander Electric 2027 Unveiled: నెక్ట్స్ జెనరేషన్ టయోటా హైలాండర్ EV 2027ని కంపెనీ ఆవిష్కరించింది. ఈ లైనప్ 265 హార్స్ పవర్ ను అందించే పవర్ ఫుల్ టర్బోచార్జ్డ్ 2.4-లీటర్ ఇన్ లైన్ 4 సిలిండర్ ఇంజిన్ను కలిగి ఉన్నప్పటికీ, అధునాతన 2027 టయోటా హైలాండర్ హైబ్రిడ్ మీదే ఎక్కువ మంది ఆసక్తి కనబరుస్తున్నారు. ఈ హైబ్రిడ్ ఎలక్ట్రిక్ వెహికల్ (HEV) వ్యవస్థ 2.5 లీటర్ ఇంజిన్ను రెండు మోటార్ జనరేటర్లతో కలుపుతుంది. ఇది రోజువారీ ప్రయాణాలకు, వీకెండ్ అడ్వెంచర్ టూర్లకు, ఫ్యామిలీ ప్రయాణాలకు అనుకూలంగా ఉంటుంది.
టయోటా హైలాండర్ 2027 లగ్జరీతో పాటు ఫంక్షనాలిటీకి ప్రాధాన్యతనిచ్చే ఇంటీరియర్ ను కలిగి ఉంటుంది. క్యాబిన్ ప్రీమియం మెటీరియల్స్, అధునాతన డిజైన్ ఎలిమెంట్లను కలిగి ఉంది. వీటిలో వెహికిల్ టెక్ సూట్కు కమాండ్ సెంటర్గా పనిచేసే 12.3 ఇంచుల టయోటా ఆడియో మల్టీమీడియా టచ్ స్క్రీన్ ఉన్నాయి. లిమిటెడ్, ప్లాటినం లాంటి టాప్ ట్రిమ్లు, వెంటిలేటెడ్ సీట్లు, పనోరమిక్ గ్లాస్ రూఫ్, 11 స్పీకర్ JBL ప్రీమియం ఆడియో సిస్టమ్ కలిగి ఉంటుంది. కుటుంబాల ప్రయాణాలకు అనుకూలంగా మూడు వరుసల సీటింగ్ ఉంటుంది.
టయోటా సేఫ్టీ సెన్స్ 3.1తో ప్రామాణికంగా వచ్చే టయోటా హైలాండర్ 2027 మంచి భద్రతా ఫీచర్లను కలిగి ఉంటుంది. అధునాతన సూట్ లో పాదచారుల గుర్తింపుతో కూడిన ప్రీ కొలిషన్ సిస్టమ్, ఫుల్ స్పీడ్ రేంజ్ డైనమిక్ రాడార్ క్రూయిజ్ కంట్రోల్, ప్రోయాక్టివ్ డ్రైవింగ్ అసిస్ట్ ఉన్నాయి. ఇంకా, హైలాండర్ వివిధ డ్రైవింగ్ అవసరాలకు అనుగుణంగా ఆల్ వీల్ డ్రైవ్ (AWD) ఆప్షన్స్ ను అందిస్తుంది. హైబ్రిడ్ మోడల్స్ అవసరమైనప్పుడు ఎమర్జెన్సీ ట్రాక్షన్ ను అందించడానికి వెనుక ఎలక్ట్రిక్ మోటారును ఉపయోగించే ఎలక్ట్రానిక్ ఆన్ డిమాండ్ AWD వ్యవస్థను కలిగి ఉంటుంది. గ్యాస్ మోడల్స్ సవాలుతో కూడిన పరిస్థితుల్లో పనితీరును మెరుగుపరచడానికి హై ట్రిమ్లపై అధునాతన డైనమిక్ టార్క్ వెక్టరింగ్ AWD వ్యవస్థను కలిగి ఉంటుంది.
2027 టయోటా హైలాండర్ విడుదల ఈ ఏడాది చివరలో ఉత్తర అమెరికా మార్కెట్లలో ఉంటుంది. ప్రస్తుతం ఈ కారు ఉత్పత్తి కెంటుకీలోని జార్జ్ టౌన్లో జరుగుతోంది. హైలాండర్ సుమారు 30 నిమిషాల్లో 10% నుండి 80% వరకు ఛార్జ్ చేయగలదని టయోటా వెల్లడించింది. చల్లని వాతావరణంలో వేగవంతమైన ఛార్జింగ్ వేగాన్ని నిర్ధారించడానికి కొత్త బ్యాటరీ ప్రీకండిషనింగ్ సిస్టమ్ ను ఏర్పాటు చేసింది. టయోటా హైలాండర్ 2027 ఇండియా లాంచ్ ఎప్పుడు అనేది కంపెనీ ఇంకా ప్రకటించలేదు. కానీ, టయోటా భారత్ లో తన EV పోర్ట్ ఫోలియోను విస్తరిస్తున్నందున వీలైనంత త్వరగా ఇండియాలోనూ లాంచ్ అవుతుందని భావిస్తున్నారు. టయోటా కియా EV9కి పోటీగా హైలాండర్ను భారతదేశానికి తీసుకురావాలని భావిస్తే, 2027 చివరి నాటికి రావచ్చని తెలుస్తోంది.
భారత్ లో టయోటా హైలాండర్ ధర ఫ్లాగ్షిప్ ప్రీమియం విభాగంలో అందుబాటులో ఉంటుంది. హై ఎండ్ ఎలక్ట్రిక్ 7 సీటర్గా, ఇది కియా EV9 తో నేరుగా పోటీ పడుతుందని భావిస్తున్నారు. ఇది ప్రస్తుతం ముంబైలో సుమారు రూ.1.36 కోట్ల ఆన్ రోడ్ ధరను కలిగి ఉంది. అయితే, టయోటా తన కర్ణాటక ప్లాంట్లో స్థానికంగా వాహనాన్ని ఉత్పత్తి చేస్తే, లేదంటే అసెంబుల్ చేయగలిగితే, ధర చాలా తక్కువగా ఉంటుందని భావిస్తున్నారు. బహుశా రూ.65 లక్షల నుంచి రూ. 80 లక్షల ఆన్ రోడ్ ధరతో రావచ్చంటున్నారు.
Read Also: MG మెజెస్టర్ To వోక్స్వ్యాగన్ టేరాన్.. ఫిబ్రవరి 2026 ట్రెండింగ్ కార్లు ఇవే!
Share
Mudra Loan Scam: ముద్ర లోన్ పేరుతో మోసాలకు తెరలేపిన గ్యాంగ్.. అరెస్ట్ చేసిన పోలీసులు
Kolikapudi Warning: పిచ్చి పిచ్చి స్టేటస్లు పెడితే కుదరదు.. కొలికిపూడిపై పల్లా శ్రీనివాస్ ఫైర్
