Toyota New Tech Package: వినియోగదారులకు టయోటా కంపెనీ ఎప్పటికప్పుడు చక్కటి సర్వీసులు అందిస్తుంది. అందులో భాగంగానే సరికొత్త ప్యాకేజీని తీసుకొచ్చింది. టయోటా కిర్లోస్కర్ మోటార్ అర్బన్ క్రూయిజర్ హైరైడర్ కోసం కొత్త టెక్ ప్యాకేజీని ప్రవేశపెట్టింది. ఈ ప్యాకేజీ హైరైడర్ అన్ని వేరియంట్లలో అందుబాటులో ఉంది. ఈ ప్యాకేజీలో భాగంగా, SUVతో అందించే సాంకేతికతను మెరుగుపరచడానికి కార్ల తయారీదారు మూడు టయోటా జెన్యూస్ యాక్సెసరీస్ ను ప్రవేశపెట్టింది.
టెక్ ప్యాకేజీలో క్యాబిన్ కు సంబంధించిన యాంబియంట్ లైటింగ్, హెడ్స్ అప్ డిస్ప్లే, డిజిటల్ వీడియో రికార్డర్, డాష్ కెమెరా ఉన్నాయి. యాంబియంట్ లైటింగ్ సిస్టమ్ క్యాబిన్ లోపల సూక్ష్మమైన, కస్టమైజబుల్ గ్లోను అందిస్తుంది. హెడ్స్ అప్ డిస్ ప్లే ఉంటుంది. ఇది డ్రైవర్ పరధ్యానాన్ని తగ్గించడంలో సాయపడుతుంది. ఆన్ రోడ్ భద్రతను మెరుగుపరుస్తుంది. అదే సమయంలో, డిజిటల్ వీడియో రికార్డర్ డ్రైవింగ్ ఫుటేజ్ ను అన్ స్టాఫబుల్ గా రికార్డ్ చేస్తుంది.
టయోటా టెక్ ప్యాకేజీ ధరను రూ. 29,499గా నిర్ణయించింది. ఇది దేశ వ్యాప్తంగా ఉన్న డీలర్ షిప్ లలో అందుబాటులో ఉంటుంది. ఇది యాక్సెసరీ ప్యాక్గా అందించబడినందున, కస్టమర్లు కారు కొనుగోలు సమయంలో లేదంటే తరువాత ఏదైనా అర్బన్ క్రూయిజర్ హైరైడర్ వేరియంట్కు జోడించడానికి సెలెక్ట్ చేసుకోవచ్చు.
Read Also: రెనాల్ట్ డస్టర్ 2026 vs టాటా సియెర్రా. రెండింటిలో ఏది బెస్ట్ అంటే?
ప్రస్తుతం హైరైడర్ ధర రూ. 10.94 లక్షల (ఎక్స్-షోరూమ్) నుంచి ప్రారంభం అవుతుంది. ఇప్పటికే ఈ కారు దేశంలో 2,00,000 యూనిట్ అమ్మకాల మైలురాయిని దాటింది. ఇతర ఫీచర్ల విషయానికి వస్తే, అర్బన్ క్రూయిజర్ హైరైడర్ వెంటిలేటెడ్ లెదర్ సీట్లు, పనోరమిక్ సన్ రూఫ్, వైర్ లెస్ ఆపిల్ కార్ ప్లే, ఆండ్రాయిడ్ ఆటోతో కూడిన 9 అంగుళాల టచ్ స్క్రీన్ ఇన్ఫోటైన్మెంట్ సిస్టమ్, వైర్ లెస్ ఛార్జింగ్, USB ఛార్జింగ్ పోర్ట్ లు, 360 డిగ్రీ కెమెరాతో వస్తుంది.
Read Also: మహీంద్రా To మారుతి.. జనవరిలో అమ్మకాల్లో దుమ్మురేపిన కార్లు ఇవే!
టయోటా కాంప్రహెన్సివ్ ఓనర్ షిప్ ప్లాన్ లో భాగంగా హైరైడర్కు సపోర్ట్ చేస్తుంది. కొనుగోలుదారులు 66 జెన్యూన్ యాక్సెసరీస్ ను చూజ్ చేసుకునే అవకాశం ఉంటుంది. హైబ్రిడ్ బ్యాటరీపై ఎనిమిది సంవత్సరాలు లేదంటే 1,60,000 కిమీ వారంటీతో పాటు ప్రామాణిక మూడు సంవత్సరాలు లేదంటే 1,00,000 కిమీ వారంటీని పొందవచ్చు. ఐదు సంవత్సరాలు, 2,20,000 కిమీ వరకు పొడిగించుకునే అవకాశం ఉంటుంది. వినియోగదారులకు మెరుగైన సర్వీసులు అందించాలనే లక్ష్యంతో ఈ ప్లాన్ ను తీసుకొచ్చినట్లు కంపెనీ తెలిపింది. హైరైడర్ వినియోగదారులు ఉపయోగించుకోవాలని సూచించింది.
Read Also: అమ్మకాల్లో దుమ్మురేపిన ఈవీలు, జనవరి 2026లో నెంబర్ వన్ ఈ స్కూటరే!
Share
Phone Tapping Case: ఫోన్ ట్యాపింగ్ కేసులో మరో సంచలనం.. కేసీఆర్కు సిట్ నోటీసులు, చివరి అంకానికి
Alone : ఒంటరితనానికి దారితీసే 7 ప్రధాన అలవాట్లు ఇవేనట !
