కారు నడిపే చాలా మందికి ఓ కామన్, క్రేజీ అలవాటు ఉంటుంది. ఎక్కడికైనా వెళ్లి కారు పార్క్ చేసిన తర్వాత, వెంటనే బయటకు రావకుండా కొంతసేపు అదే కారులో కూర్చుని ఉంటారు. అది రెండు నిమిషాలు కావచ్చు. అరగంట కూడా కావచ్చు. ఈ సమయంలో కొందరు ఫోన్ లో స్క్రోల్ చేస్తారు. మరికొందరు పాటలు వింటారు. ఇంకొందరు ఏమీ చేయకుండా సైలెంట్ గా కూర్చుంటారు. ఇటీవలి కాలంలో సోషల్ మీడియాలో కూడా ఈ అలవాటు గురించి చాలామంది మాట్లాడుతున్నారు. పనికి వెళ్లినా, ఇంటికి వచ్చినా, జిమ్కి చేరుకున్నా, డెస్టినేషన్ కు చేరుకున్న తర్వాత కూడా కొంతసేపు కారులోనే ఉండిపోవడం చాలా మందికి కామన్ అయిపోయింది.
ఇలా ఎందుకు చేస్తారనే అంశానికి సంబంధించి ఓ సైకాలజికల్ కారణం ఉంది. మన రోజువారీ జీవితంలో ఒక పని నుంచి మరొక పనికి మారేటప్పుడు, మనసుకు కొంత సమయం అవసరం అవుతుంది. పని ముగించుకుని ఇంటికి వచ్చేటప్పుడు ఆఫీస్ ఒత్తిడిని వెంటనే వదిలేయడం కష్టం. అప్పుడు కారులో కూర్చునే ఆ కొద్ది నిమిషాలు మనసుకు ఒక చిన్న బ్రేక్లా పని చేస్తాయి. ఇది ఒక దశ నుంచి మరో దశకు మారడానికి మధ్యలో ఉండే చిన్న ఆహ్లాదకర సమయం లాంటిది.
కారు ఓ ప్రత్యేకమైన ప్రదేశం కూడా. అక్కడ ఒంటరిగా ఉంటారు. నచ్చినట్టుగా ఉండవచ్చు. మ్యూజిక్ పెట్టుకోవచ్చు. కిటికీలు మూసుకోవచ్చు. ఎవరూ ఇబ్బంది పెట్టరు. అందుకే చాలా మందికి కారు చిన్న వ్యక్తిగత స్థలంలా భావిస్తారు. ఈ చిన్న విరామం సరైన విధంగా ఉపయోగిస్తే చాలా ప్రయోజనాలు ఉన్నాయి. కొద్ది నిమిషాలు ప్రశాంతంగా కూర్చోవడం వల్ల ఒత్తిడి తగ్గుతుంది. మనసు రిలాక్స్ అవుతుంది. తర్వాతి పనికి సిద్ధమవ్వడం ఈజీ అవుతుంది. కొందరు ఈ సమయంలో ఆ రోజు జరిగిన విషయాల గురించి ఆలోచిస్తారు. ఇంకొందరు ముందున్న పనుల కోసం ప్లాన్ చేసుకుంటారు. ఇలా చేయడం వల్ల ఏకాగ్రత పెరుగుతుంది.
ఈ అలవాటు ఎప్పుడూ మంచిదే అనుకోవద్దు. మీరు కారులో కూర్చుని ఫోన్ లో నిరంతరం స్క్రోల్ చేస్తూ, టెన్షన్ కలిగించే విషయాల గురించి ఆలోచిస్తూ ఉంటే, రిలాక్స్ కాకుండా మరింత ఒత్తిడిని పెంచుతుంది. అప్పుడు ఆ విరామం ఉపయోగం ఉండదు. అందుకే, ఈ సమయాన్ని ఎలా ఉపయోగిస్తున్నామో గమనించడం ముఖ్యం. ఇష్టమైన పాట వినడం, సైలెంట్ గా కూర్చుని మనసును ప్రశాంతంగా ఉంచుకోవడం లాంటి పనులు చేయాలి. ఐదు నిమిషాలైనా సరే, మనసుకు రిలాక్స్ అయ్యేలా ఉండాలి. సరైన విధంగా ఉపయోగిస్తే, ఈ చిన్న అలవాటు రోజును మరింత ప్రశాంతంగా మార్చే అవకాశం ఉంటుంది.
Read Also: ఓర్ని.. హ్యూందాయ్ i10 కారును ఇలా మార్చేశారా? వీడియో చూస్తే షాకవుతారు!
Share
బెంగళూరులో జాంబీ డ్రగ్ కలకలం.. నిలబడ్డ చోటే ఘోరం? అసలు నిజాలు బయటపెట్టిన పోలీసులు
9.9 లక్షల మంది నిరీక్షణకు తెర.. ఎల్లుండే ఇంటర్ ఫలితాలు
