Yamaha Aerox E: యమహా నుంచి ప్రీమియం ఈవీ, Aerox E EV స్కూటర్ లాంచింగ్ ఎప్పుడంటే?

Yamaha Aerox E EV Launch Date: యువతను ఆకట్టుకునేలా స్టైలిష్ బైక్స్, స్కూటర్స్ తీసుకురావడంలో యమహా ముందుటుంది. ఈ కంపెనీ నుంచి మరో క్రేజీ ప్రీమియం ఎలక్ట్రిక్ స్కూటర్ విడుదల కాబోతోంది. Yamaha Aerox E పేరుతో దీనిని మార్కెట్లోకి తీసుకురాబోతోంది. ఇది స్పోర్టీ డిజైన్, పెర్ఫార్మెన్స్‌ మీద బాగా ఫోకస్ చేసింది. ఈ స్కూటర్ కు సంబంధించి భారత్ లో నవంబర్ 2025లో కీలక ప్రకటన వచ్చింది. ఈ స్కూటర్ ను 2026 జనవరి, ఫిబ్రవరిలో లాంచ్ చేసే అవకాశం ఉన్నట్లు వెల్లడించింది. అఫీషియల్ ఇన్ఫర్మేషన్ లేకపోయినా, ఈ నెలలో లేదంటే వచ్చే నెలలో లాంచ్ కానుంది. ఈ స్కూటర్ యమహా ప్రీమియం EV సెగ్మెంట్‌ లో భాగం కానుంది. గ్యాసోలిన్ వెర్షన్ Aerox 155 ఆధారంగా ఈ స్కూటర్ ను డెవలప్ చేసింది.

Yamaha Aerox E అంచనా ధర, స్పెసిఫికేషన్లు

Yamaha Aerox E అంచనా ధర రూ.2.50 లక్షలు నుంచి రూ.2.60 లక్షలు వరకు ఉంటుందని నిపుణులు అంచనా వేస్తున్నారు వేరియంట్, సిటీ ఆధారంగా ధరలు కాస్త మారే అవకాశం ఉంటుంది. ఈ స్కూటర్ 3kWh కెపాసిటీ బ్యాటరీ ఉంటుంది. మోటార్ పవర్ 9.4 Kw ఉంటుంది. పూర్తి ఛార్జ్ మీద 106 కిలో మీటర్ల పరిధిని అందిస్తుంది. టాప్ స్పీడ్ 120 నుంచి 127 కిలో మీటర్లు ఉంటుంది. దీనికి డబుల్ డిస్క్ బ్రేకులు ఉంటాయి. ట్యూబ్ లెస్ టైర్లతో వస్తుంది. ఆటోమేటిక్ ట్రాన్స్ మిషన్ ఉంటుంది. ఈ స్కూటర్ స్టాండర్డ్ ఛార్జర్ తో 4-5 గంటలు పడుతుంది.

Yamaha Aerox E డిజైన్, ఫీచర్లు

Yamaha Aerox E మంచి డిజైన్ ను కలిగి ఉంటుంది. స్పోర్టీ లుక్, LED హెడ్‌ లైట్స్, డిజిటల్ ఇన్‌స్ట్రుమెంట్ క్లస్టర్, ప్రీమియం ఫినిషింగ్ ఉంటుంది. ఇది Aerox సిరీస్ సిగ్నేచర్ స్టైలింగ్‌ను కలిగి ఉంటుంది. నావిగేషన్, కీలెస్ ఎంట్రీ, బ్లూటూత్ కనెక్టివిటీ, స్మార్ట్‌ ఫోన్ ఇంటిగ్రేషన్ లాంటి స్మార్ట్ ఫీచర్లు ఉంటాయి. ABS, ట్రాక్షన్ కంట్రోల్, రెజనరేటివ్ బ్రేకింగ్, మెటాలిక్ బ్లాక్, సిల్వర్, రెడ్ లాంటి వేరియంట్స్ అందుబాటులో ఉండవచ్చని భావిస్తున్నారు. ఇది దేశంలో ప్రీమియం EV మార్కెట్‌ లో యమహా చేస్తున్న మొదటి ప్రయత్నంగా చెప్పుకోవచ్చు. EC-06 అనే మరో మోడల్‌ తో పాటు లాంచ్ చేసింది. ఈ స్పెస్ ప్రకారం, ఇది అర్బన్ కమ్యూటింగ్, స్పోర్టీ రైడింగ్ కోసం సూటబుల్. ఇది ప్రీమియం స్కూటర్ కాబట్టి.. Ather 450X, TVS iQube లాంటి మోడల్స్‌ తో పోటీ పడుతుంది.