RBI new rules 2025: రిజర్వ్ బ్యాంక్ ఆఫ్ ఇండియా అక్టోబర్ 1, 2025 నుండి కొత్త పొదుపు ఖాతా నియమాలను అమలు చేయనుంది. ఈ మార్పులు దేశవ్యాప్తంగా లక్షలాది మంది ఖాతాదారులను ప్రభావితం చేయబోతున్నాయి. కనీస బ్యాలెన్స్, ATM , UPI లావాదేవీలు, చెక్ బుక్ సౌకర్యాలు, SMS అలర్ట్స్, ఖాతా మూసివేత ఛార్జీలు వంటి అంశాలన్నీ ఈ నియమాల్లో భాగమవుతున్నాయి. బ్యాంకింగ్‌ను పారదర్శకంగా, కస్టమర్ స్నేహపూర్వకంగా మార్చడమే కాకుండా డిజిటల్ చెల్లింపులను ప్రోత్సహించడమే ఈ చర్య వెనుక ఉన్న ముఖ్య ఉద్దేశం.
RBI కొత్త నియమాలను ఎందుకు ప్రవేశపెట్టింది?
ఇటీవల బ్యాంకింగ్ విధానం డిజిటల్ వైపు విపరీతంగా మారిపోయింది. చెక్కులు, నగదు లావాదేవీల కంటే ఎక్కువ మంది ఇప్పుడు మొబైల్ బ్యాంకింగ్, UPI, ఇంటర్నెట్ బ్యాంకింగ్ మీద ఆధారపడుతున్నారు. ఫలితంగా ATM నగదు లావాదేవీలపై ఆధారపడి వచ్చిన బ్యాంకుల ఆదాయ మోడల్ దెబ్బతింది. ఖర్చును నేరుగా కస్టమర్లపై మోపకుండా, సమన్వయమైన విధానాన్ని తీసుకురావడం కోసం RBI ఈ కొత్త నియమాలను రూపొందించింది.
కొత్త కనీస బ్యాలెన్స్ నియమాలు
ఇప్పటివరకు బ్యాంకులు తమకు నచ్చిన విధంగా కనీస బ్యాలెన్స్ నిర్ణయించేవి. కానీ అక్టోబర్ 1 నుంచి మెట్రో మరియు అర్బన్ ప్రాంతాల్లోని కస్టమర్లు కనీసం రూ.5,000 బ్యాలెన్స్ ఉంచాలి. సెమీ అర్బన్ మరియు గ్రామీణ ప్రాంతాల్లో ఈ పరిమితి రూ.2,000గా నిర్ణయించబడింది. ఈ ఏకరీతి నియమాలు కస్టమర్లలో ఉన్న గందరగోళాన్ని తగ్గిస్తాయి.
ATM కొత్త షరతులు
ఇప్పటివరకు ఎక్కువ బ్యాంకులు నెలకు ఐదు ఉచిత ఉపసంహరణలు ఇస్తున్నాయి. ఇకపై మెట్రో ప్రాంతాల్లో కస్టమర్లు నెలలో మూడు సార్లు మాత్రమే ఉచితంగా డబ్బు డ్రా చేసుకోవచ్చు. గ్రామీణ ప్రాంతాల్లో మాత్రం ఐదు ఉచిత నగదు తీసివేతలు కొనసాగుతాయి. అదనంగా ప్రతి లావాదేవీపై రూ.18 వసూలు చేయబడుతుంది.”
Also Read: BSNL Offers: జియో, ఎయిర్‌టెల్ ప్లాన్‌లకు షాక్.. BSNL రూ.485లో 72 రోజుల మాస్ ఆఫర్
UPI లావాదేవీల పరిమితులు
UPI ఇప్పటికీ ఉచితంగానే కొనసాగుతుంది. కానీ ఒక కొత్త నిబంధన ప్రకారం ఒక్కో కస్టమర్ రోజుకు గరిష్టంగా 30 లావాదేవీలు మాత్రమే చేయగలరు. దీని వెనుక ఉద్దేశ్యం సిస్టమ్‌ పై ఒత్తిడిని తగ్గించడం, భద్రతను మెరుగుపరచడం.
చెక్ బుక్ సౌకర్యం
ఇప్పటి వరకు చాలా బ్యాంకులు కేవలం 10 చెక్ లీఫ్‌లు మాత్రమే ఉచితంగా ఇస్తున్నాయి. ఇకపై కస్టమర్లకు 20 ఉచిత చెక్ లీఫ్‌లు లభిస్తాయి. అదనపు చెక్ లీఫ్‌లు ఒక్కదానికి రూ3 మాత్రమే చెల్లిస్తే సరిపోతుంది.
SMS – ఇమెయిల్ అలర్ట్స్
డిజిటల్ లావాదేవీలపై ఫ్రీ SMS, ఇమెయిల్ అలర్ట్స్ అన్ని కస్టమర్లకు తప్పనిసరిగా అందించాల్సి ఉంటుంది. ఇప్పటి వరకు కొన్ని బ్యాంకులు ఉచితంగా ఒక పరిమితి వరకు మాత్రమే ఇస్తున్నాయి. ఇకపై ప్రతీ ట్రాన్సాక్షన్‌కి నేరుగా ఫ్రీ అలర్ట్ వస్తుంది. ఇది మోసాలను తగ్గించడంలో పెద్ద సహాయం అవుతుంది.
ఖాతా మూసివేత నిబంధనలు
ఇప్పటి వరకు ఖాతా మూసివేయడానికి బ్యాంకులు ఎక్కువ ఛార్జీలు వసూలు చేసేవి. ఇకపై ఖాతా తెరిచిన 14 రోజుల్లోపు మూసివేస్తే ఎటువంటి ఛార్జీలు ఉండవు. ఆ తర్వాత మూసివేసే వారు రూ.250 ప్రామాణిక ఛార్జీ మాత్రమే చెల్లించాల్సి ఉంటుంది. అందుకే అక్టోబర్ 1కి ముందే ఖాతాదారులు తమ ఖాతా బ్యాలెన్స్, ATM వినియోగం, UPI లావాదేవీల అలవాట్లను సమీక్షించుకుంటే, ఈ కొత్త మార్పులు వారికి భారంగా కాకుండా, సౌకర్యంగా మారతాయి.
Share
IPL 2026: ఐపీఎల్ 2026లో కొత్త రూల్.. షాక్ లో ప్లేయర్లు... ఇకపై అక్కడ ఒక మ్యాచ్ ఆడాల్సిందే
Tirumala: గుడ్ న్యూస్.. తిరుమల శ్రీవారి భక్తులకు మరో కానుక
