Anthropic AI Jobs| కృత్రిమ మేధస్సు (AI) క్షణాల్లో కథనాలు, ఈమెయిల్స్, ప్రసంగాలు రాయగలదు. అయినప్పటికీ, ఏఐ రంగంలో ముందున్న కంపెనీలకు నైపుణ్యం కలిగిన మానవ రచయితల అవసరం కొనసాగుతోంది. దీనికి ఉదాహరణగా, క్లాడ్ ఏఐ చాట్‌బాట్‌ను రూపొందించిన ఆంథ్రోపిక్ సంస్థ ఓ కీలక ఉద్యోగానికి భారీ జీతాన్ని అందిస్తున్నట్లు వార్తలు వస్తున్నాయి. ఎగ్జిక్యూటివ్ కమ్యూనికేషన్స్ రైటర్ పోస్టుకు ఎంపికైన వారికి ఏడాదికి రూ.3.25 కోట్ల వరకు వేతనం లభించే అవకాశం ఉంది. ఈ ఉద్యోగానికి అర్హతలు ఏంటి? దరఖాస్తు ఎలా చేసుకోవాలి? ఇప్పుడు తెలుసుకుందాం.
ఆంథ్రోపిక్ సంస్థ ఎగ్జిక్యూటివ్ కమ్యూనికేషన్స్ రైటర్ పోస్టు కోసం అభ్యర్థులను నియమించుకుంటున్నట్లు సమాచారం. ఈ ఉద్యోగానికి వార్షిక వేతనం 2,95,000 నుంచి 3,45,000 డాలర్ల వరకు ఉంటుంది. భారత కరెన్సీలో ఇది సుమారు రూ.2.5 కోట్ల నుంచి రూ.3.25 కోట్ల వరకు ఉండవచ్చు. అసలు వేతనం, ఇతర నిబంధనలను అధికారిక ప్రకటనలో చెక్ చేయాలి. ఈ ఉద్యోగం శాన్‌ఫ్రాన్సిస్కో లేదా న్యూయార్క్ నగరంలో పనిచేయడానికి ఉద్దేశించబడింది.
ఎంపికైన అభ్యర్థి కంపెనీ ఉన్నతాధికారులతో కలిసి పనిచేయాలి. ప్రసంగాలు, అధికారిక ప్రకటనలు, ముఖ్యమైన సందేశాలను మీరు రూపొందించాలి. అలాగే, కీలక సమావేశాలు, పబ్లిక్ మీటింగ్స్ (బహిరంగ కార్యక్రమాల) కోసం కంపెనీ మేనేజ్‌మెంట్ లీడర్స్‌కు సిద్ధం చేయాలి. తాజా అప్డేట్స్‌పై వెంటనే స్పందించాల్సిన సందర్భాల్లో స్పష్టమైన సమాచారాన్ని అందించడం కూడా ఈ ఉద్యోగంలో భాగం. ఏఐ టెక్నాలజీ, సైంటిఫిక్ రీసెర్చ్, ఉత్పత్తుల వంటి క్లిష్టమైన అంశాలను సాధారణ ప్రజలకు అర్థమయ్యే భాషలో వివరించాలి.
ఈ పోస్టుకు దరఖాస్తు చేసుకునేవారికి కనీసం 8 ఏళ్ల ఎగ్జిక్యూటివ్ కమ్యూనికేషన్స్ అనుభవం ఉండాలి. అద్భుతమైన రైటింగ్ స్కిల్స్ (రచనా నైపుణ్యాలు), ఎడిటింగ్ సామర్థ్యం, మంచి నిర్ణయాలు తీసుకునే లక్షణాలు అవసరం. అభ్యర్థులకు బ్యాచిలర్ డిగ్రీ లేదా దానికి సమానమైన విద్య, శిక్షణ, అనుభవం ఉండాలి. ఒత్తిడిలో పనిచేయగలగడం, క్లిష్టమైన విషయాలను సులభంగా వివరించడం కూడా ముఖ్యమైన అర్హతలు.సైన్స్, రీసెర్చ్, బిజినెస్ స్ట్రాటజీ, ప్రొడక్టస్ ప్రొమోషన్ (ఉత్పత్తుల ప్రచారం) వంటి రంగాల్లో అనుభవం ఉన్నవారికి ప్రాధాన్యం ఇస్తారు.
Also Read: ఏడాదికి రూ. కోటి వరకు జీతం కావాలా? వెంటనే ఈ కెరీర్ ఎంచుకోండి
ఆసక్తి ఉన్నవారు ఆంథ్రోపిక్ అధికారిక కెరీర్స్ వెబ్‌సైట్‌ను సందర్శించాలి. అక్కడ ఈ ఉద్యోగ ప్రకటనను పరిశీలించి, అర్హతలు, వేతనం, పని చేసే ప్రదేశం వివరాలను నిర్ధారించుకోవాలి. అనంతరం అధికారిక పోర్టల్ ద్వారా దరఖాస్తు చేసుకోవచ్చు.
Also Read: ఓటమి ఎదురుగా ఉన్నప్పుడు ఈ తప్పు చేయకండి.. బలమైన శత్రువును ఎదుర్కోవాల్సిన వ్యూహం
ఏఐ వేగంగా సమాచారాన్ని రూపొందించగలదు. కానీ సందర్భాన్ని అర్థం చేసుకోవడం, సరైన సందేశాన్ని ఎంచుకోవడం, సున్నితమైన అంశాలపై నిర్ణయాలు తీసుకోవడం వంటి విషయాల్లో మానవ నైపుణ్యాలు కీలకం. అందుకే ఏఐ అభివృద్ధి చెందుతున్నప్పటికీ, అనుభవజ్ఞులైన రచయితలకు అవకాశాలు కొనసాగుతున్నాయి.
గమనిక: వేతనం, అర్హతలు, ఉద్యోగ లభ్యతకు సంబంధించిన వివరాలు మారవచ్చు. దరఖాస్తు చేసే ముందు ఆంథ్రోపిక్ అధికారిక వెబ్‌సైట్‌లో తాజా సమాచారాన్ని నిర్ధారించుకోండి.
Share
టమాటాలను ఉప్పునీటితో కడితే పురుగుమందులు పోతాయా? నిపుణులు ఏం చెబుతున్నారంటే..
ఏసీ కొనడానికి ఇదే రైట్ టైమ్.. చలికాలంలో కొంటే ఎన్ని లాభాలో తెలుసా?
