Karachi Fire Accident | పాకిస్తాన్‌(Pakistan) కరాచీ నగరంలోని ఒక ప్రముఖ షాపింగ్ మాల్‌లో శనివారం భారీ అగ్ని ప్రమాదం జరిగింది. షాపింగ్ మాల్ రెండో అంతస్తులో ముందుగా మంటలు చెలరేగాయి. ఆ తరువాత 4, 5, 6 అంతస్తుల్లో మంటలు వ్యాపించాయి. ఈ అగ్ని ప్రమాదంలో 11 మంది చనిపోయినట్లు సమాచారం.
Karachi Fire Accident | పాకిస్తాన్‌(Pakistan) కరాచీ నగరంలోని ఒక ప్రముఖ షాపింగ్ మాల్‌లో శనివారం భారీ అగ్ని ప్రమాదం జరిగింది. షాపింగ్ మాల్ రెండో అంతస్తులో ముందుగా మంటలు చెలరేగాయి. ఆ తరువాత 4, 5, 6 అంతస్తుల్లో మంటలు వ్యాపించాయి. ఈ అగ్ని ప్రమాదంలో 11 మంది చనిపోయినట్లు సమాచారం. మరో ఆరుగురుకి తీవ్ర గాయాలయ్యాయి. ఈ ప్రమాదం జరగడానికి కారణాలపై ఇంకా స్పష్టత రాలేదు. శనివారం ఉదయం ఈ దుర్ఘటన జరిగినట్లు స్థానిక మీడియా తెలిపింది.
ఉదయం 7 గంటలకు కరాచీ నగరంలోని ఓ షాపింగ్ మాల్‌లో రెండో అంతస్తులో మంటలు చెలరేగాయి. ఆ తరువాత వేగంగా పై మూడు అంతస్తులకు మంటలు వ్యాపించాయి. సమాచారం అందుకున్న అగ్నిమాపక సిబ్బంది, పోలీసులు ఘటనా స్థలానికి చేరుకొని మంటలు వ్యాపించకుండా అడ్డుకోవడానికి షాపింగ్ మాల్‌లో కరెంటు సప్లైని నిలిపివేశారు. ఆ తరువాత భవనంలో చిక్కుకున్న వారిని కాపాడేందుకు ప్రయత్నించగా.. లోపల దట్టమైన పొగ పీల్చడం వల్ల 11 మంది చనిపోయారని.. ఆరుగరు తీవ్రంగా గాయపడ్డారని ఒక పోలీసు ఉన్నతాధికారి తెలిపారు. ఈ ఘటనలో 42 మందిని కాపాడామని ఆయన అన్నారు.
ఈ ప్రదేశంలో ఉన్న భవనాలలో అగ్నిమాపక సిలిండర్లు లేవని.. ఇది బాధ్యతా రాహిత్యమని నగర మేయర్ చెప్పారు. త్వరలోనే విచారణ జరిపి షాపింగ్ నిర్వహకులపై చర్యలు తీసుకుంటామని అన్నారు.
Share
BJP-BRS Secret Alliance | అనుమానం లేదు.. కాంగ్రెస్‌ను దెబ్బకొట్టేందుకే తెలంగాణలో బీజేపీ పోటీ!
Revanth Reddy kalwakurthy : దళితబంధుకు ఈసీ అనుమతి ఎందుకు తెచ్చుకోలేదు..? కేసీఆర్‌కు రేవంత్ ప్రశ్న..
