Alaska Dual Murder News: వాహనంలో నుంచి ఓ మహిళ దొంగతనం చేసిన ఎస్డీ కార్డు నిందుతుడ్ని జైలుకు పంపింది. ఎస్డీ కార్డు వల్ల జంట హత్యల ఘటన ఆలస్యంగా వెలుగులోకి వచ్చింది. ఓ మహిళ చోరీ, దాడులకు పాల్పడడం, వ్యభిచారం వంటి ఆరోపణలను ఎదుర్కొంటుంది. ఆ మహిళకు ఒక వ్యక్తి పరిచయం అయ్యాడు. అతనితో ఆమె ఒకరోజు ట్రక్కులో ‘డేట్‌’కు వెళ్లింది. అనంతరం వాహనంలో అతను లేని సమయంలో ఎస్డీ కార్డును దొంగతనం చేసింది. ఎస్డీ కార్డు దొంగలించిన తర్వాత నాలుగేళ్లపాటు విషయాన్ని మరిచిపోయింది. ఇటీవల ఎస్డీ కార్డులోని దృశ్యాలను పరిశీలించింది.
ఆ కార్డులో ఉన్న దృశ్యాలను చూసి.. ఆ మహిళ బిత్తరపోయింది. సదరు వ్యక్తి ఒక మహిళను హత్య చేస్తున్న దృశ్యాలు ఆ కార్డులో నమోదు అయ్యాయి. హత్య చేస్తున్న దారుణమైన ఫొటోలు, వీడియోలు అందులో రికార్డు అయ్యాయి. దీంతో ఆమె వెంటనే ఆ కార్డును పోలీసులకు అప్పగించింది. ఆ వ్యక్తి మహిళను దారుణంగా కొట్టి హింసించాడు. తర్వాత ఆమె గొంతు కోసాడు. అతను ఆవేశంతో.. ఆమెను చనిపోవాలని గట్టిగా అరవడం వంటి దృశ్యాలు అందులో నమోదైనట్లు పోలీసులు వెల్లడించారు. ఆమె మృతదేహన్ని దుప్పట్లో చుట్టి బయట లగేజ్‌ కార్ట్‌ వద్ద పడేసి ఉండడం కనిపించింది.
ఆ దృశ్యాల్లోని ఉన్న వ్యక్తి గొంతు బ్రియన్‌ స్టీవెన్‌ స్మిత్‌ (52)గా పోలీసులు దర్యాప్తులో గుర్తించారు. అతనిపై హత్య, వివిధ నేర అభియోగ కేసులు నమోదై ఉన్నాయి. అయితే అలస్కాకు చెందిన మహిళలు కాథ్లీన్ హెన్రీ (30), వెరోనికా అబౌచుక్‌ (52)ల హత్యలు సహా మొత్తం 14 అభియోగాల్లో తాను నిందితుడ్ని కాదంటూ గతంలో స్మిత్‌ వాదించాడు. కాథ్లీన్ హెన్రీని హత్య చేస్తున్నప్పటి దృశ్యాలు యాంకరేజ్‌లోని ‘టౌన్‌ప్లేస్‌ సూట్స్‌’లో రికార్డ్ అయ్యాయి. గతంలో స్మిత్‌ 2019 సెప్టెంబరు 2 నుంచి సెప్టెంబర్ 4 తేది వరకు ఆ హోటల్‌లో ఉండేందుకు రూమ్ బుక్‌ చేసుకున్నాడు. కాథ్లీన్ హెన్రీ హత్యకు సంబంధించి ఎస్డీ కార్డులో దృశ్యాలను పోలీసులు పూర్తిగా పరిశీలించారు. ఆ తర్వాత స్మిత్‌ను పోలీసులు విచారించారు. తమ దైన శైలిలో పోలీసులు విచారించగా చివరకు అతను వెరోనికా హత్యకు సంబంధించిన విషయాలు సైతం వెల్లడించారు. దీనిపై పోలీసులు మరింత లోతుగా విచారణ చేపట్టారు.
Share
Pulasa Fish : చేపలందు పులస చేప రుచే వేరయా..!
Amaranatha Reddy : పలమనేరు టీడీపీ ఎమ్మెల్యే అభ్యర్థి అమరనాథరెడ్డి ప్రత్యేక ఇంటర్వ్యూ
