Fire Eelement :- నీరు, నిప్పు లేకుండా మనిషి జీవితం ఉండదు . మనిషి మనుగుడకి అగ్ని అవసరం. ఆధ్యాత్మిక దృష్టి తో చూస్తే అగ్ని మనకు చాలా రూపాల్లో కనిపిస్తుంది. ఏ మతంలోనైనా ఏదో రూపంలో అగ్నిదేవుడ్ని పూజిస్తారు. అది ఉన్న ప్రదేశాన్ని వేరు వేరు పేర్లతో పిలుచుకుంటారు.
క్రోధాగ్ని: కోపం వల్ల పుట్టేది క్రోధాగ్ని. కళ్లల్లో మాత్రమే ఇది ఎక్కువగా కనిపిస్తుంది. శివుడు త్రినేతం తెరిస్తే కలిగేది అగ్ని రూపం. క్రోదాగ్నికి భస్మం అయిపోతారు..
జఠరాగ్ని: భూమి మీద ఉన్న ప్రతీ జీవి కడుపులో ఆహార జీర్ణానికి తోడ్పడుతుంది. ఆహార అరుగుదలకి ఉపయోగపడుతుంది.
దావాగ్ని: ఇది ఎండు పుల్లల రాపిడి, ఘర్షణ వల్ల పుట్టేది దావాగ్ని. అడవులలో రేగే దావానలం కారణం దావాగ్ని. పచ్చని అడవి దావాగ్నిలో బూడదవుతుంది.
ఆరణి : ఎండు పుల్లల రాపిడితో మధించి అగ్నిని పుట్టించేవారు. ఇది పవిత్రమైంది. యజ్ఞంతో పుట్టే అగ్ని పర్యావరణానికి ఎంతో మేలు చేస్తుంది.
వజ్రాగ్ని: ఇంద్రుని వజ్రాయుధంలో ఉండే అగ్ని. మెరుపులు, పిడుగులు అగ్నికి రూపాలే. పురాణాల్లో మెరుపు ఇంద్రుని వజ్రాయుధంగా భావిస్తారు. పిడుగు వజ్రాయుధా ఘాతమనీ అంటారు.
జ్ఞానాగ్ని: ఆత్మలో నిత్యం కలిగే అగ్నే జ్ఞానాగ్ని. జ్ఞానం అనే అగ్ని. సీతాదేవి అగ్ని ప్రవేశం ఆలకించి చూస్తే ఈ జ్ఞానాగ్ని అంటే ఏంటో మనకు అర్ధమవుతుంది. కోరికలు పుట్టడం వల్లే మనిషి దేవుడికి దూరమవుతాడు.
బడబాగ్ని: సాగరం అడుగుభాగంలో పుట్టే అగ్ని బడబాగ్ని లేదా బ్రహ్మాగ్ని. సముద్రంలో బడబాగ్ని పుడితే ఏం జరుగుతుందో అందరికి తెలుసు.