Back Pain Relief Tips: నడుము నొప్పిని తగ్గించే టిప్స్ !

Back Pain Relief Tips: నడుము నొప్పి ఈ రోజుల్లో సాధారణ సమస్యగా మారింది. ఎక్కువ సేపు కూర్చుని పనిచేయడం, శారీరక కారణాలు, కూర్చునే విధానం సరిగ్గా లేకపోవడం వల్ల చాలా మంది ఈ నొప్పితో బాధపడుతున్నారు. నడుము నొప్పికి మార్కెట్లో అనేక మందులు, చికిత్సలు అందుబాటులో ఉన్నప్పటికీ, హోం రెమెడీస్ చాలా ప్రభావవంతంగా పనిచేస్తాయి. అంతే కాకుండా ఇవి దీర్ఘకాలిక ఉపశమనాన్ని కూడా అందిస్తాయి.

మీరు కూడా చాలా కాలంగా నడుము నొప్పితో బాధపడుతున్నట్లయితే ఖచ్చితంగా ఈ 3 ఎఫెక్టివ్ హోం రెమెడీస్ ప్రయత్నించండి. వీటితో నడుము నొప్పి ఈజీగా తగ్గిపోతుంది. మరి హోం రెమెడీస్ ఎలా వాడాలి ? అందుకు సంబంధించిన పూర్తి వివరాల గురించి ఇప్పుడు తెలుసుకుందాం.

కొన్ని ఐస్ క్యూబ్స్‌ని తీసుకుని వాటిని సన్నని క్లాత్ లో వేసి చుట్టండి. ఆ తర్వాత నొప్పి ఉన్న ప్రదేశంలో 15-20 నిమిషాలు పెట్టండి. ఇది వాపు, నొప్పిని తగ్గించడంలో సహాయపడుతుంది. అంతే కాకుండా వేడి నీటి బాటిల్ లేదా వేడి నీటిలో ముంచిన టవల్ ను తీసుకుని దానిని నొప్పి ఉన్న ప్రదేశంలో ఉంచి 15-20 నిమిషాల పాటు మసాజ్ చేయాలి. ఇది కండరాలకు రక్త ప్రసరణను పెంచడంలో సహాయపడుతుంది.

పసుపు, పాలు :
ఒక గ్లాసు గోరువెచ్చని పాలు తీసుకోండి. అందులో ఒక చెంచా పసుపు వేయండి. మీకు కావాలంటే దీనికి కొంచెం తేనె, బెల్లం కూడా కలుపుకోవచ్చు., తద్వారా పాల రుచి మరింత మెరుగుపడుతుంది. రాత్రి పడుకునే ఈ పాలను తాగడం వల్ల మంచి ఫలితం ఉంటుంది. ఇది మీ కండరాలను రిలాక్స్ చేయడంతోపాటు వాపును తగ్గిస్తుంది. నొప్పి నుంచి విముక్తి కలిగిస్తుంది.

Also Read: నెయ్యి ఎవరు తినకూడదో తెలుసా ?

నూనెతో మర్దన:
2-3 టేబుల్ స్పూన్ల నూనె (ఆవాలు, కొబ్బరి లేదా నువ్వుల నూనె) తీసుకోండి. నూనెలో ఒక గిన్నెలో వేసి కాస్త వేడి చేయండి. ఇలా వేడి చేసిన గోరువెచ్చని నూనెతో నొప్పి ఉన్న ప్రాంతంలో నెమ్మదిగా మసాజ్ చేయండి. తేలికపాటి చేతులతో 10-15 నిమిషాలు మసాజ్ చేయడం ద్వారా ఇది కండరాలకు తక్షణ ఉపశమనం కలిగిస్తుంది. అంతే కాకుండా త్వరగా నొప్పిని కూడా తగ్గిస్తుంది.

రాత్రి పడుకునే ముందు ఈ ఆయిల్ తో నొప్పి ఉన్న చోట మసాజ్ చేయండి. ఈ మసాజ్ తర్వాత శరీరం రిలాక్స్‌గా మారుతుంది. రెగ్యులర్ ఆయిల్ మసాజ్ కండరాల బిగుతును తగ్గిస్తుంది. అంతే కాకుండా వెన్నునొప్పి నుంచి ఉపశమనం అందిస్తుంది. అంతే కాకుండా ఇది నడుము నొప్పిని తగ్గించడంలో చాలా బాగా పనిచేస్తుంది. నడుము నొప్పి ఎక్కువగా ఉన్నప్పుడు ఈ హోం రెమెడీస్ వాడటం వల్ల త్వరగా నొప్పి తగ్గేందుకు అవకాశాలు ఎక్కువగా ఉన్నాయి.

గమనిక: ఈ వివరాలు కేవలం మీ అవగాహన కోసమే. పలు పరిశోధనలు.. అధ్యయనాల్లో పేర్కొన్న అంశాలను ఇక్కడ యథావిధిగా అందించాం. డాక్టర్‌ను సంప్రదించిన తర్వాతే వీటిని పాటించాలి. ఇందులో పేర్కొన్న అంశాలకు ‘బిగ్ టీవీ’ ఎటువంటి బాధ్యత వహించదని గమనించగలరు.