Radish: ముల్లంగి తిన్న వెంటనే ఇవి తింటే చర్మ వ్యాధులు తప్పవు.. జాగ్రత్త!

Radish: ముల్లంగి ఆరోగ్యానికి ఎంతో మేలు చేస్తుంది. ఇందులో విటమిన్ సి, ఫైబర్, యాంటీ ఆక్సిడెంట్స్ పుష్కలంగా ఉంటాయి. అయితే.. ఆయుర్వేదం ప్రకారం కొన్ని ఆహార పదార్థాలను ముల్లంగితో కలిపి తీసుకోవడం వల్ల శరీరంలో టాక్సిన్స్ ఏర్పడే అవకాశం ఉంది. దీని వల్ల జీర్ణ క్రియ దెబ్బతినడమే కాకుండా.. చర్మ సమస్యలు కూడా తలెత్తుతాయి. అందుకే ముల్లంగిని తినేటప్పుడు కొన్ని కాంబినేషన్లకు దూరంగా ఉండాలి. ఇంతకీ ఆ ఆహార పదార్థాలు ఏంటో వివరంగా తెలుసుకుందాం.

ముల్లంగితో కలిపి అస్సలు తినకూడని 5 ఆహార పదార్థాలు:

ముల్లంగి తిన్నప్పుడు మన శరీరంలో వేడి పెరుగుతుంది. దీనికి విరుద్ధమైన స్వభావం ఉన్న ఆహారాలను కలిపి తీసుకుంటే అనారోగ్యం పాలయ్యే ప్రమాదం ఉంది. అవేంటంటే..

1. పాలు:

ముల్లంగి తిన్న వెంటనే లేదా ముల్లంగితో కలిపి పాలు తాగడం అత్యంత ప్రమాదకరం. ఆయుర్వేదం ప్రకారం.. ముల్లంగి, పాలు ఒకదానికొకటి విరుద్ధమైనవి. వీటిని కలిపి తీసుకోవడం వల్ల శరీరంలో అంతర్గత వేడి పెరిగి, తీవ్రమైన చర్మ వ్యాధులు, అలర్జీలు వచ్చే అవకాశం ఉంది. ముల్లంగి తిన్న తర్వాత కనీసం 2-3 గంటల వరకు పాలు లేదా పాల పదార్థాలను తీసుకోకూడదు.

2. పెరుగు:

చాలా మంది ముల్లంగి ముక్కలపై పెరుగు వేసుకుని తింటారు లేదా రాయితాలో ఉపయోగిస్తారు. కానీ ముల్లంగి, పెరుగు కలిపి తీసుకోవడం వల్ల జీర్ణ సంబంధిత సమస్యలు తలెత్తుతాయి. ఈ రెండింటి కలయిక వల్ల పొట్టలో గ్యాస్, ఎసిడిటీ, అజీర్ణం ఏర్పడుతుంది. ముఖ్యంగా.. శ్వాసకోశ సమస్యలు లేదా కీళ్ల నొప్పులు ఉన్నవారు ఈ కాంబినేషన్‌కు దూరంగా ఉండటం మంచిది.

3. దోసకాయ:

సలాడ్స్ అనగానే మనం దోసకాయ, ముల్లంగిని కలిపి కోసుకుంటాం. కానీ ఇది ఆరోగ్యానికి అంత మంచిది కాదు. దోసకాయలో విటమిన్ సి ని గ్రహించే ‘ఆస్కార్బినేట్’ అనే ఎంజైమ్ ఉంటుంది. ముల్లంగిలో విటమిన్ సి సమృద్ధిగా ఉంటుంది. ఈ రెండింటిని కలిపి తిన్నప్పుడు.. దోసకాయలోని ఎంజైమ్ ముల్లంగిలోని విటమిన్ సిని నాశనం చేస్తుంది. దీని వల్ల మీరు ఆశించిన పోషకాలు శరీరానికి అందవు.

4. నారింజ:

ముల్లంగి తిన్న వెంటనే నారింజ పండ్లు లేదా జ్యూస్ తాగడం వల్ల కడుపులో వికారం కలుగుతుంది. ఇది విషతుల్యంగా మారి జీర్ణకోశ గోడలపై ప్రభావం చూపే అవకాశం ఉంది. దీని వల్ల చర్మంపై దద్దుర్లు రావడం లేదా ఉదర సంబంధిత ఇన్ఫెక్షన్లు వచ్చే ప్రమాదం ఉంది.

Also Read: స్ట్రోక్ లక్షణాలను ముందే గుర్తించడం ఎలా? ఈ చిట్కాలతో ప్రాణాలను కాపాడొచ్చు !

5. క్యారెట్ :

ముల్లంగి, కాకరకాయ రెండూ వేడి చేసే గుణం కలిగినవే. ఈ రెండింటిని ఒకే సారి తీసుకోవడం వల్ల గుండెల్లో మంట, గ్యాస్ట్రిక్ సమస్యలు పెరుగుతాయి. అలాగే.. ఇది శ్వాస తీసుకోవడంలో ఇబ్బందిని కూడా కలిగించే ప్రమాదం కూడా ఉంటుంది. ముఖ్యంగా ఉబ్బసం లేదా శ్వాసకోశ సమస్యలు ఉన్నవారు ఈ కాంబినేషన్ విషయంలో జాగ్రత్తగా ఉండాలి.

ముల్లంగిని ఎలా తింటే మంచిది ?

ముల్లంగిని ఎప్పుడూ ఒంటరిగా లేదా ఉప్పు, నిమ్మరసం కలుపుకుని తింటే మంచిది.

ముల్లంగిని పచ్చిగా తినే కంటే, వండుకుని తినడం వల్ల అజీర్తి సమస్యలు తగ్గుతాయి.

రాత్రిపూట ముల్లంగి తినడం మానుకోండి, ఎందుకంటే ఇది జీర్ణం కావడానికి ఎక్కువ సమయం తీసుకుంటుంది.