స్నానం చేసేటప్పుడు జుట్టురాలిపోతోందా? నువ్వుల నూనెలో ఈ ఒక్కటి కలిపి పట్టిస్తే జుట్టుకి ఎంతో బలం

జుట్టు ఆరోగ్యంగా, దట్టంగా ఉండాలని ప్రతి ఒక్కరూ కోరుకుంటారు. అయితే ప్రస్తుతం చాలా మంది జుట్టు రాలడం, పలుచబడడం వంటి సమస్యలతో ఇబ్బంది పడుతున్నారు. అలాంటి వారికి ఆవాల నూనె మంచి సహజ పరిష్కారంగా పనిచేస్తుంది. ఆవాల నూనె జుట్టు కుదుళ్లను బలపరచి, వెంట్రుకలకు పోషణ అందిస్తుంది. సరైన పదార్థాలతో కలిపి వాడితే జుట్టు రాలడాన్ని తగ్గించడంలో సహాయపడుతుంది.

ఆవాల నూనె, ఉల్లిపాయ రసం మిశ్రమం

ఉల్లిపాయ రసంలో సల్ఫర్ ఎక్కువగా ఉంటుంది. ఇది కొల్లాజెన్ ఉత్పత్తిని పెంచి జుట్టు పెరుగుదలను ప్రోత్సహిస్తుంది. అలాగే జుట్టు కుదుళ్లను ఉత్తేజపరచి కొత్త వెంట్రుకలు రావడానికి సహాయపడుతుంది.
ఆవాల నూనెలో తాజా ఉల్లిపాయ రసం కలిపి బాగా మిశ్రమం తయారు చేయాలి. ఈ మిశ్రమాన్ని జుట్టు కుదుళ్ల నుంచి చివర్ల వరకు పట్టించాలి. సుమారు 30 నుంచి 40 నిమిషాలు అలాగే ఉంచి తర్వాత మైల్డ్ షాంపూతో తలస్నానం చేయాలి. వారానికి రెండు సార్లు ఇలా చేస్తే మంచి ఫలితాలు కనిపించవచ్చు.

ఆవాల నూనె, మందార పువ్వుల మిశ్రమం

మందార పువ్వులు జుట్టు ఆరోగ్యానికి ఎంతో ఉపయోగపడతాయి. ఇవి కేరటిన్ ఉత్పత్తిని పెంచి జుట్టును దట్టంగా, బలంగా మార్చడంలో సహాయపడతాయి. అలాగే కొత్త జుట్టు పెరుగుదలను కూడా ప్రోత్సహిస్తాయి.

తాజా మందార పువ్వులను మెత్తగా రుబ్బి పేస్ట్ తయారు చేసుకోవాలి. ఈ పేస్ట్‌ను ఆవాల నూనెలో కలిపి తలకు, జుట్టుకు పట్టించాలి. 40 నుంచి 45 నిమిషాల తర్వాత షాంపూతో శుభ్రం చేసుకోవాలి. ఈ పద్ధతిని వారానికి ఒకటి లేదా రెండు సార్లు పాటించవచ్చు.

ఆవాల నూనె, మెంతుల మిశ్రమం

మెంతుల్లో ప్రోటీన్, నికోటినిక్ యాసిడ్ సమృద్ధిగా ఉంటాయి. ఇవి జుట్టు కుదుళ్లకు పోషణ అందించి జుట్టు రాలడాన్ని తగ్గించడంలో సహాయపడతాయి. మెంతులను రాత్రంతా నీటిలో నానబెట్టాలి. ఉదయం వాటిని మెత్తగా రుబ్బి పేస్ట్ చేయాలి. ఈ పేస్ట్‌ను ఆవాల నూనెలో కలిపి తలకు అప్లై చేయాలి. 30 నుంచి 45 నిమిషాల తర్వాత షాంపూతో కడిగేయాలి. క్రమం తప్పకుండా వాడితే జుట్టు రాలడం తగ్గవచ్చు.

Also Read: వేసవిలో నీళ్లు తాగేటప్పుడు అందరూ చేసే తప్పులు.. దాహం తగ్గకపోవడానికి ఇవే కారణాలు

జుట్టు సంరక్షణలో గుర్తుంచుకోవాల్సిన విషయాలు

జుట్టు ఒక్కరోజులో పొడవుగా పెరగదు. క్రమం తప్పకుండా హెయిర్ కేర్ పాటిస్తేనే మంచి ఫలితాలు కనిపిస్తాయి. వారానికి ఒకటి లేదా రెండు సార్లు ఈ ఆవాల నూనె మిశ్రమాలను ఉపయోగించండి.

అదనంగా వారానికి ఒకసారి డీప్ కండిషనింగ్ హెయిర్ మాస్క్ వాడటం మంచిది. గుడ్డు మాస్క్ లేదా అలోవెరా మాస్క్ జుట్టుకు మంచి పోషణ అందిస్తాయి. అలాగే ప్రోటీన్, జింక్, ఐరన్, విటమిన్ బి12 అధికంగా ఉన్న ఆహారం తీసుకోవాలి.

జుట్టును చాలా టైట్‌గా కట్టకూడదు. ఇలా కట్టడం వల్ల వెంట్రుకలు బలహీనపడతాయి. తడి జుట్టును వెంటనే దువ్వకూడదు. ముఖ్యంగా నిటారుగా ఉండే జుట్టు పూర్తిగా ఆరిన తర్వాత మాత్రమే దువ్వడం మంచిది.