Raw milk: ముఖానికి పచ్చిపాలు రాస్తే చర్మం మెరిసిపోవడమే కాదు మురికి మొత్తం పోతుంది

ఇప్పుడు ఎంతోమంది అందమైన చర్మం కోసం ఖరీదైన క్రీములు, సీరమ్‌లు ఉపయోగిస్తున్నారు. కానీ మన ఇంట్లోనే సులభంగా దొరికే కొన్ని సహజ పదార్థాలు కూడా చర్మానికి చాలా మేలు చేస్తాయి. అలాంటి వాటిలో పచ్చిపాలు ఒకటి. చాలా మంది పెద్దలు పచ్చిపాలను ముఖానికి రాస్తే చర్మం మృదువుగా, మెరిసేలా మారుతుందని చెబుతుంటారు. పచ్చిపాలలో విటమిన్లు, ప్రోటీన్లు, లాక్టిక్ యాసిడ్ వంటి పోషకాలు ఉంటాయి. ఇవి చర్మాన్ని శుభ్రపరచడంలో, మెత్తగా చేయడంలో సహాయపడతాయి. అందుకే చాలా మంది పచ్చిపాలను సహజ స్కిన్ కేర్ టిప్‌గా ఉపయోగిస్తున్నారు.

ముఖం శుభ్రంగా..
పచ్చిపాలు ఒక మంచి నేచురల్ క్లెన్సర్‌గా పనిచేస్తాయి. ముఖంపై ఉండే దుమ్ము, మురికి, ఆయిల్‌ను తొలగించడంలో ఇవి సహాయపడతాయి. కొద్దిగా పచ్చిపాలను పత్తి ముక్కతో తీసుకుని ముఖంపై నెమ్మదిగా రాస్తే చర్మం శుభ్రంగా మారుతుంది. పచ్చిపాలలో ఉండే లాక్టిక్ యాసిడ్ చర్మాన్ని మెత్తగా చేయడంలో సహాయపడుతుంది. ఇది చర్మంలోని మృత కణాలను తొలగించి కొత్త కణాల పెరుగుదలకు సహకరిస్తుంది. దీంతో ముఖం మరింత మృదువుగా, తాజాగా కనిపిస్తుంది.

చర్మానికి తేమ
చాలా మందికి వేసవిలో లేదా చలికాలంలో చర్మం పొడిగా మారుతుంది. అలాంటి సమయంలో పచ్చిపాలను ముఖానికి రాస్తే చర్మానికి సహజమైన తేమ అందుతుంది. దీని వల్ల డ్రై స్కిన్ సమస్య కొంతవరకు తగ్గుతుంది. పచ్చిపాలు చర్మం రంగును కొద్దిగా మెరుగుపరచడంలో సహాయపడతాయని నిపుణులు చెబుతున్నారు. రెగ్యులర్‌గా ఉపయోగిస్తే చర్మం కాంతివంతంగా కనిపించవచ్చు.

Also read: Egg Pakoda: క్రిస్పీగా మూడు గుడ్లతో ఎగ్ పకోడా ఇలా చేసేయండి, రెసిపీ ఇదిగో

టాన్ పోతుంది
ఎండలో ఎక్కువగా తిరిగితే ముఖంపై టాన్ ఏర్పడుతుంది. పచ్చిపాలను రాయడం వల్ల ఆ టాన్ కొంతవరకు తగ్గే అవకాశం ఉంటుంది. అయితే ఇది వెంటనే ఫలితం ఇవ్వదు. కొంతకాలం క్రమంగా ఉపయోగించాలి.
పచ్చిపాలను చిన్న గిన్నెలో తీసుకుని దూదితో ముఖానికి రాయాలి. పావుగంట పాటూ అలాగే ఉంచి తర్వాత చల్లని నీటితో ముఖం కడగాలి. వారానికి రెండు లేదా మూడు సార్లు ఇలా చేస్తే మంచి ఫలితాలు కనిపించవచ్చు.

అయితే ప్రతి ఒక్కరి చర్మం ఒకేలా ఉండదు. కొందరికి పచ్చిపాలు రాసినప్పుడు అలర్జీ లేదా దద్దుర్లు వచ్చే అవకాశం ఉంటుంది. అందుకే ముందుగా చేతిపై కొద్దిగా రాసి పరీక్ష చేసి తర్వాత ముఖానికి ఉపయోగించడం మంచిది. మొత్తానికి పచ్చిపాలు ఒక సహజమైన స్కిన్ కేర్ చిట్కా అని చెప్పొచ్చు. సరైన విధంగా ఉపయోగిస్తే చర్మాన్ని శుభ్రంగా, మృదువుగా, కాంతివంతంగా ఉంచడంలో ఇవి సహాయపడతాయి. అయితే చర్మ సమస్యలు ఎక్కువగా ఉంటే డాక్టర్ సలహా తీసుకోవడం మంచిదని నిపుణులు సూచిస్తున్నారు.

Also read: Ashwagandha for Hair: అశ్వగంధ పొడిని ఇలా వాడారంటే జుట్టు పెరగడమే కాదు, ఊడదు కూడా

Share

• 
• 
• 
• 
• 
•