Awake Brain Mapping: మెదడులో క్యాన్సర్ గడ్డ ఉందని తెలియగానే ఎవరికైనా ఒక్కసారిగా గుండె ఆగినంత పనవుతుంది. ఆపరేషన్ చేసి ప్రాణాలు కాపాడటం ఒక ఎత్తయితే.. ఆ తర్వాత మనిషి మళ్లీ మామూలుగా మాట్లాడగలడా? తన పనులు తాను చేసుకోగలడా? అనే భయం కుటుంబ సభ్యులను వెంటాడుతూనే ఉంటుంది. దీనికి చెక్ పెట్టేలా డాక్టర్లకు ‘అవేక్ బ్రెయిన్ మ్యాపింగ్’ అనే పద్ధతి ఎంతో సహాయపడింది. అంటే.. ఆపరేషన్ జరుగుతున్నప్పుడే రోగిని నిద్రలేపి మాట్లాడిస్తూ చేసే చికిత్స అన్నమాట. అయితే, ఇప్పుడు ఈ విధానాన్ని మరింత మెరుగ్గా, రోగికి ఎలాంటి ఇబ్బంది లేకుండా చేసేలా కార్నెగీ మెలన్ యూనివర్సిటీ పరిశోధకులు ఓ అద్భుతమైన మార్గాన్ని కనుగొన్నారు. ఆ వివరాలేంటో ఇప్పుడు చూద్దాం..
చాలామందికి ఇది వినగానే ఆశ్చర్యంగా ఉండవచ్చు. ఈ పద్ధతిలో సర్జరీ జరుగుతుండగానే రోగిని నిద్రలేపుతారు. మెదడుకు నొప్పి తెలియదు కాబట్టి.. రోగికి ఎలాంటి ఇబ్బంది ఉండదు. డాక్టర్లు మెదడులోని కొన్ని భాగాలపై చిన్నపాటి ఎలక్ట్రికల్ సిగ్నల్స్ ఇస్తూ, రోగిని మాట్లాడమని లేదా బొమ్మలు చూపించి వాటి పేర్లు చెప్పమని అడుగుతారు. ఒకవేళ డాక్టర్ ఒక చోట సిగ్నల్ ఇచ్చినప్పుడు రోగి సరిగ్గా మాట్లాడలేకపోతే, ఆ భాగం చాలా కీలకమైనదని అర్థం చేసుకుని దాన్ని ముట్టుకోకుండా వదిలేస్తారు.
Also Read: శాఖాహారం తీసుకుంటే క్యాన్సర్ రాదా? 16 ఏళ్ల పరిశోధనలో తేలిన షాకింగ్ విషయాలు!
ఇప్పటివరకు డాక్టర్లు రోగి సమాధానం చెప్పగలుగుతున్నాడా లేదా అనేది మాత్రమే చూసేవారు. కానీ తాజా రీసెర్చ్ ప్రకారం.. రోగి ఎంత వేగంగా సమాధానం చెప్పాడు? మాటలో ఏవైనా మార్పులు ఉన్నాయా? అనేది కూడా గమనించాలి. సమాధానం కరెక్ట్గా చెప్పినా అది కొంచెం ఆలస్యంగా వస్తే, అక్కడ కూడా జాగ్రత్తగా ఉండాలని అర్థం. ఈ చిన్న చిన్న మార్పులను గమనిస్తే ఆపరేషన్లో 100% విజయం సాధించినట్టే.
ఒక్కొక్కరి మెదడు ఒక్కోలా పనిచేస్తుంది. అందుకే అందరికీ ఒకే రకమైన పద్ధతి పనికిరాదు. రోగికి ఏది అత్యవసరమో దాన్ని బట్టి మెదడులోని ఆ భాగాలను చాలా జాగ్రత్తగా కాపాడవచ్చు. మైండ్ట్రేస్ అనే కొత్త సాఫ్ట్వేర్ సాయంతో డాక్టర్లు ఆపరేషన్ థియేటర్లోనే ఎప్పటికప్పుడు నిర్ణయాలు తీసుకునే అవకాశం ఉంది. తద్వారా క్యాన్సర్ గడ్డను తొలగించడంతో పాటు, రోగి తన పాత జీవితాన్ని మళ్లీ సంతోషంగా గడపడానికి మార్గం సుగమం అవుతుంది.
Also Read: కాఫీ కంటే రాగి జావ ఎంత మంచిదే తెలిస్తే ఆశ్చర్యపోతారు!
Share
Cellecor Appliances 2026: దేశీయ కంపెనీ నుంచి.. అధునాతన ఏసీలు, కూలర్లు, ఫ్యాన్లు లాంచ్.. ధర, ఫీచర్లు ఇవే!
Driving Licence: 5 నిమిషాల్లోనే డ్రైవింగ్ లైసెన్స్.. ఔనా? నిజమా?
