Sprouts: మొలకలు తినడం వల్ల ఆరోగ్య సమస్యలు దూరమవుతుందన్న విషయం తెలిసిందే. అంతేకాదు.. మొలకలు తింటే బరువు తగ్గడంలోనూ సహాయపడుతుంది. మొలకల్లో విటమిన్ బి కాంప్లెక్స్, విటమిన్ సి, విటమిన్ ఎ, ప్రోటీన్ వంటి అనేక ఇతర పోషకాలు సమృద్ధిగా ఉంటాయి. ఈ క్రమంలో బరువు తగ్గాలనుకునే వారికి, అధిక రక్తపోటు, గుండె జబ్బులు, మధుమేహం వంటి అనేక అనారోగ్య సమస్యలు ఉన్నవారికి ఈ మొలకలు మంచి బూస్ట్‌గా పనిచేస్తుంది. నిపుణుల ప్రకారం రోజూ మొలకెత్తిన పెసర్లు తీసుకోవడం ద్వారా బరువును సమర్థవంతంగా నియంత్రించుకోవచ్చు చెబుతున్నారు. అయితే, ఏ సమయంలో తీసుకుంటే మేలు జరుగుతుందో ఇప్పుడు తెలుసుకుందాం.
మొలకెత్తిన పెసర్లను పోషకాల గనిగా చెప్పవచ్చు. ఇందులో ప్రొటీన్, ఫైబర్‌తో పాటు విటమిన్ ఎ, సి, బి కాంప్లెక్స్ వంటి ముఖ్యమైన విటమిన్లు ఉంటాయి. అందుకే మొలకెత్తిన పెసర్లను ఆహారంలో భాగం చేసుకోవడం వల్ల ఎన్నో ఆరోగ్య ప్రయోజనాలు కలుగుతాయి. పెసర్లలో కేలరీలు చాలా తక్కువ. అంతేకాదు.. ఇందులో ఉండే అధిక ఫైబర్, ప్రోటీన్ కడుపు నిండిన భావనను ఎక్కువసేపు ఉంచుతాయి. దీనివల్ల ఆకలి తగ్గి, ఆహారం తక్కువగా తీసుకుంటారు, తద్వారా బరువు తగ్గే ప్రక్రియ వేగవంతం అవుతుంది. అధిక ఫైబర్ ఉండటం వలన ఇది జీర్ణవ్యవస్థ పనితీరును మెరుగుపరచి, జీర్ణ సంబంధిత సమస్యలను దూరం చేస్తుంది. అంతేకాకుండా, ఈ మొలకలను తరచూ తీసుకోవడం వలన చర్మానికి మేలు జరిగి, చర్మ సమస్యలు కూడా తగ్గుతాయి.
మొలకెత్తిన పెసర్లను ముఖ్యంగా ఉదయం బ్రేక్‌ఫాస్ట్‌ తర్వాత తీసుకోవడం ఉత్తమం. రాత్రి భోజనంలో వీటిని తీసుకోవడం మంచిది కాదని నిపుణులు చెబుతున్నారు. మొలకెత్తిన పెసర్లను నేరుగా తినవచ్చు లేదా వాటికి కొద్దిగా నిమ్మరసం, నల్ల ఉప్పు, మిరియాల పొడి కలిపి రుచికరమైన సలాడ్‌గానూ తయారు చేసుకుని తినొచ్చు. కూరగాయలు లేదా ఇతర సలాడ్లలో కూడా వీటిని కలుపుకోవచ్చు. బరువు తగ్గాలనుకునేవారు వీటిని రోజువారీ ఆహారంలో తప్పనిసరిగా చేర్చుకోవాలని నిపుణులు సూచిస్తున్నారు.
Share
Mahesh Kumar Goud: వారికే టాప్ ప్రయారిటీ.. మా గెలుపుకు కారణాలు ఇవే.!
Prashant Kishore: వ్యూహకర్తకు ఊహించని షాక్.. పీకేను లెక్కచేయని బీహార్ ఓటర్లు
