Brain Tumor: మెదడులోని కణాలు అసాధారణంగా, అనియంత్రితంగా పెరగడాన్నే బ్రెయిన్ ట్యూమర్ అని పిలుస్తారు. ఇది వినడానికి భయానకంగా అనిపించినప్పటికీ.. అన్ని ట్యూమర్లు క్యాన్సర్ కారకాలు కావు. వీటిలో కొన్ని ప్రాణాంతకమైనవి ఉంటే.. మరికొన్ని ప్రాణాపాయం లేనివి ఉంటాయి. తరచుగా వచ్చే తలనొప్పి, దృష్టి లోపం, మూర్ఛలు లేదా ప్రవర్తనలో మార్పులు వంటి లక్షణాలను నిర్లక్ష్యం చేయకూడదు. వీటిని తొలి దశలోనే గుర్తించి విజయవంతంగా చికిత్స పొందే అవకాశం ఉంది. సరైన అవగాహన కలిగి ఉండటం , సమయానికి డాక్టర్‌ని సంప్రదించడమే మన మెదడు ఆరోగ్యాన్ని కాపాడుకోవడానికి మొదటి మెట్టు. ఈ వ్యాసం ద్వారా బ్రెయిన్ ట్యూమర్ లక్షణాలు, రకాలు, అందుబాటులో ఉన్న ఆధునిక చికిత్సల గురించి పూర్తి వివరాలు తెలుసుకుందాం.
బ్రెయిన్ ట్యూమర్ మరణానికి కారణమవుతుందా?
అవును, బ్రెయిన్ ట్యూమర్లు మరణానికి కారణం కావచ్చు. అయితే.. అన్ని ట్యూమర్లు ప్రాణాంతకం కావు. ట్యూమర్లలో ప్రధానంగా రెండు రకాలు ఉంటాయి.
బెనైన్ : ఇవి క్యాన్సర్ లేని కణతులు. ఇవి నెమ్మదిగా పెరుగుతాయి. కానీ.. ఇవి మెదడులోని ముఖ్యమైన భాగాలపై ఒత్తిడి పెంచితే ప్రమాదకరంగా మారవచ్చు.
మెలిగ్నెంట్ : ఇవి క్యాన్సర్ కణతులు. ఇవి వేగంగా వ్యాపిస్తాయి. మెదడు కణజాలాన్ని నాశనం చేస్తాయి. ఇవి ప్రాణాపాయానికి ప్రధాన కారణం.
మెదడు పుర్రెతో ఆవరించబడి ఉంటుంది. అక్కడ అదనంగా ఏ చిన్న కణితి పెరిగినా,.. అది మెదడుపై తీవ్రమైన ఒత్తిడిని కలిగిస్తుంది. ఇది ప్రాణాధారమైన శ్వాసక్రియ, రక్తపోటు వంటి వ్యవస్థలను దెబ్బతీసి మరణానికి దారితీయవచ్చు.
ముఖ్యమైన లక్షణాలు :
ట్యూమర్ ఉన్న చోటును బట్టి లక్షణాలు మారుతుంటాయి. సాధారణంగా కనిపించేవి..
తీవ్రమైన తలనొప్పి: ముఖ్యంగా ఉదయం పూట ఎక్కువగా ఉండటం, వాంతులు అవ్వడం.
ఫిట్స్ : గతంలో లేని విధంగా అకస్మాత్తుగా ఫిట్స్ రావడం.
జ్ఞాపకశక్తి కోల్పోవడం: ఆలోచనా శక్తి తగ్గడం, ప్రవర్తనలో మార్పులు.
దృష్టి సమస్యలు: చూపు మసకబారడం లేదా వస్తువులు రెండుగా కనిపించడం.
బ్యాలెన్స్ తప్పడం: నడిచేటప్పుడు అదుపు తప్పడం, చేతులు లేదా కాళ్ళు బలహీనపడటం.
ప్రమాద కారకాలు:
బ్రెయిన్ ట్యూమర్ రావడానికి ఖచ్చితమైన కారణం తెలియనప్పటికీ.. కొన్ని అంశాలు దీనికి దోహదపడతాయి.
రేడియేషన్: ఎక్స్-రేలు లేదా ఇతర రేడియేషన్ చికిత్సలకు గురికావడం.
వంశపారంపర్యం: కుటుంబంలో ఎవరికైనా జెనెటిక్ సమస్యలు ఉండటం.
వయస్సు: వయస్సు పెరిగే కొద్దీ రిస్క్ పెరుగుతుంది. కానీ కొన్ని రకాలు పిల్లల్లో కూడా కనిపిస్తాయి.
Also Read: ఈ ఆరోగ్య సమస్యలు ఉన్న వారు పొరపాటున కూడా మఖానా తినొద్దు
అందుబాటులో ఉన్న చికిత్సలు:
ప్రస్తుతం అధునాతన చికిత్సలు అందుబాటులోకి వచ్చాయి.
సర్జరీ :ట్యూమర్‌ను వీలైనంత వరకు తొలగించడం. మెదడులోని సున్నితమైన భాగాలకు హాని కలగకుండా దీనిని చేస్తారు.
రేడియేషన్ థెరపీ:అధిక శక్తి కలిగిన కిరణాలను ఉపయోగించి ట్యూమర్ కణాలను నాశనం చేయడం.
కీమోథెరపీ:మందుల ద్వారా క్యాన్సర్ కణాలను చంపడం.
టార్గెటెడ్ థెరపీ: కేవలం క్యాన్సర్ కణాలను మాత్రమే లక్ష్యంగా చేసుకుని పనిచేసే మందులు.
Share
Siddipet Crime: అనుమానం వెంటాడింది.. భార్యని కత్తితో పొడిచి చంపిన భర్త, కూతురిపై దాడి
VinFast Electric Cars: విన్ ఫాస్ట్ నుంచి 3 కొత్త కార్లు, ఇంతకీ వాటి ప్రత్యేకత ఏటంటే?
