టమాటా సైజును బట్టి ఆరోగ్య ప్రయోజనాలుంటాయా? నిపుణులు ఏమంటున్నారంటే..!

Cherry Vs Heritage Tomatoes: సాధారణంగా సలాడ్స్ అనగానే మనకు ముందుగా గుర్తొచ్చేది టమాటాలు. అయితే మార్కెట్లో లభించే అన్ని రకాల టమాటాలూ ఒకేలా ఉండవు. చిన్నగా ఉండే చెర్రీ టమాటాల నుండి పెద్ద పరిమాణంలో ఉండే హెరిటేజ్, విట్టెమోర్ రకాల వరకు ఎన్నో ఉన్నాయి. కానీ, వీటిలో ఏది ఆరోగ్యానికి ఎక్కువ మంచిదో తెలుసా? నిపుణుల అభిప్రాయం ప్రకారం.. చిన్నగా ఉండే చెర్రీ టమాటాలే మన శరీరానికి ఎక్కువ మేలు చేస్తాయట.

అసలు రహస్యం తొక్కలోనే:

పోషకాహార నిపుణులు ప్రకారం.. టమాటాల్లో ‘లైకోపీన్’ అనే శక్తివంతమైన యాంటీఆక్సిడెంట్ ఉంటుంది. ఇది టమాటాలకు ఎరుపు రంగును ఇవ్వడమే కాకుండా.. గుండె ఆరోగ్యాన్ని మెరుగుపరచడానికి, కొన్ని రకాల క్యాన్సర్ల నుండి రక్షణ కల్పించడానికి సహాయపడుతుంది. అయితే, టమాటా లోపల ఉండే గుజ్జు కంటే దాని తొక్క భాగంలోనే ఈ పోషకాలు ఎక్కువగా ఉంటాయని నిపుణులు అంటున్నారు.

చెర్రీ టమాటాల ప్రత్యేకత:

చెర్రీ టమాటాలు పరిమాణంలో చిన్నవిగా ఉండటం వల్ల.. వాటిలో గుజ్జు కంటే తొక్క నిష్పత్తి ఎక్కువగా ఉంటుంది. సూర్యరశ్మి, పర్యావరణ ప్రభావాలకు నేరుగా గురయ్యే తొక్క భాగంలోనే ఫైబర్, పాలిఫెనాల్స్, ఫ్లేవనాయిడ్స్ వంటి యాంటీఆక్సిడెంట్లు పుష్కలంగా ఉంటాయి. మనం పెద్ద టమాటాతో పోలిస్తే.. ఒకేసారి నాలుగైదు చెర్రీ టమాటాలను తింటాం కాబట్టి, మన శరీరానికి ఎక్కువ మొత్తంలో తొక్క ద్వారా లభించే పోషకాలు అందుతాయి.

Also Read: షుగర్ లేదు కదా అని గుడ్డిగా తాగుతున్నారా? ఈ తేడాలు తెలుసుకోకపోతే క్యాన్సర్ ముప్పు తప్పదు!

పెద్ద టమాటాలు తక్కువ తింటే నష్టమా?

పెద్ద సైజులో ఉండే హెరిటేజ్ లేదా బీఫ్ టమాటాలు ఆరోగ్యానికి చెడ్డవని కాదు. వాటిలోనూ పోషకాలు ఉంటాయి. కానీ ప్రతి గ్రాము లెక్కన చూసుకుంటే చెర్రీ టమాటాల నుండి మనకు లభించే రక్షణ కవచం కాస్త ఎక్కువ. ఈ చిన్న తేడానే ఒకదానిని మరొకదాని కంటే మెరుగైన ఆరోగ్య ఎంపికగా మారుస్తుంది.

టమాటా మొక్కల సంరక్షణ ఎలా?

టమాటాలను ఇంట్లోనే పెంచేవారికి కొన్ని సమస్యలు ఎదురవుతుంటాయి. ముఖ్యంగా బ్లూసమ్-ఎండ్ రాట్ (కుళ్లిపోవడం), కాయలు పగలడం, బ్లైట్ తెగులు వంటివి మొక్కలను పాడుచేస్తాయి. ప్రముఖ గార్డెనింగ్ నిపుణుడు మాంటీ డాన్ దీనికి కొన్ని సులభమైన చిట్కాలను పంచుకున్నారు.

తెగుళ్ల నుండి రక్షణ పొందాలంటే?

జులై చివరి నాటికి వాతావరణంలో తేమ, వేడి పెరగడం వల్ల ‘బ్లైట్’ అనే ఫంగస్ తెగులు వచ్చే ప్రమాదం ఎక్కువగా ఉంటుంది. దీని నుండి టమాటా మొక్కలను కాపాడుకోవడానికి మొక్కల చుట్టూ గాలి బాగా ఆడేలా చూసుకోవాలి. అలాగే కాయలు ఎదుగుతున్న కొద్దీ కింద ఉండే ఆకులను కత్తిరించడం వల్ల మొక్క ఆరోగ్యంగా ఉంటుందని సూచించారు.

Also Read: ఉప్పుకు ప్రత్యామ్నాయంగా పుట్టిన వంటకం.. అస్సామీల సాంప్రదాయ ‘కోలాఖార్’ రుచి చూశారా?