మీ జుట్టు పలుచగా, ఫ్లాట్‌గా ఉందా? ఒత్తుగా, బౌన్సీ హెయిర్‌ లుక్ కోసం ఈ టిప్స్

hair care tips for thin flat hair| పలుచగా, ఫ్లాట్‌గా ఉండే జుట్టు వల్ల చాలా మంది ఆత్మవిశ్వాసం లోపిస్తుంది. వారు కాన్ఫిడెంట్‌గా కనిపించరు. జుట్టు నిర్జీవంగా ఉండడం వల్ల వారికి ప్రతిరోజు ఇబ్బంది కలుగుతుంది. కానీ కొన్ని సులభమైన హెయిర్ కేర్ చిట్కాలతో సహజంగానే జుట్టు దట్టంగా, బౌన్సీగా కనిపించేలా చేయవచ్చు. హెయిర్ స్టైల్ నిపుణులు సూచించే స్మార్ట్ స్టైలింగ్, మంచి అలవాట్లు ఇందుకు ఉపయోగపడతాయి.

సరైన హెయిర్ కట్ ఎంచుకోండి

జుట్టు ఎంత దట్టంగా కనిపిస్తుందో హెయిర్ కట్ మీద ఆధారపడి ఉంటుంది. లేయర్స్‌గా చేస్తే జుట్టుకు కదలిక, సహజ వాల్యూమ్ ఇస్తాయి. ఫెదర్ కట్, సాఫ్ట్ లేయర్లు జుట్టును దట్టంగా చూపిస్తాయి. చాలా పొడవైన జుట్టు పలుచగా కనిపిస్తుంది. భుజం వరకు ఉండే స్టైల్స్ జుట్టును బౌన్సీగా మారుస్తాయి. బ్లంట్ కట్ కూడా జుట్టు దట్టంగా అనిపించేలా చేస్తుంది.

తేలికపాటి షాంపూ, కండీషనర్ ఉపయోగించండి

హెవీ షాంపూ, కండీషనర్లు పలుచని జుట్టును ఆయిలీగా, ఫ్లాట్‌గా చేస్తాయి. సల్ఫేట్ లేని వాల్యూమైజింగ్ షాంపూలు ఉపయోగించండి. తేలికపాటి కండీషనర్ జుట్టును మెత్తగా ఉంచుతుంది కానీ వాల్యూమ్ తగ్గకుండా చూస్తుంది. కండీషనర్‌ను జుట్టు చివరి భాగంలో మాత్రమే వాడండి. స్కాల్ప్ మీద పూయకండి.

జుట్టును తలకిందులుగా డ్రై చేయండి

జుట్టును తలక్రిందులుగా బ్లో డ్రై చేయడం వల్ల కుదుళ్ల వద్ద తక్షణం లిఫ్ట్ వస్తుంది. ఇది జుట్టుకు సహజ బౌన్స్ ఇస్తుంది. రౌండ్ బ్రష్ ఉపయోగించి డ్రై చేయండి. జుట్టు పూర్తిగా చల్లబడిన తర్వాత మాత్రమే తాకండి. ఇలా చేస్తే వాల్యూమ్ ఎక్కువసేపు ఉంటుంది.

డ్రై షాంపూ ఉపయోగించండి

డ్రై షాంపూ స్కాల్ప్‌లోని అదనపు నూనెను పీల్చేసి రూట్స్‌ను లేవనెత్తుతుంది. ఫ్లాట్ జుట్టు ఉన్నవారికి ఇది చాలా ఉపయోగకరం. చిన్న మోతాదులో వాడండి. ఎక్కువ వాడితే జుట్టు గట్టిగా అనిపించవచ్చు.

జుట్టు పార్టింగ్ మార్చండి

ఎప్పుడూ ఒకే వైపు పార్టింగ్ పెట్టడం వల్ల రూట్స్ ఫ్లాట్‌గా అయిపోతాయి. పార్టింగ్ మార్చడం వల్ల తక్షణం వాల్యూమ్ వస్తుంది. సైడ్ పార్టింగ్ జుట్టును దట్టంగా చూపిస్తుంది.

భారీ ఆయిల్స్, సీరమ్స్ వద్దు

ఎక్కువ నూనె, భారీ సీరమ్స్ పలుచని జుట్టును ఫ్లాట్‌గా చేస్తాయి. తేలికపాటి ఆయిల్స్ మాత్రమే అరుదుగా వాడండి. కుదుళ్ల దగ్గర నూనె పూయకండి.

ఆరోగ్యకరమైన ఆహారం తీసుకోండి

జుట్టు ఆరోగ్యం ఆహారంపై ఆధారపడి ఉంటుంది. ప్రోటీన్ ఎక్కువగా ఉండే ఆహారాలు (గుడ్లు, నట్స్, పప్పులు, పాలు, ఆకు కూరలు) తినండి. తగినంత నీళ్లు తాగండి.

స్కాల్ప్ మసాజ్ చేయండి

స్కాల్ప్‌ను మెత్తగా మసాజ్ చేయడం వల్ల రక్తప్రసరణ మెరుగుపడి జుట్టు ఆరోగ్యం మెరుగవుతుంది. వారంలో ఒకటి రెండు సార్లు చేయండి.

Also Read: చిన్న వయసులోనే ముసలితనం లక్షణాలు.. ఈ ఆహారాలు తినడమే కారణం

నిద్రపోయేటప్పుడు జుట్టు స్టైల్

టైట్‌గా కట్టకుండా లూజ్ జడ లేదా బన్ పెట్టుకొని నిద్రపోండి. ఇది ఉదయానికి జుట్టుకు సహజ వాల్యూమ్ ఇస్తుంది.

స్కాల్ప్‌ను శుభ్రంగా ఉంచండి

మురికి స్కాల్ప్ వల్ల జుట్టు వాల్యూమ్ తగ్గుతుంది. స్కాల్ప్ రకానికి తగ్గట్టు జుట్టు కడగండి.

Share

• 
• 
• 
• 
• 
•