Fruits: ఒంట్లో సహజంగానే రక్తం పెరగాలంటే.. ఈ పండ్లు తప్పక తినండి

Fruits: నేటి ఉరుకుల పరుగుల జీవితంలో సరైన పోషకాహారం తీసుకోకపోవడం వల్ల చాలామంది రక్తహీనత బారిన పడుతున్నారు. ముఖ్యంగా మహిళలు, పిల్లలలో ఈ సమస్య అధికంగా కనిపిస్తుంది. శరీరంలో హిమోగ్లోబిన్ స్థాయిలు తగ్గితే నీరసం, అలసట ఆవహిస్తాయి. అయితే, కేవలం ఐరన్ టాబ్లెట్లు వాడటమే కాకుండా.. ప్రకృతి సిద్ధంగా లభించే పండ్ల ద్వారా దీనిని అరికట్టవచ్చు. ఐరన్ గ్రహణ శక్తిని పెంచే విటమిన్ C, ఐరన్ సమృద్ధిగా ఉండే 7 పండ్ల కాంబినేషన్లు మీ రక్తాన్ని శుద్ధి చేసి, హిమోగ్లోబిన్‌ను పెంచుతాయి.

కేవలం ఐరన్ ఉన్న పండ్లు తింటే సరిపోదు. ఆ ఐరన్ శరీరానికి అందాలంటే విటమిన్ C అవసరం. ఈ రెండింటి కలయికతో కూడిన 7 అద్భుతమైన ఫ్రూట్స్ ఇవే..

1. దానిమ్మ, నారింజ:
దానిమ్మలో ఐరన్, కాల్షియం, మెగ్నీషియం పుష్కలంగా ఉంటాయి. నారింజలో విటమిన్ C అధికం. మీరు దానిమ్మ గింజలను నారింజ రసంతో కలిపి తీసుకుంటే.. దానిమ్మలోని ఐరన్ మీ రక్తంలో త్వరగా చేరుతుంది. ఇది రోగనిరోధక శక్తిని కూడా పెంచుతుంది.

2. సీతాఫలం, జామకాయ:
సీతాఫలంలో ఐరన్, రాగి అధికంగా ఉంటాయి, ఇవి ఎర్ర రక్త కణాల ఉత్పత్తికి సహాయపడతాయి. జామకాయ విటమిన్ C కి పెట్టింది పేరు. ఈ రెండింటినీ కలిపి తీసుకోవడం వల్ల రక్తహీనత త్వరగా తగ్గుతుంది.

3. ఎండు ద్రాక్ష, నిమ్మరసం:
ఎండు ద్రాక్షలో (ముఖ్యంగా నల్ల ద్రాక్ష) ఐరన్ సాంద్రత ఎక్కువ. రాత్రిపూట నానబెట్టిన ఎండు ద్రాక్షపై కొద్దిగా నిమ్మరసం చల్లుకుని ఉదయాన్నే తీసుకుంటే, విటమిన్ C ప్రభావంతో ఐరన్ శోషణ అద్భుతంగా జరుగుతుంది.

4. అంజీర , కివీ:
అంజీర పండ్లు రక్తహీనతకు పవర్ హౌస్ వంటివి. ఇందులో ఐరన్ చాలా ఎక్కువ. కివి పండులో విటమిన్ C, యాంటీ ఆక్సిడెంట్స్ ఉంటాయి. ఈ కాంబో మీ శరీరానికి తక్షణ శక్తిని ఇస్తుంది.

5. పుచ్చకాయ, స్ట్రాబెర్రీ:
పుచ్చకాయలో కేవలం నీరు మాత్రమే కాదు, ఐరన్ కూడా ఉంటుంది. స్ట్రాబెర్రీలలో విటమిన్ C పుష్కలంగా ఉంటుంది. వేసవిలో ఈ రెండింటినీ సలాడ్ లాగా తీసుకోవడం వల్ల శరీరం హైడ్రేటెడ్‌గా ఉండటమే కాకుండా రక్తం కూడా పెరుగుతుంది.

6. ఖర్జూరం, ఉసిరి:
ఖర్జూరాలలో ఐరన్ సమృద్ధిగా ఉంటుందని మనందరికీ తెలుసు. అయితే ఉసిరిలో ప్రపంచంలోనే అత్యధిక విటమిన్ C ఉంటుంది. ప్రతిరోజూ రెండు ఖర్జూరాలు తిని, ఒక గ్లాసు ఉసిరి రసం తాగితే హిమోగ్లోబిన్ స్థాయిలు వేగంగా మెరుగుపడతాయి.

7. ఆపిల్ ,ప్లమ్స్:
“An apple a day keeps the doctor away” అన్నట్టు, ఆపిల్‌లో ఐరన్ ఉంటుంది. ప్లమ్ పండ్లలో విటమిన్ C, ఫైబర్ ఉంటాయి. ఇవి జీర్ణక్రియను మెరుగుపరుస్తూనే రక్తవృద్ధికి సహకరిస్తాయి.

రక్తహీనతను నివారించడం అంటే కేవలం మందులు మింగడం కాదు, మన ఆహారపు అలవాట్లలో చిన్న చిన్న మార్పులు చేసుకోవడం. పైన పేర్కొన్న పండ్ల కాంబినేషన్లను క్రమం తప్పకుండా తీసుకోవడం ద్వారా సహజ సిద్ధంగా ఆరోగ్యాన్ని పొందవచ్చు. అయితే.. దీర్ఘకాలిక సమస్యలు ఉన్నవారు డాక్టర్ సలహా తీసుకోవడం ఉత్తమం.

Share

• 
• 
• 
• 
• 
•