Gastric Problems: అసమతుల్య ఆహారపు అలవాట్లు, సమయానికి భోజనం చేయకపోవడం, మితిమీరిన ఒత్తిడి వల్ల చాలామంది ‘గ్యాస్ట్రిక్’ సమస్యతో బాధపడుతుంటారు. కడుపులో మంట, ఉబ్బరం, తేన్పులు , అజీర్ణం వంటి లక్షణాలు మనల్ని రోజంతా అసౌకర్యానికి గురిచేస్తాయి. ప్రతి చిన్న సమస్యకు ఇంగ్లీష్ మందులు వాడటం కంటే.. మన పూర్వీకులు సూచించిన ఆయుర్వేద చిట్కాలు అద్భుతంగా పనిచేస్తాయి. జీర్ణక్రియను మెరుగుపరిచి గ్యాస్ సమస్యను తరిమికొట్టే పవర్ ఫుల్ హోమ్ రెమెడీస్ ఇప్పుడు చూద్దాం.
గ్యాస్ట్రిక్ సమస్యలకు 6 హోం రెమెడీస్:
1. వాము:
గ్యాస్ సమస్యకు వాము ఒక అద్భుతమైన మందు. ఇందులో ఉండే ‘థైమోల్’ అనే సమ్మేళనం జీర్ణరసాలను వేగంగా విడుదల చేయడంలో సహాయ పడుతుంది.
ఎలా వాడాలి: అర టీస్పూన్ వామును కొద్దిగా ఉప్పుతో కలిపి నమిలి గోరు వెచ్చని నీటిని తాగాలి. లేదా ఒక గ్లాసు నీటిలో వాము వేసి మరిగించి ఆ కషాయాన్ని తాగితే తక్షణ ఉపశమనం కలుగుతుంది.
2. అల్లం :
అల్లం సహజంగానే.. జీర్ణక్రియను వేగవంతం చేస్తుంది.ఇందులో యాంటీ ఇన్ఫ్లమేటరీ గుణాలు మెండుగా ఉంటాయి.
ఎలా వాడాలి: భోజనం చేసిన తర్వాత చిన్న అల్లం ముక్కను నమలడం లేదా అల్లం టీ తాగడం వల్ల కడుపు ఉబ్బరం తగ్గుతుంది.గ్యాస్ వల్ల వచ్చే కడుపు నొప్పికి ఇది మంచి పరిష్కారం.
3. జీలకర్ర నీరు :
జీలకర్ర లాలాజల గ్రంథులను ఉత్తేజితం చేసి ఆహారం త్వరగా జీర్ణమయ్యేలా చేస్తుంది.
ఎలా వాడాలి: ఒక గ్లాసు నీటిలో ఒక చెంచా జీలకర్ర వేసి ఐదు నిమిషాలు మరిగించాలి. ఈ నీటిని వడకట్టి గోరువెచ్చగా ఉన్నప్పుడు తాగాలి. ప్రతిరోజూ ఉదయం పరగడపున ఇది తాగితే గ్యాస్ సమస్య శాశ్వతంగా దూరమవుతుంది.
4. ఇంగువ :
పురాతన కాలం నుంచి గ్యాస్ట్రిక్ సమస్యలకు ఇంగువను ఒక దివ్యౌషధంగా వాడుతున్నారు. ఇది కడుపులోని గ్యాస్ను సులభంగా బయటకు పంపుతుంది.
ఎలా వాడాలి: చిటికెడు ఇంగువను గోరు వెచ్చని నీటిలో కలిపి తాగాలి. చిన్న పిల్లలకు కడుపు ఉబ్బరంగా ఉంటే.. కొద్దిగా ఇంగువను నీటిలో కలిపి బొడ్డు చుట్టూ రాస్తే త్వరగా ఉపశమనం లభిస్తుంది.
Also Read: జామ పండు కంటే ఆకులే శక్తివంతం.. ఎందుకో తెలుసా ?
5. పుదీనా :
పుదీనాలో ఉండే మెంథాల్ జీర్ణనాళంలోని కండరాలను రిలాక్స్ చేస్తుంది. దీని వల్ల గ్యాస్ సులభంగా వెళ్ళిపోతుంది.
ఎలా వాడాలి: పుదీనా ఆకులను నేరుగా నమలవచ్చు లేదా పుదీనా రసాన్ని ఒక గ్లాసు నీటిలో కలిపి తాగవచ్చు. ఇది కడుపులో మంటను కూడా తగ్గిస్తుంది.
6. బేకింగ్ సోడా, నిమ్మరసం:
తక్షణమే గ్యాస్ నుంచి ఉపశమనం కావాలంటే.. ఇది ఒక ఎఫెక్టివ్ చిట్కా. ఇది సహజ సిద్ధమైన ‘ఈనో’ లా పనిచేస్తుంది.
ఎలా వాడాలి: ఒక గ్లాసు నీటిలో అర చెంచా బేకింగ్ సోడా, ఒక నిమ్మకాయ రసం కలిపి తాగాలి. అయితే.. బీపీ ఉన్నవారు సోడా వాడే ముందు జాగ్రత్తగా ఉండాలి.
Share
కళ్ళముందే మాయమైన కొడుకు... ఓటీటీ చరిత్రలోనే అత్యంత భారీ విజయాన్ని అందుకున్న జర్మన్ యాక్షన్ థ్రిల్లర్
లోయలో పడిన ట్రావెల్ వాహనం.. స్పాట్లో 22 మంది, కుల్లు ప్రాంతంలో ఘటన
