Food for Air Pollution: ప్రస్తుత కాలంలో వాయు కాలుష్యం అనేది కేవలం నగరాలకే పరిమితం కాలేదు. గాలిలో కలిసే పీఎం 2.5 (PM 2.5) వంటి సూక్ష్మ కణాలు మన శ్వాస ద్వారా ఊపిరితిత్తుల్లోకి చేరి రక్తాన్ని కూడా కలుషితం చేస్తున్నాయి. దీనివల్ల ఆస్తమా, బ్రోన్కైటిస్ , గుండె సంబంధిత వ్యాధులు పెరుగుతున్నాయి. బయట కాలుష్యాన్ని మనం నియంత్రించలేకపోయినా.. మన శరీర రోగ నిరోధక శక్తిని పెంచుకోవడం ద్వారా దాని ప్రభావాన్ని తగ్గించుకోవచ్చు. కొన్ని రకాల ఆహార పదార్థాలు మన ఊపిరితిత్తులకు రక్షణ కవచంలా పనిచేస్తాయి. అవేంటో ఇప్పుడు చూద్దాం.
వాయు కాలుష్యం నుంచి మిమ్మల్ని రక్షించే 6 ఆహారాలు:
1. విటమిన్-సి అధికంగా ఉండే పండ్లు:
విటమిన్-సి అనేది ఒక శక్తివంతమైన యాంటీ ఆక్సిడెంట్. ఇది శరీరంలోని ఫ్రీ రాడికల్స్‌తో పోరాడి కణజాలం దెబ్బతినకుండా చూస్తుంది.
ఏమి తినాలి: ఉసిరి, నిమ్మ, నారింజ, జామ మరియు కివీ పండ్లను ప్రతిరోజూ తీసుకోవాలి. ఇవి ఊపిరితిత్తులలో మంటను తగ్గించి శ్వాస ప్రక్రియను సాఫీగా మారుస్తాయి.
2. బెల్లం :
బెల్లం సహజంగానే ఊపిరితిత్తులను శుద్ధి చేస్తుందని చెబుతారు.
ప్రయోజనం: కాలుష్య కారకాలు శ్వాసనాళాల్లో పేరుకుపోకుండా బెల్లం అడ్డుకుంటుంది. పారిశ్రామిక ప్రాంతాల్లో పనిచేసే వారు ప్రతిరోజూ కొద్దిగా బెల్లం ముక్కను తినడం వల్ల రక్తం శుద్ధి అవుతుంది. అంతే కాకుండా కార్బన్ కణాలు బయటకు పోతాయి.
3. ఒమేగా-3 ఫ్యాటీ యాసిడ్స్:
కాలుష్యం వల్ల గుండెపై పడే ఒత్తిడిని తగ్గించడంలో.. ఒమేగా-3 కీలక పాత్ర పోషిస్తుంది.
ఏమి తినాలి: వాల్‌నట్స్ (అక్రూట్), అవిసె గింజలు, చియా విత్తనాలు, చేపలు. ఇవి రక్తపోటును నియంత్రించడమే కాకుండా కాలుష్యం వల్ల వచ్చే అలర్జీలను తగ్గిస్తాయి.
4. పసుపు:
పసుపులో ఉండే ‘కర్కుమిన్’ అనే పదార్థం సహజమైన యాంటీ ఇన్‌ఫ్లమేటరీగా పని చేస్తుంది.
ప్రయోజనం: రాత్రి పడుకునే ముందు గోరు వెచ్చని పాలలో పసుపు కలుపుకుని తాగడం వల్ల ఊపిరితిత్తులలోని విష పదార్థాలు తొలగిపోతాయి. ఇది గొంతు నొప్పి, కాలుష్యం వల్ల వచ్చే దగ్గుకు మంచి మందు.
5. అల్లం, వెల్లుల్లి :
వెల్లుల్లిలో ఉండే ‘అల్లిసిన్’ బ్యాక్టీరియాతో పోరాడుతుంది. ఇది శ్వాసనాళాల వాపును తగ్గిస్తుంది.
ప్రయోజనం: వీటిని ఆహారంలో భాగం చేసుకోవడం వల్ల ఊపిరితిత్తుల సామర్థ్యం పెరుగుతుంది. కాలుష్యం వల్ల వచ్చే ఇన్ఫెక్షన్లను ఇవి సమర్థవంతంగా అడ్డుకుంటాయి.
6. బ్రోకలీ, ఆకుకూరలు :
బ్రోకలీలో ఉండే సల్ఫోరాఫేన్ అనే సమ్మేళనం శరీరంలోని విషపూరిత వాయువులను బయటకు పంపడంలో సహాయ పడుతుందని శాస్త్రీయంగా నిరూపితమైంది.
ఏమి తినాలి: పాలకూర, తోటకూర , బ్రోకలీ వంటి ఆకుకూరలను క్రమం తప్పకుండా తీసుకోవాలి.
Share
కుమారి ఆంటీ నెల సంపాదన ఎంతో తెలుసా.. లక్షల్లోనే సంపాదిస్తోందిగా ?
ప్రయాణీకులకు గుడ్ న్యూస్, హైదరాబాద్ నుంచి ఆ ప్రాంతానికి 3 వీక్లీ రైళ్లు!
