ముఖంపై బంగారం లాంటి నిగారింపు కావాలా? పార్లర్ వెళ్లి ఖర్చు చేయాల్సిన అవసరం లేదు.. ఇంట్లోనే ఇలా చేస్తే చాలు

Tips For Glowing Radiant Skin| అందమైన ముఖం కావాలని, మెరిసిపోయే కాంతివంతమైన చర్మం కావాలని అందరూ ఆశిస్తారు. అందుకోసం పార్లర్ వెళ్లి వందలు, వేలు ఖర్చు పెట్టి ఫేషియల్ చేయిస్తారు. అయినా ఆ ఫేషియల్స్ అన్నీ కెమికల్స్ కలిపిన క్రీమ్స్ తో చేస్తారు. ఈ కారణంగా కొంతమందికి ఈ ఫేషియల్స్ వికటిస్తాయి కూడా. అందుకే మెరిసే చర్మం కోసం ప్రత్యామ్నంగా సహజ సిద్ధమైన ఫేస్ ప్యాక్స్ కూడా ఉన్నాయి. పైగా వీటి కోసం ఖర్చు చేయాల్సిన అవసరం కూడా ఉండదు.

ఆరెంజ్ తొక్కలతో ఫేషియల్

ఆరెంజ్ (నారింజ పండు) తిన్న తర్వాత చాలా మంది వాటి తొక్కలను వ్యర్థంగా భావించి చెత్తలో పారవేస్తారు. కానీ ఆ తొక్క చర్మ సంరక్షణకు చాలా ఉపయోగపడుతుంది. ఆయుర్వేదం, ఆధునిక వైద్యం రెండూ చర్మ నిగారింపు మెరుగుపరచడానికి ఆరెంజ్ తొక్క బాగా ఉపయోగపడతాయని చెబుతాయి.

ఆరెంజ్ తొక్క చర్మానికి ఎందుకు మంచిది?

ఆరెంజ్ తొక్కలో విటమిన్ సి, యాంటీఆక్సిడెంట్లు పుష్కలంగా ఉంటాయి. ఇవి చర్మాన్ని సహజంగా ఆరోగ్యంగా, మెరుగ్గా ఉంచుతాయి. ఇది చర్మ సమస్యలను తగ్గించి, సహజమైన మెరుపును ఇస్తుంది.

మృత చర్మ కణాలను తొలగించేందుకు

ఆరెంజ్ తొక్క సహజమైన ఎక్స్‌ఫోలియేటర్‌గా పని చేస్తుంది. చర్మం మీది మృత కణాలను తొలగించి, క్రింద ఉన్న తాజా చర్మాన్ని బయటకు తెస్తుంది. క్రమం తప్పకుండా వాడితే ముఖం ఆరోగ్యంగా, ప్రకాశవంతంగా కనిపిస్తుంది.

డార్క్ స్పాట్స్ తగ్గించడానికి సహాయపడుతుంది

ఆరెంజ్ తొక్కలో సిట్రిక్ ఆమ్లం ఉండటం వల్ల డార్క్ స్పాట్స్ (నల్ల మచ్చలు) తగ్గుతాయి. ఇది సహజమైన బ్లీచ్ లాగా పని చేసి చర్మం టోన్‌ను మెరుగుపరుస్తుంది.

చర్మంలో ఉన్న అధిక నూనె నియంత్రించి మొటిమలు నివారిస్తుంది

ఆరెంజ్ తొక్క చర్మం మీద ఉండే అదనపు నూనెను గ్రహించి, రంధ్రాలను శుభ్రంగా ఉంచుతుంది. దీంతో పింపుల్స్ రాకుండా నివారించవచ్చు. ఇందులోని యాంటీబాక్టీరియల్ లక్షణాలు.. మొటిమలకు కారణమయ్యే బ్యాక్టీరియాను చంపుతాయి.

వయసు పెరిగే సంకేతాలను తగ్గిస్తుంది

ఆరెంజ్ తొక్క.. కొలాజెన్ ఉత్పత్తిని పెంచి, ముడతలు చిన్న గీతలను తగ్గిస్తుంది. యాంటీఆక్సిడెంట్లు ఫ్రీ రాడికల్స్ నుంచి చర్మాన్ని రక్షిస్తాయి. దీని వల్ల చర్మం ఎక్కువ కాలం యవ్వనంగా కనిపిస్తుంది.

చర్మాన్ని టైట్ చేస్తుంది

ఆరెంజ్ తొక్క సహజమైన టోనర్‌గా పని చేసి రంధ్రాలను టైట్ చేసి, చర్మాన్ని మెత్తగా, గట్టిగా ఉంచుతుంది.

ఆరెంజ్ తొక్క పొడి ఎలా తయారు చేయాలి?

తాజా ఆరెంజ్ తొక్కలను బాగా కడిగి, ఎండలో ఎండబెట్టండి. పొడిబారిన తర్వాత మిక్సీలో వేసి సన్నగా పౌడర్ లాగా చేయండి. ఈ పొడిని గాలి లేని డబ్బాలో భద్రపరచుకోండి.

Also Read: చిన్నవయసులోనే ముఖంలో ముసలితనం ఛాయలు.. కారణాలు ఇవే.. ఈ జాగ్రత్తలు పాటించాలి

ముఖంపై ఎలా ఉపయోగించాలి?

ఒక టీస్పూన్ ఆరెంజ్ తొక్క పొడిని పాలు లేదా గులాబ్ వాటర్‌తో కలపండి. మీ చర్మం పొడిబారి ఉంటే తేనె కూడా వేయండి. ఈ మిశ్రమాన్ని ముఖం, మెడపై సమానంగా పూయండి. 15 నుంచి 20 నిమిషాలు ఉంచి, తేలికగా స్క్రబ్ చేస్తూ కడగండి. వారానికి రెండు సార్లు చేస్తే త్వరగా చర్మంపై నిగారింపు వస్తుంది.

ఇతర ప్రయోజనాలు

ఆరెంజ్ తొక్క పొడిని పెరుగుతో కలిపి స్క్రబ్‌గా వాడవచ్చు. అలోవెరా జెల్‌తో కలిపితే చర్మానికి హైడ్రేషన్ ఇస్తుంది.

ఆరెంజ్ తొక్క సహజమైన, చవకైన, ప్రభావవంతమైన చర్మ సంరక్షణ పదార్థం. దీన్ని క్రమం తప్పకుండా వినియోగిస్తే చర్మం కాంతివంతంగా, ఆరోగ్యంగా మారుతుంది. ఇంట్లో సులభంగా తయారు చేసుకుని ఉపయోగించండి.