America: ఇరాన్పై అమెరికా-ఇజ్రాయెల్ దాడుల నేపథ్యంలో వైట్హౌస్ సమీపంలో కాల్పుల ఘటన తీవ్ర కలకలం రేపింది. ఈ ఘటన వెనుక ఉన్నదెవరు? దీనిపై దర్యాప్తు చేసేందుకు అమెరికా సీక్రెట్ సర్వీస్ రంగంలోకి దిగింది. ఈ ఘటన వెనుక రకరకాల అనుమానాలు వ్యక్తమవుతున్నాయి.
వైట్హౌస్ సమీపంలో కాల్పుల కలకలం
ఇరాన్పై యుద్ధం జరుగుతున్న నేపథ్యంలో అమెరికాలో అధ్యక్షుడు భవనం వైట్హౌస్ సమీపంలో కాల్పుల ఘటన తీవ్ర కలకలం రేపింది. ఈ ఘటన గురించి సమాచారం అందుకున్న వెంటనే ఆదేశ సీక్రెట్ సర్వీస్ విభాగం రంగంలో దిగింది. వైట్హౌస్కు ఉత్తరాన 7 ఎకరాల విస్తీర్ణంలో లాఫాయెట్ పార్క్ ఉంది.ఆ పార్కులో శనివారం అర్ధరాత్రి వేళ గన్ ఫైర్ అయినట్టు అక్కడి మీడియా వర్గాలు తెలిపాయి.
వెంటనే రంగంలోకి దిగిన అమెరికా సీక్రెట్ సర్వీస్, ఈ ఘటనపై దర్యాప్తు ప్రారంభించింది. ఈ కాల్పుల్లో ఎవరూ గాయపడలేదని దర్యాప్తు బృందాలు తెలిపాయి. పార్కుతోపాటు పరిసర ప్రాంతాల్లో గాలింపు సమయంలో అనుమానిత వ్యక్తులు ఎవరూ కనిపించలేదని సీక్రెట్ సర్వీస్ అధికారులు వెల్లడించారు.
రంగంలోకి అమెరికా సీక్రెట్ సర్వీస్, దర్యాప్తు మొదలు
అమెరికా అధ్యక్షుడు ట్రంప్ వీకెండ్ వైట్హౌస్లో గడుపుతున్న సమయంలో ఈ ఘటన చోటుచేసుకుంది. ఈ నేపథ్యంలో అక్కడ భద్రతను మరింత పెంచారు అధికారులు. ఇరాన్తో యుద్ధం మొదలైన నుంచి భారీగా వైట్హౌస్ చూట్టూ బలగాలు మోహరించాయి. దీంతో ఆ పార్క్ చుట్టూ కంచె నిర్మాణం చేశారు.
సీక్రెట్ సర్వీస్ ప్రతినిధి ఆంథోనీ మాట్లాడుతూ డీసీ మెట్రోపాలిటన్ పోలీస్ డిపార్ట్మెంట్-యూఎస్ పార్క్ పోలీస్తో కలిసి సంయుక్తంగా దర్యాప్తును చేస్తున్నట్లు తెలిపారు. సమీపంలో లభించిన వాహనం, అనుమానితుడి కోసం గాలిస్తున్నట్లు తెలిపారు. ఈ ఘటన తర్వాత ఆ ప్రాంతంలో రహదారులను మూసి వేశారు.
ALSO READ: అమెరికా అధ్యక్షుడు ట్రంప్ చనిపోయాడా?.. వైట్ హౌస్ క్లారిటీ
తర్వాత వాటిని తొలగించినట్టు అమెరికా సీక్రెట్ సర్వీస్ అధికారులు ఎక్స్ వేదికగా తెలిపారు. ఈ సంఘటనపై వైట్హౌస్ నుండి ఎలాంటి ప్రకటన రాలేదు. వైట్హౌస్ కార్యకలాపాలు యథావిధిగా కొనసాగుతున్నాయని అధికారులు తెలిపారు.
Share
మతిమరుపుకు మందు అక్కర్లేదు.. ఒక్క గ్లాసు నీరు మీ మెదడును ఎలా మారుస్తుందో తెలుసా?
ముఖంపై బంగారం లాంటి నిగారింపు కావాలా? పార్లర్ వెళ్లి ఖర్చు చేయాల్సిన అవసరం లేదు.. ఇంట్లోనే ఇలా చేస్తే చాలు
