Tulsi Tea: ఈ టీ తాగితే.. ఆరోగ్య సమస్యలు రమ్మన్నా రావు !

Tulsi Tea: ఆయుర్వేదంలో తులసిని మూలికల రాణి అని పిలుస్తారు. తులసి అనేక ఆరోగ్య సమస్యలను తొలగించడంలో సహాయపడుతుంది. తులసి టీని క్రమం తప్పకుండా తాగడం ద్వారా సీజనల్ ఇన్ఫెక్షన్ల నుండి బయటపడవచ్చు.

నిజానికి తులసి శక్తివంతమైన యాంటీఆక్సిడెంట్లు , అడాప్టోజెనిక్ ప్రభావాలను కలిగి ఉంటుంది. ఇవి ఆరోగ్య సమస్యల నుండి మిమ్మల్ని దూరంగా ఉంచుతాయి. తరచుగా తులసి టీ తాగడం ద్వారా జలుబు , దగ్గు సమస్యను కూడా తగ్గించుకోవచ్చు. తులసి టీ తాగడం వల్ల మరెన్నో ప్రయోజనాలు ఉంటాయి. తులసి టీ తాగడం వల్ల ఎలాంటి ఆరోగ్య సమస్యలు రాకుండా ఉంటాయో ఇప్పుడు తెలుసుకుందాం.

తులసి టీ తాగడం వల్ల కలిగే ప్రయోజనాలు:

దగ్గు, జలుబు:
తులసి ఆకులలో ఉండే యాంటీఆక్సిడెంట్ లక్షణాలు రోగనిరోధక వ్యవస్థను బలోపేతం చేస్తాయి. తులసి ఆకులతో తయారు చేసిన టీ తాగడం వల్ల మీ రోగనిరోధక శక్తి పెరుగుతుంది. అంతే కాకుండా జలుబు , దగ్గు సమస్య నుండి ఉపశమనం పొందవచ్చు.

తలనొప్పి నుండి ఉపశమనం:
కొన్ని సార్లు తలనొప్పి సమస్య చాలా పెరుగుతుంది. అటువంటి పరిస్థితిలో తులసి టీ మీకు చాలా బాగా ఉపయోగపడుతుంది. తులసి ఆకులతో తయారుచేసిన టీని క్రమం తప్పకుండా తీసుకోవడం వల్ల తలనొప్పి కూడా తగ్గుతుంది.

ఒత్తిడిని తగ్గిస్తుంది:
తులసి ఆకుల్లో ఉండే లక్షణాలు ఒత్తిడి సమస్యలను దూరం చేస్తాయి. అంతే కాకుండా వీటిలో ఉండే సమ్మేళనాలు మెదడులోని న్యూరోట్రాన్స్మిటర్లు సెరోటోనిన్ , డోపమైన్‌లను సమతుల్యం చేయడంలో సహాయపడతాయి. అలాగే తులసి ఆకులలో యాంటీ ఇన్ఫ్లమేటరీ లక్షణాలు ఉంటాయి. ఇవి రక్తపోటు వంటి సమస్యలను తగ్గిస్తుంది.

జుట్టుకు ప్రయోజనకరం:

తులసి ఆకులలో యాంటీ ఫంగల్ లక్షణాలు కనిపిస్తాయి. ఇవి తల చర్మంపై నుండి ఫంగస్, చుండ్రు పెరుగుదలను నివారిస్తాయి. అంతే కాకుండా చుండ్రు సమస్య నుండి బయటపడాలనుకుంటే మీరు తులసి ఆకుల టీని క్రమం తప్పకుండా త్రాగడం అలవాటు చేసుకోవాలి. జుట్టు రాలే సమస్యతో ఇబ్బంది పడుతున్న వారికి తులసి చాలా మేలు చేస్తుందని ఆరోగ్య నిపణులు చెబుతున్నారు.

Also Read: ఈ నేచురల్ హెయిర్ కలర్‌తో.. క్షణాల్లోనే తెల్ల జుట్టు నల్లగా మారడం ఖాయం

చర్మ సమస్యలు:
తులసి చర్మపు మచ్చలు, మొటిమలను తొలగించడంలో సహాయపడుతుంది. ఇందులో యాంటీ ఆక్సిడెంట్లు పుష్కలంగా ఉండటం వల్ల అకాల వృద్ధాప్య సమస్యలను నివారిస్తుంది. తులసి మన జుట్టు మూలాలను కూడా బలోపేతం చేస్తుంది. జుట్టు రాలడం సమస్యను తగ్గించుకోవాలనుకుంటే ఖచ్చితంగా తులసి టీ తాగడం అలవాటు చేసుకోండి.  చర్మ సంబంధిత సమస్యలతో ఇబ్బంది పడుతున్న వారు తులసి టీ తాగడం చాలా మంచిది.

తులసి టీ తాగడం వల్ల తలనొప్పి, జలుబు, దగ్గు వంటి సమస్యలు నయం కావడమే కాకుండా అధిక రక్తపోటు, కొలెస్ట్రాల్, కడుపు నొప్పి వంటి సమస్యలను కూడా తగ్గుతాయి. మీరు ఏదైనా ఇతర ఆరోగ్య సమస్యతో బాధపడుతుంటే నిపుణుల సలహా మేరకు మాత్రమే తులసి టీని తీసుకోవాలని గుర్తుంచుకోండి.

Share

• 
• 
• 
• 
• 
•