Healthy Foods For Children: పిల్లలు పరీక్షల సమయంలో సరిగ్గా తినకుండా తెగ టెన్షన్ పడిపోతుంటారు. ఎగ్జామ్స్ అనగానే వారిలో భయం మొదలవ్వడంతో తిండి మానేస్తుంటారు. అలాగే మార్కులు తక్కువగా వస్తాయేమోననే భయంతో తీవ్ర ఒత్తిడికి లోనవుతారు. అందుకే.. పిల్లల్లో ఒత్తిడిని తగ్గించడానికి తల్లిదండ్రులు బాధ్యత తీసుకుని, పరీక్షల సమయంలో పోషకాలతో కూడిన మంచి ఆహారం అందివ్వాలని చెబుతారు నిపుణులు. అప్పుడే వారిలో భయం తొలగిపోయి జ్ఞాపకశక్తి పెరుగుతుంది. ఈ నేపథ్యంలో పరీక్షలప్పుడు పిల్లలకు ఎలాంటి ఆహారం ఇవ్వాలో తెలుసుకుందాం.
బయట దొరికే ఫాస్ట్ ఫుడ్, జంక్ ఫుడ్ వంటివి కాకుండా.. ఇంట్లో వండిన ఆహారాన్నే పిల్లలకు అందించాలి. ముఖ్యంగా విద్యార్థులు ఎగ్జామ్స్ సమయంలో తమ ఆరోగ్యాన్ని జాగ్రత్తగా చూసుకోవాలి. తినే సమయంలో అసలు పరీక్షల గురించి ఆలోచించకూడదు. ప్రశాంతంగా తినాలి. లేదంటే.. ఎగ్జామ్ హాల్లో నీరసించి పోతారు.
పిల్లలు అడుగుతున్నారు కదాని.. ఎక్కువగా స్వీట్లు, శీతల పానీయాలు, పానీపూరి, చాక్లెట్లు కొనివ్వకూడదు. అల్పాహారంగా ఇడ్లీ, దోశె, అటుకులు వంటివి పెట్టొచ్చు. మధ్యాహ్నం అన్నంలో పప్పు, కూరగాయల సలాడ్ తీసుకుంటే ఇంకా మంచిది. రాత్రి అన్నం బదులుగా చపాతి, జొన్నరొట్టె, మసాలా లేని, నూనె తక్కువగా ఉండే కూరలను పెట్టండి. పరీక్షల సమయంలో సమతుల ఆహారం చాలా అవసరం.
Read Also: రాత్రి 7 గంటల్లోపు డిన్నర్ చేస్తే ఎన్ని ప్రయోజనాలో.. తెలిస్తే అస్సలు మిస్ చేయరు!
ఆహారం జ్ఞాపశక్తిపై ప్రభావం చూపిస్తుందన్న విషయం మరచిపోవద్దు. ప్రతిరోజూ ఖచ్చితంగా విటమిన్ డి కోసం సూర్యకిరణాలు తాకేలా పిల్లల్ని కాసేపు ఎండలో కూర్చోమని చెప్పాలి. డి విటమిన్ మెదడు పనితీరుపై ప్రభావం చూపిస్తుంది. అలాగే స్కూల్లో విద్యార్థులతో కలిసి భోజనం చేయడంవల్ల వారిలో ఆత్మవిశ్వాసం బలపడుతుంది.
ఎగ్జామ్స్ టైంలో ఆందోళన చెందకుండా వేళకు భోజనం చేయమని సూచనలు ఇవ్వండి. ఆత్మవిశ్వాసమే బలమని వారికి నమ్మకం కలిగించాలి. పిల్లల ఒత్తిడిని జయించడం కూడా తల్లిదండ్రులు చేతుల్లోనే ఉంటుంది. పరీక్షల సమయంలో పిల్లలతో ఎక్కువ సమయం గడుపుతూ వారి అవసరాలను గుర్తించి ఎప్పటికప్పుడు వాటిని తీరుస్తుండాలి.
విద్యార్థులు కొన్నిసార్లు వేళకి ఆహారం తీసుకోరు. అలాంటి సమయంలో వారికి ఇష్టమైన వంటలు చేసిపెట్టాలి. పరీక్షల సమయంలో పిల్లల ఆరోగ్యం ఎంతో ముఖ్యం. శరీరానికి సరిపడ నీరు తాగమని చెప్తుండాలి. పిల్లలకు ఎగ్జామ్స్ సమయంలో మాత్రమే కాదు.. మొదటి నుంచీ వారికి ఆరోగ్యకరమైన ఆహారం అందిచండం వల్ల పిల్లలు హెల్దీగా పెరుగుతారు.
Read Also: గంటల తరబడి కంప్యూటర్‌తో కుస్తీ.. అనారోగ్యానికి భారీ మూల్యం చెల్లించక తప్పదు!
Share
WTC : మరుగుజ్జు అన్నారు..WTC పాయింట్ల పట్టికలో మనోళ్లను మట్టి కరిపించాడు.. నాలుగో స్థానానికి దిగజారిన టీమిండియా
Andhra King Taluka : రిలీజ్ డేట్ లో మార్పు, ఈ టైంలో నిర్ణయం ఎందుకో?
