Work from Home vs Office Work| గత కొన్ని సంవత్సరాలు ఇంటి నుంచే ఆఫీసు పని చేయడం (వర్క్ ఫ్రమ్ హోమ్) అనే కొత్త విధానం వచ్చింది. ఇంట్లో కుటుంబంలో సమయం గడుపుతూనే ఆఫీసు పని కూడా చేసుకోవడం ఆలోచిస్తే చాలా సౌకర్యవంతంగా ఉంటుంది. అందుకే చాలా మంది వర్క్ ఫ్రమ్ హోమ్ విధానాన్ని ఇష్టపడుతున్నారు. అయితే కొందరు మాత్రం ఆఫీసు నుంచి పని చేయడం ఆరోగ్యకరమని ఏకాగ్రతతో పనులు చేయవచ్చని చెబుతున్నారు. అందుకే ఈ రెండు పని విధానాలు మీ శారీరక, మానసిక ఆరోగ్యం ఎలా ప్రభావితం చేస్తాయనేది చూద్దాం.
ఇంటి నుంచి పని చేయడం వలన సౌకర్యం, సౌలభ్యం లభిస్తాయి. ఈ విధానంలో ఆఫీసుకు వెళ్లాల్సిన అవసరం లేదు కాబట్టి, మీరు ప్రయాణ సమయం, శ్రమ ఆదా చేసుకోవచ్చు. అయితే ఇంట్లో పనిచేసే సమయంలో చాలామంది గంటల తరబడి కదలకుండా కూర్చుంటారు. దీనివల్ల బరువు పెరుగుతుంది, శరీరం బిగుసుకుపోతుంది. ఆఫీసులో సౌకర్యం గల కుర్చీ, డెస్క్లుంటాయి. కానీ ఇంట్లో సరైన డెస్క్, కుర్చీ లేకపోతే వీపు నొప్పి, తప్పుడు భంగిమ కారణంగా ఆరోగ్య సమస్యలు వచ్చే అవకాశం ఉంది.
ఇంటి నుండి పనిచేసేవారు రోజంతా చాలా తక్కువగా కదులుతారు. నడవడం, శరీరాన్ని కదలికలతో సాగదీయడం, వ్యాయామం చేయడం మానేస్తారు. కాలక్రమేణా ఈ జీవనశైలి షుగర్, బీపీ లాంటి వ్యాధుల ప్రమాదాన్ని పెంచుతుంది. ఎక్కువసేపు కూర్చోవడం కండరాలను, కీళ్లను దెబ్బతీస్తుంది.
ఒంటరిగా పనిచేయడం వల్ల కొన్నిసార్లు ఒంటరితనం, విసుగు అనిపిస్తుంది. ఇతరులతో కలవకపోవడం మానసిక స్థితిని దెబ్బతీస్తుంది. వృత్తి, వ్యక్తిగత జీవితం మధ్య తేడా గుర్తించలేక చాలామంది తడబడతారు. దీనివల్ల ఒత్తిడి, మానసిక అలసట వస్తాయి.
ఆఫీసు పని రోజులో ఎక్కువ కదలికను ప్రోత్సహిస్తుంది. ఇంట్లో పనిచేయడం కంటే ఆఫీసుకి వెళ్లడం వల్ల కదలిక వస్తుంది. అక్కడ ఉద్యోగులు నడుస్తారు, సంభాషిస్తారు, క్రియాశీలకంగా ఉంటారు. ఇతరులతో మాట్లాడటం వలన మానసిక ఆరోగ్యం మెరుగవుతుంది, ఆఫీసులో సహోద్యుగులతో కలిసి ఒక టీమ్ వర్క్గా పనిచేసి బెటర్ ఫలితాలు సాధించగలరు. కానీ ఆఫీసు జీవితంలో కూడా ఆరోగ్య సమస్యలు ఉన్నాయి.
రోజూ ఆఫీసుకు ప్రయాణించడం చాలా అలసటగా, ఒత్తిడిగా ఉంటుంది. ఎక్కువ సేపు ప్రయాణం చేయడం వలన శక్తి తగ్గి, చిరాకు పెరుగుతుంది. స్థిరమైన షెడ్యూల్స్ వ్యక్తిగత సమయాన్ని పరిమితం చేస్తాయి. ఇది శారీరక, మానసిక ఆరోగ్యం రెండింటినీ ప్రభావితం చేస్తుంది.
ఆఫీసులో పనిచేసే ఉద్యోగులు డెస్క్ల ముందు గంటల తరబడి కూర్చుంటారు. నిరంతరం కూర్చోవడం వలన వీపు నొప్పి, అలసట వస్తాయి. ఆఫీసు పనివేళ్లో అనారోగ్యకరమైన ఆహారం తినే అలవాట్లు ఏర్పడవచ్చు. దీనివల్ల తప్పుడు జీవనశైలి వల్ల వ్యాధుల ప్రమాదం పెరుగుతుంది.
రెండు పని విధానాల్లోనూ ప్రయోజనాలు, లోపాలు ఉన్నాయి. నిపుణుల అభిప్రాయం ప్రకారం.. ఇంటి నుండి పని చేయడం సౌకర్యవంతంగా ఉంటుంది కానీ శరీర కదలికను తగ్గిస్తుంది. ఆఫీసు పని పరస్పర చర్యను మెరుగుపరుస్తుంది కానీ ప్రయాణ ఒత్తిడిని పెంచుతుంది. మీ అలవాట్లు, జీవనశైలిపై సరైన ఆప్షన్పై ఆధారపడి ఉంటుంది.
చాలామంది నిపుణులు హైబ్రిడ్ (మిశ్రమ) పని విధానాం అన్నింటి కంటే బెటర్ అని చెబుతున్నారు. ఇంటి నుంచి పనిచేసే సౌలభ్యం, ఆఫీసుకు వెళ్లడం వల్ల ఎక్కువ ఏకాగ్రత, శరీర కదలికలు అన్ని ప్రయోజనాలు ఉంటాయి. ఈ సమతుల్యత మానసిక, శారీరక ఆరోగ్యం రెండింటికీ మంచిది. ఇది పనితీరును పెంచుతుంది. వృత్తి, వ్యక్తిగత జీవితం మధ్య సమతుల్యతను మెరుగుపరుస్తుంది.
Also Read: భారీతీయ మహిళల్లో చీర క్యాన్సర్ ముప్పు.. ఈ ఒక్క తప్పు వల్లే ఆరోగ్యానికి ప్రమాదం
తరచుగా విరామాలు తీసుకోండి, మీ శరీరాన్ని మధ్య మధ్య సాగదీయండి. పనిచేసేటప్పుడు సరైన భంగిమలో కూర్చోండి. ప్రతిరోజు వ్యాయామం చేస్తూ ఉండండి. పని చేసే సమయంలో స్పష్టమైన హద్దులు ఏర్పరచుకోండి. మంచి మానసిక ఆరోగ్యం కోసం ఇతరులతో కలుస్తూ ఉండండి.
Share
వీల్ చైర్ కే పరిమితమైన స్టార్ డైరెక్టర్.. నడవలేని పరిస్థితుల్లో!
Kavitha New Party: బీఆర్ఎస్ కోసం రక్తం చిందించా.. కేసీఆర్ మనిషి కాదు, మర మనిషి.. విరుచుకుపడ్డ కవిత!
