Desinger Saree Washing Tips| డిజైనర్ చీర కేవలం ఒక వస్త్రం మాత్రమే కాదు. అది మీ జీవితంలోని ఎన్నో ప్రత్యేకమైన జ్ఞాపకాలను కూడా గుర్తు చేస్తుంది. పెళ్లిళ్లు, వేడుకలు, పార్టీలు వంటి సందర్భాల్లో ధరించే ఈ చీరలు చాలా విలువైనవి. వీటిలో సిల్క్, జార్జెట్, ఆర్గంజా, నెట్ వంటి సున్నితమైన వస్త్రాలు ఉంటాయి. చేతిపని, ఎంబ్రాయిడరీ కూడా ఎక్కువగా ఉంటుంది. అందుకే వీటిని సరైన విధంగా ఉతకాలి లేకపోతే రంగు ఫేడ్ కావొచ్చు. ఫ్యాబ్రిక్ బలహీనపడే అవకాశం కూడా ఉంటుంది. సరైన విధానంలో జాగ్రత్తలు పాటిస్తే చీర చాలా కాలం కొత్తదిలా ఉంటుంది.
చీరను ఉతకడానికి ముందు దానిపై ఉన్న కేర్ లేబుల్ తప్పకుండా చదవాలి. తయారీదారు ఇచ్చిన సూచనలను పాటించడం చాలా ముఖ్యం. కొన్ని డిజైనర్ చీరలను డ్రై క్లీనింగ్ మాత్రమే చేయాలని సూచిస్తారు. అలాంటి చీరలను ఇంట్లో ఉతకకూడదు. సూచనలు పట్టించుకోకపోతే చీర శాశ్వతంగా దెబ్బతినే ప్రమాదం ఉంటుంది.
ఇంట్లో ఉతకడానికి అనుకూలమైన చీరల కోసం మైల్డ్ లిక్విడ్ డిటర్జెంట్ ఉపయోగించాలి. ఇది వస్త్రాన్ని, ఎంబ్రాయిడరీని సురక్షితంగా ఉంచుతుంది. బలమైన కెమికల్స్ ఉన్న డిటర్జెంట్లు రంగును తగ్గించవచ్చు. అలాగే వస్త్రం మెరుపును కూడా దెబ్బతీయవచ్చు. బ్లీచ్ లేదా హార్డ్ క్లీనింగ్ పదార్థాలను ఉపయోగించకపోవడం మంచిది.
ఎప్పుడూ చల్ల నీటితోనే చీరను ఉతకాలి. వేడి నీరు వస్త్రాన్ని కుచించవచ్చు. అలాగే కలర్ షేడ్ అయ్యే ప్రమాదం కూడా ఉంటుంది. ఎంబ్రాయిడరీ కూడా దెబ్బతినే అవకాశం ఉంటుంది. చల్ల నీటితో ఉతకడం వల్ల చీర అందం ఎక్కువకాలం నిలుస్తుంది.
చీరను 5 నుంచి 10 నిమిషాల కంటే ఎక్కువసేపు నీటిలో ఉంచకండి. ఎక్కువసేపు నానబెడితే రంగు నీటిలో కలిసిపోవచ్చు. ఫ్యాబ్రిక్ కూడా బలహీనపడుతుంది. కాబట్టి తక్కువసేపే నానబెట్టి మెల్లగా శుభ్రం చేయాలి.
డిజైనర్ చీరను ఎప్పుడూ గట్టిగా రుద్దకండి. బలంగా మెలికలు తిప్పకండి. ఇలా చేస్తే ఎంబ్రాయిడరీ, సున్నితమైన దారాలు తెగిపోవచ్చు. మరకలు ఉన్న చోట కూడా మెల్లగా శుభ్రం చేయాలి. జాగ్రత్తగా ఉతకడం వల్ల చీర అందం కాపాడుకోవచ్చు.
చీరను నేరుగా ఎండలో ఆరబెట్టకండి. ఎండ ఎక్కువగా తగిలితే రంగు వెలిసిపోవచ్చు. గాలి బాగా వచ్చే నీడ ప్రదేశంలో ఆరబెట్టడం మంచిది. సహజంగా ఆరనివ్వడం వల్ల వస్త్రం నాణ్యత అలాగే ఉంటుంది.
చీర పూర్తిగా ఆరిన తర్వాత మాత్రమే అల్మారాలో పెట్టాలి. తేమ ఉండితే దుర్వాసన లేదా ఫంగస్ ఏర్పడే అవకాశం ఉంటుంది. సిల్క్ లేదా భారీ ఎంబ్రాయిడరీ ఉన్న చీరలను కాటన్ లేదా మల్మల్ వస్త్రంలో చుట్టి ఉంచాలి. ఇలా చేయడం వల్ల దుమ్ము మరియు నష్టాల నుంచి రక్షణ లభిస్తుంది.
Also Read: పిల్లాడు ప్రతిరోజు చికెన్, మటన్ లేకుండా భోజనం చేయడం లేదా? వెజ్ కూరలు తినిపించడానికి సింపుల్ టిప్స్
డిజైనర్ చీరలను సాధారణ బట్టలతో కలిపి ఉతకకూడదు. ఇలా చేస్తే రంగు మారే ప్రమాదం ఉంటుంది. కేర్ లేబుల్ అనుమతిస్తే తప్ప వాషింగ్ మెషిన్లో వేయకూడదు. ఇస్త్రీ చేసే సమయంలో కూడా సరైన ఉష్ణోగ్రతను పాటించాలి. ఏదైనా కొత్త క్లీనింగ్ ఉత్పత్తి అంటే వాషింగ్ పౌడర్ లేదా లిక్విడ్ ఉపయోగించే ముందు చిన్న భాగంలో పరీక్షించాలి.
చిన్న చిన్న జాగ్రత్తలు పాటిస్తే డిజైనర్ చీర చాలా సంవత్సరాల పాటు కొత్తదిలా ఉంటుంది. సరిగా ఉతకడం, ఆరబెట్టడం, నిల్వ చేయడం వల్ల రంగు, మెరుపు, నాణ్యత అలాగే ఉంటాయి. పెళ్లి లేదా ఇతర ఫంక్షన్లు లాంటి ప్రతి ప్రత్యేక సందర్భంలో మీ చీర అందంగా కనిపించేందుకు ఈ చిట్కాలు ఉపయోగపడతాయి.
Share
ఆకలి తీర్చడమే నేరమైందా.. ఢిల్లీ విద్యార్థులకు అన్నం పెట్టినందుకు ఇల్లంతా అరెస్టే.. అసలేం జరిగింది?
రాగాలు పలికే రాళ్లు.. నల్లగొండలోని ఈ వింత ప్రదేశం గురించి తెలుసా?
