Morning Walk: నేటి ఆధునిక జీవనశైలిలో వాకింగ్ కేవలం వ్యాయామం మాత్రమ కాదు.. ఆరోగ్యకరమైన జీవన విధానంలో ఒక ముఖ్యమైన భాగం కూడా. అయితే, చాలామంది ఉదయం పూట వాకింగ్ చేయడానికి ఇష్టపడుతుంటారు. ఉదయం పూట వాకింగ్‌కు వెళ్లడం వలన అనేక బెనిఫిట్స్ ఉంటాయని నిపుణులు చెబుతున్నారు. నడక వల్ల గుండె, ఊపిరితిత్తుల ఆరోగ్యం మెరుగుపగుతుంది. అలాగే వాకింగ్ రక్త ప్రవాహాన్ని పెంచి, కండరాలను బలోపేతం చేస్తుంది. ఈ నేథ్యంలో వణికించే చలిలో మార్నింగ్ వాక్‌కు వెళ్లాలా? వద్దా? అని చాాలామంది ఆలోచిస్తుంటారు. అలాంటి వాళ్లకి నిపుణులు ఇచ్చే సూచనలేంటో ఇప్పుడు తెలుసుకుందాం..
మార్నింగ్ వాక్ ఆరోగ్యానికి మంచిదే అయినప్పుటికీ.. కొన్ని జాగ్రత్తలు పాటించడం తప్పనిసరి అని నిపుణులు హెచ్చరిస్తున్నారు. చల్లటి వాతావరణంలో నడవటం వల్ల రక్త ప్రసరణ మెరుగుపడుతుంది, జీవక్రియ వేగవంతం అవుతుంది. అలాగే, ఉదయం పూట వాకింగ్ చేయడం వల్ల తాజా గాలి, తేలికపాటి సూర్యకాంతి విటమిన్ డిని శరీరానికి అందుతాయి. ఇది ఎముకలకు బలాన్ని చేకూరుస్తుంది.
Read Also: బేర్‌ఫుట్‌తో మానసిక ఆరోగ్యం మెరుగు.. ఇలా రోజూ నడిచారంటే రోగాలు పరిగెడతాయ్!
ఉబ్బసం, రక్తపోటు లేదా గుండె జబ్బులు వంటి సమస్యలున్న వాళ్లు మార్నింగ్ వాక్‌కు వెళ్లేటప్పుడు మరింత జాగ్రత్తగా ఉండాలి. చలిలో వెచ్చని దుస్తులు ధరించకుండా వాకింగ్‌కు వెళ్లడం వల్ల జలుబు, తలనొప్పి వచ్చే అవకాశం ఉంది. కాబట్టి.. ఇలాంటి వాళ్లు ఉదయం పూట ఆలస్యంగా లేదా మధ్యాహ్నం సమయంలో నడవాలని నిపుణులు సూచిస్తున్నారు.
* మార్నింగ్ వాక్‌కు వెళ్లేటప్పుడు కచ్చితంగా వెచ్చని దుస్తులు ధరించాలి. ఉష్ణోగ్రతను బట్టి, రెండు లేదా మూడు పొరల బట్టలు వేసుకుంటే సరి.
* వాతావరణం మరీ చల్లగా ఉంటే.. చేతులు, కాళ్లు, చెవులను తప్పనిసరిగా కప్పి ఉంచేలా గ్లౌజులు, సాక్సులు, క్యాప్ ధరించాల్సిందే.
* ఉబ్బసం, రక్తపోటు సమస్యలు ఉన్నవాళ్లు నడకను వేగంగా కాకుండా నెమ్మదిగా ప్రారంభించాలి. తర్వాత వేగాన్ని పెంచుకోవాలి.
* మంచులో చల్లని గాలి నేరుగా గొంతు, ఊపిరితిత్తుల్లోకి వెళ్లకుండా ఉండటానికి అవసరమైతే మాస్క్ ధరించడం ఎంతైనా అవసరం.
* వాకింగ్ ప్రారంభించడానికి ముందు డీహైడ్రేషన్ జరగకుండా ఉండటానికి వాకింగ్‌కు ముందు, తర్వాత తగినంత నీరు తాగాలి.
* వాకింగ్ ప్రారంభించడానికి వాతావరణం కొద్దిగా వెచ్చగా ఉండేలా చూసుకోవాలి. అప్పుడే వాకింగ్ యొక్క ప్రయోజనాలను పొందవగలరు.
Read Also: నాలుగు పదుల వయసులోనూ ఫిట్‌నెస్.. ఆ కిటుకు మన చేతుల్లోనే ఉందన్న నిపుణులు!
Share
Karnataka CM Seat Tussle: కర్ణాటకలో సీఎం కోసం సీటు కుస్తీ.. దిల్లీకి చేరిన పంచాయితీ
Eagle Team: గ్రేట్ ఈగల్ టీం.. ఢిల్లీలో 50 మంది నైజీరియన్ల అరెస్ట్, కేజీకి పైగా డ్రగ్స్ సీజ్
